Apastil Nani Sturka 12:21 - DAWAN BÎLA AISKA

²¹ Herod lika yu kum mangkan, baha yua ra witin lika ai king kwalka diman ba kira king iwaika ra iwi, mahka sturi nani aisinka tara aisin.

Apastil Nani Sturka 12:21 ပူးပေါင်းရင်းမြစ်များ

1 King Nani 22:10

Bamna Israel kingka Josafat bara Juda kingka ba wal ai king iwaika ra iwi kan, bara war aiklabaia prâka dimi, aidrubanka daukaia pliska Sameria dimaika getka lamara; bara prapitka nani sut witin nani mawanra dahra aisi banhwi kata.

Job 15:21

Ai kiama ra bin nani wali bara sirang iwisa kasak yukuwan sa luki, bara âimplikra nani mita bal dukia nani implikisa.

Sins Lâka 18:12

Waitna kupia praut pali taki ba wina bâk wan krikaia lâka takisa; kuna bawikira lâka ba wina, yamni wiaia lâka balisa.

Aiseya 5:14

Daiwan wail baku, raiti ba ai bîla ba kwâkbia, sip bîla banhbia apia. Tawan wihta nani ba sut langkbia. Witin nani prana bahara iwi wabia, ai tara pulanka ba bara ai prana mayunra lilia ba sin.

Malaquía 3:15

Yawan nani kaikan aimayunra nani ba lilia sa, diara watawi nani ba wina, witin nani ra yamni baman takisa; witin nani mita Dawan traika kaikisa, sakuna klala kumi sin briras.’ ”

Matiu 27:19

Pailat lâ daukaika pliska ra iwi kan ba ra, ai maya ai bîla bliki, naku win: “Baha waitnika kasakkira ba tilara dimpara, witin pâtka mita na tihmia yang yaprisauhkan saura pali kum kaikri bamna.”

Apastil Nani Sturka 12:20

Herod lika ai kupia baiki kata, Tiro bara Sidón wal tawanka ra iwi uplika nani mapara, kuna yu kum witin nani sut aidrubi balan witin ba mawanra. Sakuna witin nani lalah ni Herod suldiarka wihtka kumi wal uplika taki banhwan, baha nina ba Blasto kata. Bamna witin bâk kupia kumi lâka makaban, witin nani ai tasbaya ba king kuntrika wina ai pata bri kan bamna.

Apastil Nani Sturka 12:22

Bamna upla nani ba ai bîla baikra tara ni winan: “¡Naha aisi na lika upla apia, sakuna gâd pali kum aisisa!”

Apastil Nani Sturka 24:1

Yu matsip ningkara, prîs tara Ananías, Ju wihtka almuk nani, bara layar kum nina Tértulo ba kira, Sesaria ra wan. Naha nani sut wihta tara mawanra wan, Pal dahra kwahkaia.

Apastil Nani Sturka 25:23

Yu wala, Agripa Berenice wal balan, kasak pain aiskahkan kira. Witin nani lâ watla ra bal diman, suldiar wihtka nani aikuki, bara tawan wihtka nani sin. Festo mita blikan Pal ba bri balaia, bara witin ba bri balan.