Apastil Nani Sturka 12:11 - DAWAN BÎLA AISKA

¹¹ Pita baha kat ai dara walan, bara win: “Nanara daira walisna baha ba kasak pali sa, Dawan mita ai insalka blikan, Herod mihta wina swaki ai sakaia, bara Ju nani dîa ai munaia luki kan ba wina sin.”

Apastil Nani Sturka 12:11 ပူးပေါင်းရင်းမြစ်များ

Blasi Sturka 15:13

Bara Dawan Ebram ra win: —Naha tânka man damra walaia sma, man kiamkam nani ba tringsar baku upla wala nani tasbaya kum ra witin nani iwbia, bahara witin nani ba alba nani kabia. Mani handat walhwal witin nani ra sin rausauhkan kabia.

Blasi Sturka 18:13

Sakuna Dawan Ebraham ra win: —¿Dîa kan Sara ba kikisa? ¿Witin sip kasak lukras sa ki nanara almuk takan ba ra witin kau luhpa baikaia sip ba?

Blasi Sturka 26:9

Bara Abimélec Aisak paiwan balbia, bara witin ra win: —¿Ban apia kasak pali witin na man mayam? ¿Bara nahki kan man wiram witin na man lamkra? Aisak pana win: —Yang baku aisari, kan ban kra witin ai tâwan upla yang ra ai ikbia lukri.

2 Samuil 22:1

Debit naha lawana Dawan ra aiwanan, Saúl mihta ra bara ai waihla nani sut mihta ra sin kauhaia kan ba wina, Dawan bui swaki sakan ba ra.

2 Kronikas 16:9

Kan Dawan kasak pali kaikisa naha tasba ra dîa taki nani ba, bara sin witin ra bîla kaikanka bri nani ra, tâ baikisa ai kupia aiska ni. Naha kat man saura daukram sinskas baku, baha mita naiwa wina ai kainara war kau karna brima.”

Job 31:31

Yang wal takaski kan nani ba mita, upla sât wala ra kakaira apia ra, saura munaia lukan piua ra,

Job 5:19

Kli kli pât wina dakbi mai saki kabia, bara ban saura ba swika ban man ra mai alkbia apia.

Lawana Nani 109:31

Kan witin mita upla umpira ba tâwan aisi swaki sakisa, bara wala nani mapara aisi ba pât ra dingkisa.

Lawana Nani 33:18

Kaiks, Dawan nakra nani ba baha nani witin ra sibrin luki ba kat aihwaki kaikisa. Witin ra kulki bara kasak luki latwan kaiki nani ba kat kaikisa,

Lawana Nani 33:19

witin nani ba prura wina swaki sakaia, plun dauki ba ra rayaka yabia mata.

Lawana Nani 34:22

Dawan ai napakanka nani rayaka ba swaki sakisa; ¡witin kat kaiki ai kupia alki bri nani ba, klala yaban kabia apia!

Lawana Nani 34:7

Dawan ra yamni kulki uplika nani ba, Dawan insalka ba mita kan kahbi, swaki sakisa.

Lawana Nani 41:2

Naha tasba ra Dawan bui witin nani ba kan kahbi kabia, rayaka sin alki bribia, liliaka sin yabia, ai waihla nani witin ra munaia luki ba mihta ra sin mangkan kabia apia.

Lawana Nani 97:10

Dawan ba latwan kaikisa, baha uplika nani saura ra misbara kaiki ba; kasak luki nani rayaka ba, kan kahbi brisa; upla watawikira nani mihta ra kauhaia ba wina dakbi sakisa.

Daniel 3:25

—Sakuna yang kaikisna waitna walhwal bâra ba, pauta klauhan ba lilapas ra wapi taukisa; pauta ba bui diara kumi sin munras pali sa, waitna walhwalka ba mawan ba lika insal baku sa.

Daniel 3:28

Baha pali minitka ra, Nabucodonosor wini aisin: “Sadrac, Mesac bara Abed-negó Gâdka ra mayunan kabia, witin ai insalka blikan ai napakan kasakkira nani ba swaki sakaia, witin nani king dîa lâ mangkan ba kulkras, kanra yamni lukan pruaia gâd nani ra bawi mayunaia kaka, baha nani witin nani ai Gâdka pali apia ba.

Daniel 6:22

Yang Gâdki bui ai insalka blikan, bara layan nani bîla ba prakan yang ra dîa kra ai munbia sîa, kan Gâd kaikisa yang na pâtkas sna, bara sin, king, man mampara sin saura kumi sin daukras sna.

Luk 15:17

Bâra mika witin ai kupia wal aisin: ‘¡Papiki watla ra wark uplika nani ba plun manis brisa, kuna yang lika nahara plun bla pruisna!

Apastil Nani Sturka 12:7

Tisku pali kan, Dawan insalka kum balan, bara silak watla ba ingni pali takan. Witin Pita tnaya mina ra tuski bara tatukbi, win: “¡Man aihni pali mahka bus!” Baha sim pali piua ra Pita mihta ra sîn kata ba tasba ra kauhan.

Apastil Nani Sturka 24:27

Baku mani wâl luan, bara Porcio Festo ba Félix watlika ra wihta tara aimakan. Félix ba Ju nani wal pain kaia wisi, Pal ba silak ra ban swin.

Apastil Nani Sturka 25:9

Sakuna Festo lika Ju nani wal pain kaia ba dukiara, Pal ra makabi walan: —¿Man Jerusalem ra waia want sma ki, bahara yang lâmka daukaia?

Apastil Nani Sturka 5:19

Sakuna tihmia ra, Dawan insalka kum mita bal silak watla durka ba kwâki, apastil nani ba latara saki, naku win:

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

2 Pita 2:9

Bamna Dawan kaikisa, witin ra luki uplika nani ba, traika kaikanka wina swaki sakisa, bara sin nu sa saura dadaukra nani ba, pât mununhtara bri kaia lâ tara yua ba kat.