Apastil Nani Sturka 12:23 - DAWAN BÎLA AISKA

²³ Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.

Apastil Nani Sturka 12:23 ပူးပေါင်းရင်းမြစ်များ

2 King Nani 19:35

Bara baha sim tihmika, Dawan insalka ba taki wan Asiria nani kiampka ra, bara upla nani 185,000 ikan, bara titan ra bûi banhwan ba ra sut pali ba pruan atia kan.

2 Kronikas 32:21

Bara Dawan ba ai insalka blikan bara baha nani sut iki tikan, suldiar nani, kiaptin nani, kamandantika nani, Asiria kingka kiampka ra, bara witin kli ai tawanka ra wan, ai swira tara ba wal. Bara ai gâdka tempelka ra diman ba ra, silp ai luhpia nani mita ikan.

Job 19:26

Taiya na pîs pîs ra kauhbia kra, yang pali silp Gâd ra kaikamni,

Job 7:5

Wîni tara aiska na liwa pali baman sa, bara sukwan blaska nani sin; bara taiya purara insauhkan nani ba, sukwi mabiara taki laiwisa.

Lawana Nani 115:1

Dawan, maiyunpara, mayunra ba man bris, yang nani ra lika apia mayunra ba man bris, ¡man latwankam lâka ba mita bara man kasakkam lâka tânka ba wal!

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Impakan Sturka 12:12

Baha tihmika yang lika Idsip tasbaya aiska ra lui wamna, bara Idsip uplika nani watla bîla bani ra, luhpia tawahkia bani ba ikamni; daiwra luhpia tawahkia nani ba sin, bara Idsip gâdka nani ba lâka sin daukamni. Yang Dawan, baku aisisna.

Impakan Sturka 12:23

Baha tihmia, Dawan Idsip uplika nani ba ikaia bahak bal lui wabia. Sakuna tala ba dur playka nani ra yukan ba kaikbia ba ra, watla ba tnaya walak lui wabia. Baku witin mita sauhki tatikra insalka ba swika wamtla ra dimbia apia.

Impakan Sturka 12:29

Tihmia lilapas ra, Dawan mita Idsip uplika nani luhpia tawahkia kumi bani ba ikan, baku sin king fero luhpia tawahkia, king iwaika ra kan ba, silak ra mangkan nani kan ba luhpia tawahkia kat sut pruan, baku sin daiwan lupia nani tawahkia kat sin sut pruan.

Impakan Sturka 9:17

Baha sut daukisna, sakuna man ban upliki nani ba mapara buisma, alki takaski brisma yaram taki waras.

Sins Lâka 12:8

Waitna ba ra mayunan kabia, witin sins lâka bri tânka praiska kat, kuna upla sinskas ba bahki kulki kabia.

Aiseya 14:11

Naha kat prautkam lâka ba takaskan bara miusikkam, gitar tara binka ba sin. Man krikrikam ba uba umpira pali sa, man munhtampala ba, liwa nani sa.’

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Aiseya 51:8

kan witin nani ba kwala yula mita pi ba pibia, linin kwalka ba liwa mita pi ba baku. Sakuna yang pura luisna lâka ba lika lui wabia apia ban kaia ra, bara swaki sakangki lâka ba sin bâra ban kabia.”

Aiseya 66:24

“Witin nani balbia bara kaikbia upla pruan nani ba baha nani maipara buan ba. Liwa nani baha nani ra pi ba sip pruras ban kabia, pauta klauhan witin nani ra angki ba sin daskbia apia. ¡Baha ba diara saura pali kabia upla sut mapara!”

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 28:9

¿Bara ban damra wali kama ki, gâd baku, taibi mai muni nani ba mawanka ra sma ba ra? ¡Mai iki nani ba mihta ra man ba upla kum baman sma!

Apastil Nani Sturka 12:22

Bamna upla nani ba ai bîla baikra tara ni winan: “¡Naha aisi na lika upla apia, sakuna gâd pali kum aisisa!”

Apastil Nani Sturka 5:19

Sakuna tihmia ra, Dawan insalka kum mita bal silak watla durka ba kwâki, apastil nani ba latara saki, naku win:

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

1 Samuil 25:38

Yu matawalsip Dawan wina kli klala yan, bara Nabal pruan.