Apastil Nani Sturka 11:16 - DAWAN BÎLA AISKA

¹⁶ Bara yang kupi krawan Dawan naku aisin ba dukiara: ‘Kasak pali Jan lika lî ni upla tahbi daukan, sakuna man nani lika Spirit Holikira ni mai tahbi mai daukan kabia.’

Apastil Nani Sturka 11:16 ပူးပေါင်းရင်းမြစ်များ

Sins Lâka 1:23

Yang smalkanki na wals, bara spiritki ni mai banhkamna; yang maikamna lukanki tânka briaia.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Joel 2:28

“Naha diara nani ba sut ba bal taki lubia ba ningkara, spiritki ba tasba uplika nani sut purara iwaia blikamna; luhpiam waitna nani bara luhpiam mairin nani sin Gâd dahra aisi kabia, almuk nani yaprisauhkan kaikbia, wahma bara tiara nani sin, naika diara aihka kaikbia.

Joel 3:18

Baha yua ra wain, bîp tialka laya ba sin il nani, kiuhsi nani wina lî laiwi baku laiwi kabia, Juda tingnika nani ba, lî banhki pura laiwi kabia. Bara tempelka wina lî kârma kum taki Sitim ilka bîla kat laiwi kabia.

Matiu 3:11

Kasak pali mai wisna: yang lika lî ni baman tahbi mai daukisna, saurkam nani wina kupiam laki Gâd ra balaia; sakuna yang ninira wala kum aula ba lika Spirit Holikira ni bara pauta ni sin tahbi mai daukbia. Witin ba yang purkira kau karnika brisa, ban tara bamna, witin ai sûska nani twilkaia sin yang aitani apia sna.

Matiu 3:6

bara ai saurka nani dahra saki banhwi kan nani ba, Jan mita Jordan awala ra tahbi dauki kan.

Mark 1:8

Yang bui man nani ra lî ni baman tahbi mai daukisni, sakuna witin lika, Spirit Holikira ni tahbi mai daukbia.”

Luk 24:8

Mairin nani ba Jisas bîla nani dukiara ai kupia tanh krawan,

Luk 3:16

Sakuna Jan baha nani sut ra wisata: “Kasak pali, yang lika upla ra lî ni baman tahbi daukisna; sakuna kum aula, witin lika upla ra tahbi daukbia Spirit Holikira ni, pauta ni sin. Yang wal witinka ba kau karnika brisa bamna, ai sûska awa pan lanhkaia aitani apia sna.

Jan 1:26

Jan pana win: —Yang lika lî ni upla tahbi daukisna, sakuna man nani tilamra kum bâra sa, man nani bui witin ba kaikras sma,

Jan 1:33

Baha kat sin yang lika witin ba ya sapa kau kaikras katna; sakuna witinka lî ni tahbi daukaia ai blikan ba mita ai wisata: ‘Ani waitnika purara Spirit Holikira ba bal iwi takaskan kaikma ba, baha mita sika Spirit Holikira ni tahbi dauki ba.’

Jan 14:26

Sakuna Spirit Holikira Aisa mita yang nini ra luki blîkbia ba lika, man nani ra hilp mai munaia bara maisam nihkaia dukiara, bara witinka mita diara sut mai smalkbia, bara dîa dîa mai wîri ba sut kupiam kraukbia.

Jan 16:4

Naha diara na mai wisna, bara baku mika baha piua ba balbia ba ra, kupiam krauki kama baha dukiara yang pat mai wîri sa. “Tâ pali wina naha diara na mai wiras kapri, kan yang lika man nani wal katna.

Apastil Nani Sturka 1:5

Kasak mai wisni: Jan lika upla ra lî ni baman tahbi dauki kan, ban sakuna, kainamra kau yu kulki man sa, man nani lika Spirit Holikira ni tahbi mai daukan kabia.

Apastil Nani Sturka 20:35

Piua bani pain mai smalkri, baku wark taki uplika, diara âpu nani ra hilp munaia. Bara Dawan Jisas dîa aisin ba dukiara sin wan kupia krauki kaia, witin naku wisata ba: “Pain pali sa, upla ra diara yaia ba kau yamni sa, briaia ba wal.”

1 Korint 12:13

Baku ba mita yawan sut na, Ju nani kabia, apia kaka Grik nani kabia kra, alba nani, alba apia nani, tahbi wan daukan ba ra, asla wîna tara kumi paskan sa, Spirit kumi baman bâk; bara sut ra sin Spiritka kumi bâk wankan din sa.

2 Pita 3:1

Muihki laitwankira nani, naha kat pat wauhkataya wâl man nani ra ulbisna. Wauhkataya wâlsut ra yang want kapri smalkanki pain wal man nani ba, maikrika kasak wapni kat iwi kama.