Apastil Nani Sturka 10:11 - DAWAN BÎLA AISKA

¹¹ Witin kaikan kasbrika pura ba kwawan, bara kwala pîs tara baku kum, tâ walhwal wilkan naha tasba kat alahbi ikan.

Apastil Nani Sturka 10:11 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Aiseya 43:6

Yahbra ra wimna: ‘Upla nani ba nâra laki yas’, bara waupasa ra wimna: ‘Man alki takaskpara.’ Luhpi waitna nani ba laih wina bri bal, bara luhpi mairin nani sin, tasba tâ wala ba wina bri bal,

Aiseya 56:8

Yang yabrika kli tawi balbia bara asla takbia, baha nani kau upla wala tasbaya ra bâra nani ba.” Dawan, baha kasak aisisa. Israel yarka kli tawi bal asla takbia baiwi takan ba.

Isikiel 1:1

Yang, prîs Isikiel, Buzí luhpia waitna, Quebar awala un ra yu aiska kum bâra katna Babilon ra, upla nani alba brih wan nani ba tilara. Baha piua ra purara kasbrika ba kwawan, bara Gâd kaikri lilka nani bâk. Piua ba baha manka ra pat kati walhwal aimakan, yua matsip ra diman kan, bara baha kat pat 30 mani alkan; baha piua tilara king Joaquín alba lâka ra brih wan ba mani matsip alkan.

Matiu 8:11

Man nani ra sin mai wisni: Upla ailal lalma wina bara muna wina sin balbia, bara Gâd king aimaki ba lâka ra plun piaia iwi banhbia, Ebraham, Aisak bara Jekob wal aikuki;

Luk 3:21

Naha kainara, Jan upla nani tahbi dauki kan, Jisas sin tahbi daukan kata; witin ai pura suni kan, kasbrika pura ba kwawan,

Jan 1:51

Bara Jisas naha sin win: —Kasak mai wisni, man nani kasbrika pura ba kwawan kaikma, bara Gâd insalka nani bal iwi uli kabia, Upla Luhpia Waitna purara.

Jan 11:52

bara Ju nani nisanka tâwan baman apia, sakuna Gâd luhpia nani laihura yakaban nani ba sut asla daukaia mata sin.

Jan 12:32

Bara yang pruan wina kli buamna ba ra, upla sut yang ra raski bri balamna.

Apastil Nani Sturka 10:12

Baha kwalka bilara daiwan sât sât bâra kan, mina walhwal bri nani, piuta nani, tnawira nani sin.

Apastil Nani Sturka 11:5

—Yang Jope tawanka ra puri suni kapri ba ra, diara aihka kum kaikri, kasbrika purara ba wina diara kum bal iwuya kan kwala tara kum baku, tâ walhwal ba sut wilkan kan, ban yang bâra kapri pliska kat bal iwan.

Apastil Nani Sturka 7:56

Bara win: —¡Man nani kaiks! Yang kasbrika pura ba kwawan kan kaikisni, bara Upla Luhpia Waitna ba sin Gâd mihta aihkika ra buisa.

Roman 1:16

Sturi yamni smalkanka ba dukiara yang swiri lukras sna, kan baha ba Gâd karnika sa swaki sakaia ya ya kasak lukbia ba, tâura Ju nani ra, bara Ju apia nani ra sin.

Roman 9:4

Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

Galesha 2:15

Yang nani lika aisubi takri ba wina Ju nani sna, nisan wala nani baku saura dadaukra lika apia sna.

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Epesus 1:10

Gâd diara daukaia lukan ba lika, diara bani ba piua kat sut pali tnata alkan kabia, bara yaka paskanka aiska ba asla takbia ba ra, Kraist lika baha sut lal kabia, diara nani kasbrika purara ba bara tasba ra ba sut sin.

Epesus 3:6

Naha sika diara yukukan ra kan ba: Swaki sakan lâka smalkanka bâk, Ju apia nani sin Ju nani wal baku, Gâd yamnika nani wina ai dukia bribia, kan sim wîna tara sirpika nani sa, bamna Gâd mita Kraist Jisas bâk, dîa pramis daukan ba wina sin ai dukia brisa.

Kolosi 3:11

Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.

Param Marikanka 19:11

Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.

Param Marikanka 4:1

Naha diara nani ningkara, diara aihka wala kum kaikri: kasbrika purara dur kum kwâkan kan; bara baha bîla baikra trumpit baku pas pali yang ra aisan kata ba ai win: “Nâra uli bal, bara naha ningkara diara nani takaia ba mamrikamni.”