Apastil Nani Sturka 11:24 - DAWAN BÎLA AISKA

²⁴ Bernabé lika waitna kum pain kata, witin Spirit Holikira ni bara kasak lukan lâka ni sin aibanhwan kan. Baha mita witin mita upla manis Dawan ra bri balan.

Apastil Nani Sturka 11:24 ပူးပေါင်းရင်းမြစ်များ

2 Samuil 18:27

Aihwawakra ba pura praki aisin: —Plapra natka ba kaikisna, tâura plapi ba Ahimaas, Sadoc luhpia waitna ba talia sa. King bila win: —Witin ba waitna kasak sa, bamna blestu witin sturi yamni brih aula.

Lawana Nani 112:5

Upla diara yamni dauki ba ai kupia kumi lin munisa, ai bisniska ba pain impakisa,

Lawana Nani 37:23

Upla wapanka nani ba Dawan mita tâ brisa; witin aitani kaiki ba yabalka bîla ra mangkisa.

Sins Lâka 12:2

Upla yamni ba, Dawan wina kupia yamni lâka saki bribia, sakuna diara saura nani luki waitnika ba, witinka bui pâtkira kulkbia.

Sins Lâka 13:22

Upla yamni ba ai dukia kukanka ai mula nani dukia swisa, sakuna saura dadaukra ai yuyaka manis bri ba, upla kasakkira nani dukia suni swisa.

Sins Lâka 14:14

Taniskira ba ai âuyapah sa ai daukanka ra, sakuna upla yamni lika, ai yabalka ba ai âuyapah kabia.

Matiu 12:35

Upla yamni ba diara yamni nani aisisa, ai kupia ra diara yamni baman sa bamna, upla saura ba diara saura nani aisisa, saurka ba ai kupia ra sa bamna.

Matiu 19:17

Jisas pana witin ra win: —¿Dîa kan yang ra yamni ba dukiara makabi walisma? Yamni ba kumi baman bâra sa. Sakuna raya ban kaia ra diman mai daukisa kaka, lâ nani ba wali dauks.

Luk 23:50

Waitna kasak pain kulkan waitnika kum bâra kan, ai nina ba Josep, witinka ba Judia tawanka kum nina Arimatea wi ba wina kata. Witin na sin Ju lâ dadaukra wihtka nani kum kata.

Jan 7:12

Upla nani ba tilara manis Jisas dukiara aisi kan. Tila nani bila: “Baha ba waitna pain kum sa”; kuna wala nani bila: “Baha ba upla pain apia sa, kan upla ra kunin munisa.”

Apastil Nani Sturka 11:21

Dawan karnika ba witin nani purara kan, bamna upla manis ai lukanka almuk nani ba swi si, Dawan ra ni kasak lukan.

Apastil Nani Sturka 2:4

Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

Apastil Nani Sturka 2:47

Witin nani Gâd nina mayuni kan, bara upla nani sut mita pain pali kaikan; bamna yu bani Dawan mita swaki sakan uplika nani ba kau kau sal witin nani daknika ra asla praki kan.

Apastil Nani Sturka 24:16

Baha mita sika yang kupi lukanka tânka ba klin brisna, Gâd mawanra bara upla nani mawanra sin.

Apastil Nani Sturka 5:14

Upla Dawan ra kasak lukan ba kau ailal takan, waitna nani bara mairin nani sin.

Apastil Nani Sturka 6:3

Bahamna, man nani tilam wina waitna pain 7 pliki sâks, sins lâka aitani bri nani ba, bara Spirit Holikira ni sin aibanhwan kaka; baha nani ra naha warkka na yas daukbia.

Apastil Nani Sturka 6:5

Naha diara na dukiara upla nani sut aitani lukan, bara witin nani mita Stiben ba ai tila wina pliki sakan. Witin lika waitna kumi kasak lukan lâka ni, Spirit Holikira ni sin banhwan kan. Bara Pilip, Prócoro, Nicanor, Timón, Pármenas, bara Nikolas Antíoco wina, witinka kaina piua ra Ju lâka kakulkra kan ba.

Apastil Nani Sturka 6:8

Stiben lika waitna kumi Gâd karnika bara yamnika ni aibanhwan kan. Witin lika diara aihka nani bara sain nani sin dauki kata upla nani tilara.

Apastil Nani Sturka 9:31

Bamna serts ba, Judia ra, Galili ra, Sameria ra, baha tasbaya aiska ba kupia kumi spirit bri pâwi kan. Witin nani Dawan sibrinka ra iwi banhwi kan, Spirit Holikira hilpka ra, bara kau ailal taki kan.

Roman 15:15

Sakuna naha wauhkataya na wal, yang sibrin âpu param pali diara tila nani man nani ra ulbisna, âmya tiwbia apia ba mata. Naha daukisna Gâd ai kupia yamni bâk adar aikan ba mita,

Roman 5:7

Upla wala watlika ra aimaki pruaia wiaia ba karna sa, upla kasak kum watlika ra sin apia; sakuna ban kra upla kum kasak ba tâwan upla kum kra wilin takbia pruaia.