Apastil Nani Sturka 12:19 - DAWAN BÎLA AISKA

¹⁹ Herod mita pliki blikan wan, sakuna sip wal prawras kan. Bara suldiar nani ba lâka dauki muni, sut kat ikan. Ningkara, Herod Judia wina taki Sesaria ra wih iwan.

Apastil Nani Sturka 12:19 ပူးပေါင်းရင်းမြစ်များ

1 King Nani 20:43

Bamna Israel kingka ba sari takan bara ai kupia sarikira king watla ra mahka wan, Sameria ra.

Ester 6:12

Naha daukan ba ningkara, Mardoqueo ba kli king watla dimaika ra balan. Bara Amán lika, ai kupia ra wirha tara wal, ai lal biki aihni muni ai watla ra wan.

Jirimaya 36:26

sakuna witin tawi king kiamka luhpia kum Jerahmeel ra adar yan, Seraías ra sin, Azriel luhpia waitna ba, wala Selemías Abdeel luhpia waitna ba ra sin adar yan, prapit Jirimaya ba, wauhkataya âiulbra Baruc sin silak ra mangkaia. Sakuna witin nani ba Dawan mita yukukan.

Matiu 2:1

Jisas ba Judia tasbaya ra tawan kum nina Betlehem wi ba ra aisubi takan. Baha piua ra Herod lika baha kuntri kingka aimaki kan. Bamna laih lalma wina Jerusalem tawanka ra waitna sinskira nani balan,

Matiu 2:13

Sinskira nani mahka wan ba ningkara, Dawan insalka kum yaprisauhkan ra Josep ra latan taki, naku win: “Man bus, bara tukta ba ai yaptika wal brih Idsip ra plaps. Bahara takasks yang maisam pakamna ba kat, kan Herod tukta ba ikaia wisi plikbia bamna.”

Matiu 2:16

Herod kaikan sinskira nani witin ra kunin munan, bara ai kupia baiwan. Bara adar yaban Betlehem ra bara baha tawanka lamara iwi tuktika waitna sirpi mani wâl bri ba wina ai mâyara ba sut ikaia, sinskira nani bal witin ra win ba piua pali ba kat.

Apastil Nani Sturka 12:18

Yu baiwan ba ra, suldiar nani tilara bin dauki aihka pali kan, witin nani sip tânka briras kan Pita ra dîa takan sapa.

Apastil Nani Sturka 12:4

Bamna Pita ba alki priskan ningkara, witin ba Herod mita silak ra mangkan. Bahara suldiar daknika walhwal aihwaki kan, dakni bani ra suldiar walhwal kata. Witin luki kan Insal luan Yua Liliaka ba lubia taim, upla nani mawanra sakaia.

Apastil Nani Sturka 12:6

Sim tihmika, Pita ba Herod mita upla nani mawanra saki brih waia kan yua kainara, Pita lika mihta wâlsut sîn ni priskan, ban suldiar wal lilapas ra yapi kan. Suldiar wala nani lika dur ra aihwaki kan.

Apastil Nani Sturka 16:27

Silak watla main kakaira ba yapan wina kupia krawan buan ba ra, kaikan silak watla durka nani sut lika param baman kan. Bara ai sordka saki ai mihta ni pruaia luki kan, witin lukan silak ra mangkan uplika nani sut ba taki plapan.

Apastil Nani Sturka 21:8

Yu wala, Pal bara ya nani wala sin yang nani wal kan ba aikuki Sesaria ra wih banhri. Bahara yang nani Pilip watla ra aidrubi wari; witinka sturi yamni ba twatwilkra kan, serts tâ upla 7 kan ba wina kumi kata. Witin wal takaski banhri.

Apastil Nani Sturka 25:13

Yu tila nani luan ningkara, king Agripa Berenice wal Sesaria ra balan Festo lakula wiaia.

Apastil Nani Sturka 27:42

Bara suldiar nani mita silak uplika nani ba iki tikaia lukan, ban kra liura dimwi yawi swak takbiara sîa.

Apastil Nani Sturka 8:40

Pilip ai dahra walan, witin ba Azoto ra kan. Bamna witin tawan bani ra wapi, sturi yamni ba smalki ban Sesaria kat wan.

1 Samuil 23:14

Baku upla iwras tasbaya ra Zif ilka ra kan kahbaika pliska nani ra Debit iwi kan. Zif ilka ra Saúl yu bani witin ra pliki kan, sakuna Dawan mita witin ai mihta ra mangkras kan.