Apastil Nani Sturka 12:5 - DAWAN BÎLA AISKA

⁵ Bamna Pita silak ra kan, aihwawakra nani mita sin pain aihwaki kaiki kan, sakuna serts uplika nani lika witin dukiara Dawan ra karna pali ai pura suni kata.

Apastil Nani Sturka 12:5 ပူးပေါင်းရင်းမြစ်များ

Matiu 18:19

“Bara kau sin mai wisna: Naha tasba ra man nani tilam wina wâl ai kupia wilin taki, diara kum ai pura suni makabia kaka, Aisiki kasbrika purara ba mita witin nani ra yabia.

Luk 18:1

Jisas naha maprika lilka na aisin, baha nani ra marikaia dukiara nahki swapras kira ai pura sunaia ba.

Apastil Nani Sturka 12:12

Pita baha dukiara luki ban wapi, Jan, Mark yaptika Meri wi ba watla kat balan; bahara upla ailal asla taki ai pura suni kan.

Apastil Nani Sturka 12:4

Bamna Pita ba alki priskan ningkara, witin ba Herod mita silak ra mangkan. Bahara suldiar daknika walhwal aihwaki kan, dakni bani ra suldiar walhwal kata. Witin luki kan Insal luan Yua Liliaka ba lubia taim, upla nani mawanra sakaia.

Apastil Nani Sturka 12:6

Sim tihmika, Pita ba Herod mita upla nani mawanra saki brih waia kan yua kainara, Pita lika mihta wâlsut sîn ni priskan, ban suldiar wal lilapas ra yapi kan. Suldiar wala nani lika dur ra aihwaki kan.

1 Korint 12:26

Wan wîna tara sirpika kum pât wahwisa kaka, wîna sirpika wala nani ba sut sin wahwisa; bara wîna sirpika kum ra prana yabuya kaka, sirpika wala nani ba sut aikuki lilia takisa.

2 Korint 1:11

man nani sin puram sunra bâk hilp wan muni kama kaka. Bara upla manis pura sunra bâk hilp wan munbia kaka, Gâd ai kupia yamni lâka wanki ba dukiara upla manis tingki wibia.

1 Tesalonaika 5:17

Piu bani puram suni banhwi bas.

Hibru Nani 13:3

Silak ra mangkan uplika nani ba kupiam krauki bas, man nani sin witin nani aikuki silak watla ra kapram kan baku. Rausauhkan uplika nani ba ra luki bas, man nani sin witin nani wal baku pât wahwi kapram kan baku.

Jems 5:16

Baha mita, pana pana saurkam nani damhra sâks, bara pana pana dukiamra sin puram suni bas, bara baku lika rawma. Upla kasakkira pura sunra ba karnika tara brisa.