Apastil Nani Sturka 10:9 - DAWAN BÎLA AISKA

⁹ Yu wala witin nani impaki pat Jope lamara balan ba ra, yu ba 12 aklak baku kan, Pita mita utla bahna ra uli wan ai pura sunaia.

Apastil Nani Sturka 10:9 ပူးပေါင်းရင်းမြစ်များ

2 Samuil 11:2

Tutni kum, Debit ai krikrika ra yapi si buan ba ra, king watla bahna purara wapi taukaia pliska ba ra wapi tauki kan, baha wina mairin painkira kum kaikan, ai katka siknis wina klin taki si bal aihtabi kan. Debit upla saki blikan, wih mairka ba tânka pliki kaikaia. Tânka pliki kaikan ba ra witin ra win baha sika Betsabé, Eliam luhpia mairin, Urías hitita ba maya. Debit bîla twatwilkra nani saki blikan mairka ba bri balaia, bara witin wal krikri ra aitnikan, baha ningkara kli ai watla ra wan.

Lawana Nani 55:17

Yang titan ra, tutni ra bara tihmia ra sin brukwi bara ini maimna lulki kamni, bara witin bîli baikra ba walbia.

Jirimaya 19:13

Jerusalem watla nani ba, king watla nani ba Juda ra, utla purara iwaia pliska nani ba, baha watla nani sut ra witin nani kîa pain nani angki kan slilma nani ra, ai gâdka nani ra yaia wain laiki kan, witin nani tânka ba luki kaikbia ba ra, Tófet wal baku tâski takan sa.’ ”

Jirimaya 32:29

Baha Caldea uplika nani latara bâra ba tawan ra dimbia bara pauta ni tawan ba angkbia; utla nani utla bahna ra mâkan nani ba sin angkbia yang ra kupi baikbia, witin nani Baal ra, kakaira apia gâdka nani ra sakripais kîa pain nani angki, wain yabi dauki kan.

Daniel 6:10

Daniel walan baha lâka ba ulbi daukan, witin ai watla ra wih ai yapaika windarka ba sakan, baha windarka ba Jerusalem tani ra kan, bamna witin ai lula kriki Gâd ra ai pura suni mayuni kan, naha na witin dauki kan yu bani aima yumhpa, baku witin dauki kata piua bani.

Sofonías 1:5

Utla nani bahna ra uli, slilma nani ra ai pura suni ba, ai gâdka Milcom mawanra ai lula kriki ai pura suni ba bara yang nini ra sin swer taki ba sut sauhki tikamni.

Matiu 20:5

Dawanka kli 12 aklak prais taki wan, tutni 3 aklak sin, bara sim sât daukan.

Matiu 24:17

Ya baha yua ra ai watla bahna ra kaka, bal iwi baha bîla wina diara sâkbiara;

Matiu 27:45

Bara tasba aiska ba tihmu tara takan, yu wan lal kat wina tutni 3 aklak kat.

Matiu 6:6

Sakuna man puram sunma ba ra, rumkam bilara dimi, durkam praks bara puram suns, witinka bahara man wal sa. Baku, yukuwi daukisma ba kaiki, prisantkam maikbia.

Mark 1:35

Titan, yu baiwras, kau tihmia kan, Jisas mahka buan bara tawan wina taki yakan ai pura sunaia wan plis kum yakan bâra kan ba ra.

Mark 6:46

Bara sut blikan wan piua ra, il kumi ra wan ai pura sunaia.

Apastil Nani Sturka 10:3

Yu kumi tutni 3 aklak kan ra, diara aihka kumi kaikan param pali, nahki Gâd insalka kum witin bâra kan ba kat bal diman, bara win: “¡Cornelio!”

Apastil Nani Sturka 6:4

Yang nani lika takaskras ban puri suni kira, Dawan bîla ba upla ra smalki kamna.

Epesus 6:18

Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

1 Timoti 2:8

Baku bamna, yang want sna waitna nani ba plis sut ra ai pura suni kabia, bara ai kupia sunu brih ai mihta nani purara buki kabia, lawan âpu bara unsaban sin âpu.

1 Samuil 9:25

Bara pura pliska holi ba wina tawan mâyara bal iwan ba ra, utla bahna ra krikri kum palkan kan Saúl dukiara,