Apastil Nani Sturka 11:23 - DAWAN BÎLA AISKA

²³ Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

Apastil Nani Sturka 11:23 ပူးပေါင်းရင်းမြစ်များ

2 King Nani 18:6

Kan witin Dawan kat nina blikan, bara sin witin Dawan yabalka ba wina tnaya ra tawras kan, dîa Dawan bîla kainara Moses bâk ulbi yaban kan ba kat alki dauki kan.

Lawana Nani 17:3

Man bui yang lukanki nani ra dimram, tihmia ra bal aihwaki ai kaikatma; tâinka aihwa sapa plikatma, bara diara saura nani yang ra sakras katma; sturi aisaia apia nani ba, yang aisaras.

Sins Lâka 23:15

Luhpi, man sins lâka ba alkma ba ra, yang wal upla wala kau lilia ba âpu kabia.

Sins Lâka 23:28

Âu, witin nani kunin mamunra, upla nina maya dimisa, âimplikra baku; bara daukisa waitna ailal ban tanis tiwaia ba.

Daniel 1:8

Sakuna Daniel lukan king pata dauki ba wina pi, wainka dauki ba sin di tâski takaia apia, bara Aspenaz makaban witin ra taibi munaia apia, king pata bara wainka ba wina piaia bara diaia.

Matiu 16:24

Bara Jisas ai disaipilka nani ra win: —Ya yang nini blikan dauki kaka, witin ai wîna ba kulkaia apia sa, bara ai dusa prihni ba brih, nini blîkbia.

Mark 2:5

Jisas mita upla nani kasak pali lukanka ba kaiki, sikniskira ba ra win: —Luhpi, man saurkam nani ba sut swih tikan sa.

Jan 15:4

Bamna yang wal asla ban banhwi bas, yang sin man nani wal asla ban sna ba baku. Tnawa kumi ai kiwka ra apia sa kaka, witin yakan sip ai mâ sakras sa; baha sim natka ra, man nani ba yang wal asla ban apia sma kaka, sip mâ sâkma apia.

Apastil Nani Sturka 13:43

Ju nani priaska watla ra asla takan ba tnata alkan, Ju ailal bara Ju takan uplika ailal sin, Pal Bernabé wal nina blikan. Bara apastil nani mita smalki kupia kraukan, nahki witin nani ban kasak kaia sa Gâd latwanka lâka ra.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Apastil Nani Sturka 14:26

Bahara witin nani duri tara kum ra aimaki Antíoco ra balan. Baha pliska ra sika serts tâ upla nani mita witin nani ba Gâd latwanka mihta ra mangkan, bara nanara witin nani baha daukaia kata sut dauki tnata alkan kan.

Apastil Nani Sturka 15:40

Pal lika Silas ba bâk saki brin, wan muihni nani mita witin nani ba Dawan latwanka lâka mihta ra mangkan, ningkara witin nani mahka impakan.

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

Apastil Nani Sturka 20:32

“Bara nanara, muihni nani, Dawan mihta ra mai mangkuna, ai latwanka lâka tara ba mihta ra sin. Witinka karnika tara brisa, sip sa maikka pâwaia spirit tani ra bara witin pramis maikan ba kat daukbia holikira sakan ba tilara.

Apastil Nani Sturka 4:36

Baku sin witin nani ai tilara Libait kum kata nina Josep, witin ba Chipre kî dakura ra aisuban kan, bara apastil nani mita nina wala laki yan, Bernabé, (tânka ba “Maisa Nanihkra luhpia”).

Roman 12:8

Ya upla wala nani tâ baikaia prisantka bri ba, trai kaikaia sa baha warkka daukaia. Ya sin upla ra diara prisant yabi kaka, witin ai tânka lukras kira yabia. Ya tâ briaia warkka brisa kaka, witin aman kaiki baha ba daukaia sa. Ya diara luha uplika nani ra hilp muni kaka, witin liliakira baha ba daukaia sa.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

2 Korint 1:17

¿Baku daukaia lukri ba, pulan lâka ra lukatna ki? ¿Man nani lukisma, yang dîa daukaia luki kaikisna bara namhpa namhpa sna, “daukamna” bara “daukamna apia”?

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

Kli Smalkanka 10:20

“Dawan Gâdkam bîla wali dauki bas, bara witin ra baman mayuni bas; man nani kasak bas, witin ai nina ra baman swer taki bas.

Kli Smalkanka 30:20

Dawan Gâdkam ra man nani latwan kaiki bas, bîla wali dauki kasak bas, kan man nani rayakam ba witin wina sa bamna. Bara mani ailal baha kuntrika ra iwma, damikam nani ra Dawan Ebraham ra, Aisak ra bara Jekob ra yabaia win ba.”

Kolosi 1:6

Man nani ra mai smalkan sturka yamni na, tasba pîska bani ra pâwi ai mâ sin pain sakisa, sim man nani tilamra takan ba baku, Gâd latwan tânka aisin walram ba wina, bara tânka briram naha latwanka lâka na kasak pali sa.

2 Timoti 3:10

Sakuna man lika yang smalkanki nani ba pain nina blikram sa, nahki yang iwi kapri ba, yang dîa daukaia want kapri ba sin; man ba yang kasak lukanki lâka ba pain alki briram, wihka bîla kaikisna lâka ba, latwanki lâka ba, bara ban bapi bûi kaia lâka ba sin,

Jasua 22:5

Diara kumi baman mamkabisna ba lika, Dawan napakanka Moses ai lâka bîla nani ba kasak daukma, ai lâka ba sin. Wibia kaka, Dawan ra bara man nani Gâdkam ra piua bani ai yabalka ra wapi kaia, ai lâka bîla nani wali daukma, bara ai nina bliki ai dukia daukma kupiam aiska kira bara sulkam aiska kira sin.”

Jasua 23:8

Yua bani Dawan Gâdkam nina bliki bas kainara baku, naiwa yua kat daukisma ba baku.

1 Pita 5:12

Silvano hilpka ni, witinka muihni kasakkira kum kulkisna ba, naha wauhkataya bîla prahni na mai ulbisna. Yang want sna man nani tâm baikaia bara witnis taki pali sin mai wisna: yamnika nani briram ba lika, Gâd latwanka tânka kasak ba sika. ¡Baha ba kat bapi bûi bas!

1 Jan 2:28

Bamna nanara, luhpi lupia nani, Kraist wal asla ban bas, bara baku mika witin param takbia ba ra wan âuyapah kabia, bara witin balbia ba ra ai mawanra yawan bubia, bara wan swira daukan kabia apia.

3 Jan 1:4

Diara wala kumi mita sin lilia ai sakras, luhpi nani kasak ba kat taukisa win waluna ba baman lika lilia tara ai sakisa.

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.