Apastil Nani Sturka 1:7 - DAWAN BÎLA AISKA

⁷ Bara Jisas pana baha nani ra win: —Man nani ra maikras sa ahkia, apia kaka dîa piua kabia Aisa mita diara nani daukaia luki ba tânka pliki kaikaia, kan witin baman sika baha diara nani daukaia karnika brisa.

Apastil Nani Sturka 1:7 ပူးပေါင်းရင်းမြစ်များ

Job 24:1

¿Dîa muni karnika sut bri ba, witin diara daukaia yua ba wan marikras sa, baku mika ai uplika nani mita tânka bribia?

Daniel 2:21

Witin mani nani bara piua wala nani ba sin lakisa, king nani ba sakisa bara mangkisa, sinskira nani ra sins lâka ba yabisa, diara tânka bri nani ra tânka bri kaia yabisa.

Matiu 20:23

Jisas pana aisin: —Kasak. Man nani kapki wina dima, sakuna aihkiki ra bara smihki ra iwaia ba lika yang mita yabaia sip apia. Baha lika ya ya dukia wisi Aisiki ridi daukan ba, baha nani ra yaban kabia.

Matiu 24:36

“Sakuna yua ba bara awarka ba lika upla kumi sin kaikras, kasbrika purara insal nani ba bara Gâd Luhpia pali sin kaikras. Gâd Aisa baman baha kaikisa.

Mark 10:40

sakuna yang mihti aihkika ra bara smihki ra sin iwaia ba lika, yang mita yaia sip apia sna. Baha lika ani uplika nani dukia wisi ridi daukan ba, baha nani ra yan kabia.

Mark 13:32

“Sakuna baha yua ba, awarka ba lika upla kumi sin kaikras sa, kasbrika purara insal nani ba, Upla Luhpia Waitna pali sin apia. Aisa ba baman baha kaikisa.

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Apastil Nani Sturka 17:26

‘‘Waitna kumi wina baman witin bui nisan nani sut paskan, baha nani ba tasba aiska ra iwbia dukiara; bamna piua ba bara anira witin nani iwaia ba sin marikan sa,

Epesus 1:10

Gâd diara daukaia lukan ba lika, diara bani ba piua kat sut pali tnata alkan kabia, bara yaka paskanka aiska ba asla takbia ba ra, Kraist lika baha sut lal kabia, diara nani kasbrika purara ba bara tasba ra ba sut sin.

Kli Smalkanka 29:29

“Diara nani bâra sa yawan tânka briras: baha nani ba Dawan Gâd dukia sa. Sakuna diara nani yawan ra marikan bara wan luhpia nani ra sin mariki ba, baha lika piu bani ra alki daukaia sa naha lâka nani na.

1 Timoti 6:15

Baha piua ba aimakbia ba ra, Gâd mita naha na daukbia, kan witin baman sika Gâd kumi baman ba, yamnikira bara karnikira, king nani Kingka, bara dawan nani Dawanka ba.

2 Timoti 3:1

Baku sin man nani tânka bri kaia sma, tnata yua nani ra piua karna nani balbia.