Apastil Nani Sturka 10:28 - DAWAN BÎLA AISKA

²⁸ Bara Pita bila: —Man nani pain kaikisma, Ju sertska ba lâ yaras sa, Ju uplika kum ba Ju apia uplika kum wal asla takaia, apia kaka watla ra kra dimaia. Sakuna Gâd mita ai marikan yang bui upla kumi ra saura, apia kaka tâski sin wimna apia.

Apastil Nani Sturka 10:28 ပူးပေါင်းရင်းမြစ်များ

Aiseya 65:5

Witin nani wisa: ‘Man nani bâra takasks, yang laimara balpara; kan yang kau holi sna man ba wal. Baha uplika nani ba sika pauta klauhan aswi ban sa; ai munisa kiasma wan kakma ra kisni dauki ba baku.

Mark 7:2

Naha nani kaikan, Jisas disaipilka tila nani ai mihta sunu apia plun alki pi kan, baha tânka lika: ai mihta sikbaia lâka daukras; bara baha dukiara mapara aisin.

Luk 18:11

Parisi ba lika, ai mina ra bûi, naku ai pura sunan: ‘Gâd, tingki mai wisna, kan yang lika upla wala nani baku apia sna, âimplikra, saura dadaukra, marit lâka sasauhkra, bara naha waitnika lal mana sasakra ba wal sin baku apia sna.

Jan 18:28

Bamna Jisas ba Keyapas watla wina tawan wihtka tara watla ra brih wan. Baha piua ba pat yu baiwaia man kan, bara Ju nani lika lâ watla tara ra dimras kan, tâski kulkan kabia apia dukiara, kan baku daukbia kaka, Insal luan Yua Liliaka tutnika pata ba piaia sip apia kan.

Jan 4:27

Baha pali piua ra disaipil nani ba aidrubi balan, bara witin nani sut aihka luki kan, Jisas mairin kum wal man aisi kan bamna. Sakuna witin nani kumi sin karnika âpu kan makabi walaia dîa want sapa, bara Jisas ra sin makabi walras kan, dîa muni mairin ba wal man aisi kan sapa.

Jan 4:9

Sakuna Ju nani ba Sameria uplika nani wal diara briras bamna, mairka ba naku Jisas ra win: —Man ba Ju uplika kum sma, ¿bara nahki man bui yang ra lî diaia makabisma, kan yang na Sameria wina mairka sna na?

Apastil Nani Sturka 10:29

Baha mita, man nani ai paiwram ba ra, takaskras mahka balri diara kumi sin aisaras. Bamna yang walaia want sna, man nani dîa dukiara ai paiwram sapa.

Apastil Nani Sturka 11:9

Bara kasbrika pura ba wina bîla baikra ba kli aima wala ra ai win: ‘Gâd mita klin daukan dukia ba, man tâski wipara.’