Apastil Nani Sturka 10:4 - DAWAN BÎLA AISKA

⁴ Bamna Cornelio sibrinkira pali insal kat ban kaiki, makabi walan: “Dawan, ¿dîa ki?” Bara insal ba bila: “Gâd bui pain kaikan man puram sunram ba, bara Ju uplika umpira nani ra sin hilp munisma ba sut.

Apastil Nani Sturka 10:4 ပူးပေါင်းရင်းမြစ်များ

2 Kronikas 32:24

Baha piua ra Ezequías siknis saura pali takan; sakuna Dawan ra ai pura sunan, bara Dawan pana witin ra sain aihka kum natka ra aisin.

2 Kronikas 6:33

man kasbrika purara ba wina walma, iwaikam ba wina tringsar nani mai wini aisi ba kat dauki yama. Baku ba ra tasba ra iwi uplika nani bui ninam ba kakaira takbia, bara sibrinkam sin bribia, uplikam Israel luhpia nani baku baha tânka bribia, man ninam ba mâkan sa naha watla ra, yang bui daukri na ra.

Lawana Nani 141:2

Puri sunra ba, dus mâka kîa pain baku man bui kaikma, mihti bukanka ba lika, tutni prisantka baku kabia.

Lawana Nani 20:3

Prisantkam nani yaram ba sut ban luki kabia, sakripaiskam nani aiska angkisma ba, yamni pali kaikbia.

Aiseya 43:26

Man nani maipara aisaia diara kum brisma kaka, yawan aikuki lâ dimaia brih bal. Maipara aisas man nani rait pâtkas sma sapa kaikaia.

Aiseya 45:19

Yang yukuwi aisaras kapri, tasba ra plis tihmia kum ra dimi sin aisaras. Jekob kiamka nani ra yang wiras: ‘Man nani wih ai pliks plis kum diara âpu ba ra.’ Yang Dawan kasak aisisna, baha rait ba mai wisna.

Daniel 10:11

Baha ningkara ai win: ‘Daniel, Gâd bui latwan pali mai kaiki ba mita, dîa mai wiaisna na pain ai wali bas: bus, kan man ra ai blikan sa mai wiaia.’ “Naha bîla nani aisin ba ningkara, mahka pali yang tatatwi ban buri.

Libait Lâka 2:2

Baha ningkara witin bri si, Eran luhpia waitna prîs nani ba ra yabia, bara witin nani wina kum balbia, bara plawarka ba wina, batana laya ba wina, kîa pain daukaia dukia nani ba wina sin, ai mihta banhki kum bribia, bara altar purara angkbia. Baku Dawan ra ai kupia kraukaia prisantka dauki yabia, kîa pain Dawan kiawali ba.

Malaquía 3:16

Gâd ra tara kulki nani kan ba, ai tilara naku aisi banhwan, bara witin nani aisi kan ba Dawan aman pali wali kan. Witin nani Dawan ai mawan kat bâra kan bara wauhkataya kum ulban, bahara ai kupia krauki kan, baha nani Dawan ra kulki mayuni nani ra, bara kulki saki brisa.

Matiu 26:13

Kasak pali man nani ra mai wisni, ani anira naha swaki sakan sturka yamni na smalkan kabia ba ra, tasba aiska ra, naha mairka daukan na sin aisin kabia, upla nani witin ra ban luki kaia ba dukiara.

Luk 1:29

Sakuna Meri insal ba kaikan ba ra, ai aisinka nani ba dukiara tâ iwan, bara ai kupia wal aisi kan, nahki baku pali witin ra ai lakula daukan ba.

Luk 24:5

Witin nani sin sibrin mita tasba ra ai lal makupan; bamna baha waitnika nani mita win: —¿Dîa kan man nani upla raya ba pruan nani tilara plikisma ki?

Apastil Nani Sturka 10:31

Bara naku ai win: ‘Cornelio, Gâd lika man puram sunra ba walan, bara ai kupia sin krawan man mita upla umpira nani ra hilp munisma ba.

Apastil Nani Sturka 14:9

Bara naha waitna lika Pal dîa aisi kan ba kat aman pali wali kan. Bara Pal waitnika ba kat tawi kaikan ba ra, ai dara walan nahki naha waitna kasak luki kan witin ba rawbia.

Apastil Nani Sturka 22:10

Bara yang bîli: ‘Dawan, ¿yang dîa daukaia sna ki?’ Bara Dawan bui ai win: ‘Man mahka Damaskus ra was; bahara mai wibia man dîa daukaia kama ba.’

Apastil Nani Sturka 3:4

Pita Jan wal lika naha skahwa waitna ra tawi kaikan, bara Pita bila: —Yang nani kat ai kaiks.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

Hibru Nani 13:16

Diara yamni daukaia bara dîa dîa bri nani bani upla wala nani ra hilp munaia ba, man nani âmya tiwbiara; kan nahmuna sakripaiska nani sika Gâd yamnika kaiki ba.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

Param Marikanka 8:4

Bara dus nani mâka kîa pain kiasmika ba insal mihta wina Gâd mawanra uli kan, Gâd uplika nani pura sunra nani ba wal.

1 Samuil 3:10

Dawan kli bal buan, bara witin wini kan ba baku kli winan: —¡Samuil! ¡Samuil! Samuil pana aisin: —Aisas, albikam mai walisa.