Apastil Nani Sturka 11:26 - DAWAN BÎLA AISKA

²⁶ Witin nani bahara serts uplika nani ba wal takaskan mani kum, ban upla nani ra sin smalki kan. Bamna Antíoco ra sika pas lalukra nani nina kristian nani mâkan ba.

Apastil Nani Sturka 11:26 ပူးပေါင်းရင်းမြစ်များ

Aiseya 65:15

Bara man nani ninam ba mâki, yang upliki nani ba upla wala nani ra lahtubi kabia, bara Dawan mita ai dukia dadaukra nani ra nina wala ni mâki kabia.

Matiu 28:19

Bamna man nani nisan sut uplika nani ra was, bara yang disaipilki nani dauki banhs; tahbi dauki banhs, Aisa ba nina ra, Luhpia ba nina ra, bara Spirit Holikira ba nina ra sin.

Jan 2:2

bara Jisas ai disaipilka nani wal sin marit pata ra paiwan kata.

Apastil Nani Sturka 1:15

Baha yua nani kum ra, Pita lika wan muihni nani lilapas kat buan. Upla nani asla bâra kan ba lika 120 baku kan. Witin bila baha nani ra:

Apastil Nani Sturka 11:20

Sakuna lalukra nani tila Chipre bara Cirene wina kan ba mita Antíoco tawanka ra wan, bahara Dawan Jisas swaki wan saki sturka ba Ju apia nani ra smalkan.

Apastil Nani Sturka 11:22

Bara naha sturka na Jerusalem ra serts bâra ba kiama ra diman ba ra, witin nani mita Bernabé saki blikan Antíoco ra.

Apastil Nani Sturka 11:27

Baha piua ra, Dawan wina sturi bri aisi uplika tila nani, Jerusalem wina Antíoco ra wan.

Apastil Nani Sturka 11:29

Bara lalukra nani Antíoco ra iwi ba sut wilin takan hilp kum blikaia, Judia ra wan muihni iwi banhwi ba nani ra, kumi bani sip kan ba kat.

Apastil Nani Sturka 14:20

Sakuna kristian nani sut aidrubi bal Pal tnaya kir bûi banhwan, bara witin ba kli rawan. Ningkara tawan ra kli dimi wan; bara yu wala ra Bernabé wal Derbe ra wan.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Apastil Nani Sturka 14:23

Bamna serts nani bani ra tâ uplika nani mangkan. Baha ningkara, Gâd ra luki plun piras kira ai pura suni, baha ba Dawan mihta ra mangkan, witin nani sut witinka ra kasak luki kan ba.

Apastil Nani Sturka 14:27

Witin nani Antíoco ra balan ba ra, serts uplika nani sut asla paiwan, bara baha nani ra win, dîa dîa Dawan bui witin nani ra daukan ba, bara nahki Gâd mita Ju apia nani ra sin yabalka ba sakan kasak lukaia dukiara.

Apastil Nani Sturka 14:28

Bara Pal Bernabé wal bahara piua wihka takaskan kristian nani ba aikuki.

Apastil Nani Sturka 18:27

Bamna Apolos ba Acaya kuntrika ra luaia win ba ra, Epesus ra lalukra nani mita witin hilpka ra wauhkataya kum ulbi Acaya muihni nani ra bliki win, Apolos ba pain bribia. witin Acaya ra wan ba ra, baha nani Gâd kupia latwanka tara mita kasak luki kan nani ba hilpka pali aimakan.

Apastil Nani Sturka 19:9

Sakuna tila nani ai kupia karna daukan, kasak sin lukan daukras kan, kau ni upla nani mawanra sturi yamni ba mapara saura ni aisin. Bara Pal baha nani swi si, kristian nani ba Tirano skulka watla ra brih wan; bahara witin yu bani aisi kan.

Apastil Nani Sturka 20:1

Bin kata ba luan ba ra, Pal mita kristian nani ba paiwan kupia kraukanka nani yaia. Ningkara, witin baha nani lakula dauki si, mahka Macedonia ra wan.

Apastil Nani Sturka 20:30

Bara man nani pali tilam wina sin upla tila nani bubia, bara diara kasak ba swi si kunin ni smalkbia, kristian nani ai nina blîkbia wisi.

Apastil Nani Sturka 21:4

Bahara yang nani kristian nani aikuki prawi, wik kum takaski banhri. Spirit Holikira mita naha kristianka nani ra win kan, Pal ra wibia Jerusalem ra wabia apia.

Apastil Nani Sturka 26:28

Bara Agripa bila: —Kau wiria kata, kupi laki kristian ai daukaia kapram.

Apastil Nani Sturka 6:1

Baha yua nani ra, kristian nani ba kau ailal taki kan, bara Grik bîla aisi uplika nani mita Hibru bîla aisi uplika nani mapara brukwi aisi kan. Witin nani aisin, yu bani plun yui ba ra, ai piarkika nani ra aitani main kaikras.

Apastil Nani Sturka 6:5

Naha diara na dukiara upla nani sut aitani lukan, bara witin nani mita Stiben ba ai tila wina pliki sakan. Witin lika waitna kumi kasak lukan lâka ni, Spirit Holikira ni sin banhwan kan. Bara Pilip, Prócoro, Nicanor, Timón, Pármenas, bara Nikolas Antíoco wina, witinka kaina piua ra Ju lâka kakulkra kan ba.

Apastil Nani Sturka 9:19

Baha ningkara plun pin, ai karnika sin brin, bara lalukra nani Damaskus ra kata nani ba wal yu kulki takaskan.

Apastil Nani Sturka 9:38

Jope lika Lida tawanka wal baila kan, bara lalukra nani Jope ra iwi kan ba walan, Pita lika Lida ra sa. Bamna waitna wâl saki blikan, naku maisa pakaia: “Pliskam takaskras, Jope ra bal.”

1 Korint 11:18

Tâ pali ra, yang sturkam walisni, man nani serts ra asla aidrubisma ba ra, tilamra tar baiwan lâka nani bâra sa; bara yang kasak lukisni naha na wiria kasak baku sa.

1 Korint 12:12

Kan Kraist ba lika wîna tara kum baku sa, bara baha ba wîna sirpika ailal brisa; baha wîna sirpika nani ba ailal sa sakuna, wîna tara kumi daukisa.

1 Korint 14:23

Bamna, serts uplika aiska ba asla takan ba ra, kumi bani bîla sât aihka aisisa kaka, bara lan âpu uplika tila nani lalukra apia nani bal dimuya kaka, ¿aisi banhbia apia ki man nani ba lamla saura takan sa?

1 Korint 4:17

Naha dukiara, Timoti ba man nani ra blikuna. Witin sika Dawan ra luhpi laitwankira bara kasak pali ba. Witin ba yang na Kraist ra lalukra baku nahki iwisna tânka ba man nani kupiam kraukbia, plis sut ra serts bani ra smalkisna ba baku.

Epesus 3:15

witinka ba wina upla sut kiamka ba ai nina brisa, kasbrika purara bara naha tasba ra sin.

Jems 2:7

Witin nani sika Kraist mapara saura aisi ba, baha nina painkira mita sika man nani ra kristian mai mâki ba.

1 Pita 4:14

Kraist tâwan saura pali mai wibia kaka, man nani liliam bas; kan Gâd Spiritka pranakira ba man nani puramra bal iwi bahara takaskisa.

1 Pita 4:16

Sakuna, upla kum kristian ba tâwan pât wahwisa kaka, ai swira lukaia apia sa, kuna Gâd ra mayunbia naha nina bri ba.

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.