Apastil Nani Sturka 1:13 - DAWAN BÎLA AISKA

¹³ Witin nani Jerusalem ra balan ba ra, utla kum purara rum kum ra uli wih dimi takaskan. Witin nani aikuki bâra kan ba sika, Pita, Jan, Jems, Andru, Pilip, Tamas, Bartolomiu, Matiu, Alfeo luhpia Jems ba, Saiman karna Mamunra ba, bara Jems luhpia Judas ba sin.

Apastil Nani Sturka 1:13 ပူးပေါင်းရင်းမြစ်များ

Matiu 9:9

Jisas baha wina mahka wan, bara waitna kum wal prawan, ai nina Matiu. Witin ba lal mana wawahbra kan Rom ra yaia bara bahara iwi kata. Jisas mita win: —Nini blîks. Bara Matiu mahka bûi, ai nina blikan.

Mark 14:15

Bara witin bui man nani ra purara rum tara kum pat ridi daukan mamrikbia; bahara yawan dukia ridi dauks.

Mark 14:33

Bamna Pita, Jems bara Jan kat brih wan, bara mahka sibrin daukan, sari sin takan.

Mark 2:14

Jisas lui auya kan ba ra, Libai Alfeo luhpia waitna ba kaikan, Rom ra blikaia lal mana saki ba watla ra iwi kan, bara Jisas mita win: —Nini blîks. Bara Libai mita mahka ai nina blikan.

Mark 5:37

Bara upla wala lika kau yan ai yula kahbras, Pita, Jems bara muihnika Jan ba baman.

Mark 9:2

Yu 6 ningkara, Jisas bui Pita, Jems bara Jan kat brih, witin nani ai mânka il kum purara wan. Bahara ai wîna aihka pali takan.

Luk 22:12

Bamna mamrikbia purara rum tara kum pat ridi daukan sa; bahara tutni pata ba ridi dauks.

Jan 11:16

Bara Tamas, nina Sutki mâki ba mita disaipil wala nani ra wisata: —Kaisa yawan sin witin wal aikuki pruaia.

Jan 14:22

Judas wala (Iskariot ba apia) bila: —Dawan, ¿dîa muni yang nani ra lika latan takma, kuna tasba uplika nani ra lika apia?

Jan 18:17

Bamna dur main kaiki mairka ba mita Pita ra makabi walan: —¿Man sin baha waitnika Jisas wi ba disaipilka kum sma apia? Pita mita pana win: —Yang baha waitnika disaipilka apia sna.

Jan 21:2

Saiman Pita, Tamas, upla nani mita Sutki mâki kan ba, Natanael, witinka Kena Galili wina ba, Sebedi luhpia nani bara disaipil wala kau wâl ba kumi ra asla kan.

Apastil Nani Sturka 12:17

Sakuna Pita ai mihta ni sain munan sâp kabia, bara maisa pakan nahki Dawan mita witin ba silak watla wina sakan tânka ba. Bara witin nani ra win: —Naha diara na Jems ra maisa paks bara wan muihni nani ra sin. Ningkara witin taki, plis wala ra wan.

Apastil Nani Sturka 15:13

Baha nani aisi tnata alkan ba ra, Jems naku aisin: —Muihki nani, pliskam yang ra wirâ wals:

Apastil Nani Sturka 2:14

Bara Pita mahka buan, apastil wala 11 ba aikuki, bara naku ai bîla baikra karna ni aisin: —Judia uplika nani sut, Jerusalem ra iwi nani sma ba sin, naha tânka na kasak pali kaiki bas, bara yang dîa mai wimna ba sin pain wals.

Apastil Nani Sturka 2:38

Bara Pita baha uplika nani ra win: —Man nani daukankam saura nani ba swi si mahka Dawan ra taws, bara kumi bani sin yarka lî ni tahbi mai daukan kabia Jisas Kraist nina ra; baku mika saurkam nani swih tikan kabia, bara Dawan mita Spirit Holikira ba maikbia.

Apastil Nani Sturka 20:8

Witin nani utla purara rum kum ra asla takan, bahara sin lamp nani manis angkan kan.

Apastil Nani Sturka 4:13

Aidrubanka wihtka nani ba mita kaikan, Pita Jan wal lika sibrin âpu kira aisi kan, bara kaikan baha nani wauhkataya uya lan takras kan, upla wala nani wal baku. Bamna tâ iwi banhwata, kan latan kaikan naha nani Jisas wal tauki kan.

Apastil Nani Sturka 4:19

Kuna Pita Jan wal pana win: —Man nani pali luki kaiks, Gâd mawanra aitani kabia sapa yang nani Gâd bîla walaia katna ba swi si, man nani bîlam walamna kaka.

1 Korint 15:7

Baha ningkara Jems ra latan takan, baha wina apastil sut ra.

Galesha 1:19

Sakuna apastil wala nani kumi sin kaikras, Dawan muihnika Jems baman lika.

Galesha 2:9

Baha mita, Jems, Pita bara Jan, naha nani na serts playka tara nani kulkan ba mita kaikan, Gâd naha warkka yamni na aikan, bara witin nani bui yang Bernabé wal ra ai mihta nani aiki mihti nani sihban. Naha daukan pana pana kupia kumi kaia tânka, bara aitani lukan yang nani na Ju apia uplika nani tilara wih wark taki kamna, bara witin nani lika Ju nani tilara wark taki kaia.

Jems 1:1

Yang, Jems, Gâd bara Dawan Jisas Kraist dukia dadaukra, Israel kiamka 12 tasba aiska ra yakaban nani ra lakula wisna.

2 Jan 1:1

Yang, serts almukka sna ba, Gâd mita bâk ai sakan; bara wan kristian daknika bâk sakan uplika nani sut ra laikula blikisna. Witin nani ra kasak pali latwan kaikisni, bara yang baman apia, kuna diara kasak tânka ba kakaira takan nani sut mita sin.

Judas 1:1

Yang Judas, Jisas Kraist warkka dadaukra bara Jems muihnika ba, naha wauhkataya ulbisna, Gâd Aisa mita latwan kaiki ba bara paiwan ba, baha nani Jisas Kraist mita kan kahbi brisa.