Apastil Nani Sturka 1:6 - DAWAN BÎLA AISKA

⁶ Apastil nani ba kau Jisas ai tilara bri kan ba ra, witin nani makabi walan: —¿Naha piua pali ra man bui Israel luhpia nani ra king lâka ba kli yabaisma ki?

Apastil Nani Sturka 1:6 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Aiseya 1:26

Yang daukamna man nani blasi wihta nani bri katma ba kli brima, lâ mai smalki nani kata ba sin. Yang baha sut daukamna ba ningkara, ninam ba kli mâkamna ‘Tawan kasakkira’, ‘Kasakka lâka tawanka’.

Jirimaya 33:26

Jekob kiamka nani bara duki dadaukra Debit ba sip lulki swimna apia, Ebraham, Aisak, Jekob kiamka nani tila wina pura aimaki kaia wihtka ba sakras swimna apia. Witin nani ra luki kupi swapni lâka kli brimni, bara diara sut witin nani ra yamni takaia daukamni.”

Daniel 7:27

King lâka, karnika bara prana lâka naha tasba aiska kingka lâka ba sut Gâd Laih Purara iwi ba uplika nani ra yan kabia, ai king lâka ba ban kaia ra ban kabia sa, naha tasba uplika nani sut bui ai dukia dauki kabia, bîla sin wali kabia.’

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Matiu 17:11

Jisas mita pana win: —Kasak sa, Ilayas pas aula, bara diara nani sut wapni daukbia.

Matiu 20:21

Jisas makabi walan: —¿Man dîa ba plikisma? Witin bila: —Man King aimakma ba ra, adar yas luhpi wâl na wina kumi ba aihkikam ra iwbia, bara wala ba smihkam ra.

Matiu 24:3

Ningkara witin nani Olivet ilka ra wan; bara Jisas bahara iwi kan ba ra, ai disaipilka nani bal, pusbi win: —Naha na ahkia kabia sapa yang nani ra ai wis. ¿Man balaia sma ba bara tasba tnata sainka ba sin ani kabia ki?

Mark 9:12

Witin bila: —Kasak pali sa, Ilayas pas aula, bara diara nani sut wapni daukisa. ¿Bara Ulbanka nani ra Upla Luhpia Waitna dukiara dîa wisa? Bahara wisa witin kasak pât wauhbia, bara bahki kulkan kabia.

Luk 17:20

Parisi nani mita Jisas ra makabi walan ahkia Gâd king aimaki lâka ba balbia sapa, bara witin pana naku win: —Gâd king aimaki lâka ba lika wan nakra ni kaiki dukia sâtka apia sa.

Luk 19:11

Jisas naha diara nani aisi kan ba ra upla nani ba kau wali kan, witin naha maprika lilka na aisin pat Jerusalem ba baila kan bamna, witin nani ba luki kan baha sim piua ra Gâd king aimaki lâka ba balbia.

Luk 22:29

Baha mita, yang bui man nani ra king lâka kum maikaisna, Aisiki mita yang ra aikan ba baku.

Jan 21:21

Pita baha disaipilka kaikan ba ra, Jisas ra makabi walan: —Dawan, ¿naha disaipilka na ra dîa takbia?