Apastil Nani Sturka 10:2 - DAWAN BÎLA AISKA

² Witin lika ai watla uplika aikuki Gâd ra sibrin luki mayuni kan. Witin sin lalah uya yaban Ju uplika umpira nani ra hilp munaia, ban sin Gâd ra ai pura suni kan.

Apastil Nani Sturka 10:2 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

1 King Nani 8:43

Man kasbrika purara ba wina walma, iwaikam ba wina. Bara tringsar nani dîa mangkbia ba kat dauki yama, baku ba ra tasba aiska ra iwi uplika nani ninam ba kakaira takbia, bara sibrinkam sin bribia, tawankam Israel luhpia nani baku baha tânka bribia. Bara tânka bribia, man ninam naha tempelka watla ra yang bui maikri ba ra mayuni ba.

2 Kronikas 6:33

man kasbrika purara ba wina walma, iwaikam ba wina tringsar nani mai wini aisi ba kat dauki yama. Baku ba ra tasba ra iwi uplika nani bui ninam ba kakaira takbia, bara sibrinkam sin bribia, uplikam Israel luhpia nani baku baha tânka bribia, man ninam ba mâkan sa naha watla ra, yang bui daukri na ra.

Job 1:1

Us tasbaya ra waitna kum bâra kan, ai nina ba Job; witin ai rayaka ba tâski âpu lâka ra wapni iwi kan, Gâd dukia kasak yamni dauki kan, upla ra saura munras yamni baman muni kan.

Job 1:5

Pata tara dauki pih luya ningkara, Job ai luhpia nani ba paiwi kan, bara titan ra bûi bara kumi bani dukiara daiwan aiska angki ai pura suni kan, witin nani ai saurka ba wina sunu daukaia dukiara. Job naha na dauki kan piua bani, ban kra luki kan ai luhpia nani ba Gâd mapara saura daukan sa sapa.

Lawana Nani 102:15

Nisan nani bara tasba kingka nani sut, Dawan nina ba prana dauki kulkbia.

Lawana Nani 119:2

Lilia pali sa, baha nani ai lâka bîla nani yamni bri ba, bara ai kupia aiska witin ra pliki ba,

Lawana Nani 25:5

taipahks, kasakkam tânka yabalka ra ai brih was, man sika yang Gâdki, Sasakriki sin. ¡Awar bani man ra lukisni!

Lawana Nani 41:1

Ani uplika, upla siknis nani dukiara luki ba, lilia pali kabia. Piua saura mani balbia ba ra, Dawan bui witin ra sin swaki sakan kabia.

Lawana Nani 55:17

Yang titan ra, tutni ra bara tihmia ra sin brukwi bara ini maimna lulki kamni, bara witin bîli baikra ba walbia.

Lawana Nani 86:3

Dawan, kupiam swapnika ba aik, man ra awar bani winisni.

Lawana Nani 88:1

Dawan, Gâdki bara Sasakriki, kakna ra bara tihmia ra hilpkam makabisni,

Smasmalkra 7:18

Kau yamni sa naha na dutki pali alkaia wan mihta alkan ba wina baha ba lanhkaia apia. Gâd ra kulki ba naha diara nani sut na wina pain takbia.

Aiseya 59:19

Tasba aiska ra, lalma wina muna kat, Dawan ra kulkanka yabia, ai kingka tara kaikbia ba ra, kan witin balbia sim lî aubra kum lisamra dingkan baku pâsa karnikira kum mita plis wala ra lakan kabia.

Daniel 6:10

Daniel walan baha lâka ba ulbi daukan, witin ai watla ra wih ai yapaika windarka ba sakan, baha windarka ba Jerusalem tani ra kan, bamna witin ai lula kriki Gâd ra ai pura suni mayuni kan, naha na witin dauki kan yu bani aima yumhpa, baku witin dauki kata piua bani.

Daniel 6:16

Bamna king bui win, Daniel ba bri sal layan nani watla ra lulkan kabia. Sakuna kau layan nani watla ra lulkras kan ba ra, king bui Daniel ra win: —¡Gâdkam, man witinka dukia kasakka tânka ra daukisma ba mita, swaki mai sâkbia!

Daniel 6:20

Bara layan nani watla ba lamara auya kan ba ra, king ba sarikira wal ai bîla saki Daniel ra wini, win: —Daniel, Gâd rayakira dukia dadaukra sma ba, ¿baha Gâdka kasak tânka ra dukia daukisma ba, layan nani wina swaki mai sakan sa ki?

Daniel 6:26

bara lâ mangki maisa pakisna, yang kingki tasbaya ra upla nani sut Daniel Gâdka ra bawan kabia, bara kulkan kabia sin. “Kan witin lika Gâd rayakira sa, bara witin ba ban kaia ra sa, ai king lâka ba sauhki tikan kabia apia, ai karnika ba sin tnata âpu sa.

Matiu 25:17

Baku sin, 2,000 brin ba, kau 2,000 pura sakan.

Luk 18:1

Jisas naha maprika lilka na aisin, baha nani ra marikaia dukiara nahki swapras kira ai pura sunaia ba.

Luk 2:25

Baha piua nani ra, Jerusalem ra waitna kum iwi kata ai nina ba Simian. Witin lika waitna kasakkira, Dawan ra sin ai pura suni mayuni kan, Israel luhpia nani pri sâkbia ba sin bîla kaiki kata. Spirit Holikira ba witin wal kan,

Apastil Nani Sturka 10:22

Witin nani bila: —Kiaptin Cornelio mita ai blikan. Witin waitna kasakkira, Gâd ra sin sibrin lukisa, Ju nani sut mita sin witin ra latwan kaikisa. Bamna Dawan insalka kumi mita witin ra win, man mai paiwbia ai watla ra wama, bara dîa dîa aisama ba witin walbia.

Apastil Nani Sturka 10:31

Bara naku ai win: ‘Cornelio, Gâd lika man puram sunra ba walan, bara ai kupia sin krawan man mita upla umpira nani ra hilp munisma ba.

Apastil Nani Sturka 10:35

sakuna witin pain kulkisa ani nisanka witin ra sibrin luki bara diara pain sin dauki ba.

Apastil Nani Sturka 10:4

Bamna Cornelio sibrinkira pali insal kat ban kaiki, makabi walan: “Dawan, ¿dîa ki?” Bara insal ba bila: “Gâd bui pain kaikan man puram sunram ba, bara Ju uplika umpira nani ra sin hilp munisma ba sut.

Apastil Nani Sturka 10:7

Baha ningkara, insal witin wal aisi kata ba mahka wan ba ra, Cornelio mita ai albika wâl winan, bara suldiar kum sin Gâd ra sibrin luki kan ba, yu bani witin wal kan ba.

Apastil Nani Sturka 11:14

bara witin mita mai wibia nahki sip kama swaki mai sakan kaia, man bara wamtla uplika aiska.’

Apastil Nani Sturka 13:16

Bara Pal buan, ai mihta ni sain munan sâp takbia. Bara witin bila: —Israel waitnika nani bara man nani bui Gâd ra sibrin luki banhwisma ba, naha na wals.

Apastil Nani Sturka 13:26

“Muihki nani, Ebraham kiamka nani sma ba, bara Ju apia nani Gâd ra sibrin luki banhwisma ba sin: man nani sut dukiam sa naha swaki sakan lâka sturka na.

Apastil Nani Sturka 13:50

Bara Ju nani mita baha tawanka ra tâ bri waitnika nani ra, bara tara kulkan mairka nani ba sut wal aisin. Bara witin nani sut buan Pal bara Bernabé wal mapara rausauhkaia, bara kuntri ba wina sin kangbaia.

Apastil Nani Sturka 18:8

Bara Crispo, Ju nani priaska watla wihtka ba, ai watla uplika sut aikuki Dawan ra kasak lukan. Korint uplika nani ailal pali sin Dawan sturka walan, bara kasak lukan ba sut tahbi daukan.

Apastil Nani Sturka 2:5

Baha yua nani ra, Gâd ra luki Ju nani kuntri wala ra kan ba Jerusalem ra wan, baku sin tasba aiska wina.

Apastil Nani Sturka 22:12

“Bahara waitna kum bâra kan, nina ba Ananías, Moses lâka bîla wali dadaukra pali kan, bara Damaskus ra Ju nani iwi ba witin dukiara pain baman aisi kan.

Apastil Nani Sturka 8:2

Waitna kasakkira nani mita Stiben wîna tara ba raiti ra bri si bikan, kasak sin sari taki banhwan.

Apastil Nani Sturka 9:11

Bara Dawan mita naku win: “Man bus bara yabal kum nina Wapni wi ba kat was, bara Judas watla ra wama ba ra, Tarso wina waitnika kum nina Saulo wi ba dukiara makabi wals. Witin ai pura sunisa,

Apastil Nani Sturka 9:31

Bamna serts ba, Judia ra, Galili ra, Sameria ra, baha tasbaya aiska ba kupia kumi spirit bri pâwi kan. Witin nani Dawan sibrinka ra iwi banhwi kan, Spirit Holikira hilpka ra, bara kau ailal taki kan.

Apastil Nani Sturka 9:36

Baha piua ra, Jope tawanka ra lalukra mairin kum kan ai nina ba Tabitá, Grik bîla ra lika Dorcas mâki kan. Naha mairka ai rayaka yua nani aiska ra diara yamni man dauki kan, upla umpira nani ra sin uya hilp muni kan.

Kolosi 4:2

Piua bani puram suni ban bas, aihwaki Gâd ra tingki wi bas.

1 Tesalonaika 5:17

Piu bani puram suni banhwi bas.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”