Apastil Nani Sturka 1:11 - DAWAN BÎLA AISKA

¹¹ Baha nani bila: —Galili waitnika nani, ¿dîa kan man nani kasbrika purara kat ban kaikisma? Baha Jisaska man nani tilam wina kasbrika purara uli wan kaikram ba, baha natka kat witin kli balbia.

Apastil Nani Sturka 1:11 ပူးပေါင်းရင်းမြစ်များ

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Matiu 16:28

Kasak pali man nani ra mai wisna, nahara upla kum kum na lika prubia apia, Upla Luhpia Waitna ai prana wal balbia ba witin nani kaiki banhbia kat.

Matiu 24:30

Bâra mika Upla Luhpia Waitna sainka ba kasbrika purara latan kaikbia, bara naha tasba uplika nani sut inbia, bara Upla Luhpia Waitna kasbrika purara karnika tara bara prana wal aula ba kaikbia.

Matiu 25:31

“Witinka Upla Luhpia Waitna ba Gâd insalka sut kira king baku balbia ba ra, ai king iwaika ingnikira ra iwbia.

Mark 13:26

Bâra mika Upla Luhpia Waitna ba, kasbrika ra ai karnika tara wal, ai pranakira aula ba, upla nani kaikbia.

Mark 14:70

Sakuna Pita mita kli apia win. Kau naika mapara, bahara kan nani ba kli Pita ra win: —Kasak pali, man baha nani tila wina kum sma, man Galili wina sma bamna.

Mark 16:19

Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

Luk 21:27

Bâra mika, Upla Luhpia Waitna, kasbrika ra aula ba kaikbia, karnika tara bara ai prana ba wal.

Luk 24:5

Witin nani sin sibrin mita tasba ra ai lal makupan; bamna baha waitnika nani mita win: —¿Dîa kan man nani upla raya ba pruan nani tilara plikisma ki?

Jan 14:3

Bamna yang wih pliskam ridi daukamna ba ningkara, kli balamna man nani mai brih waia, bara baku mika yang anira sna ba pliska ra man nani sin bâra kama.

Apastil Nani Sturka 1:2

ban kasbrika purara uli wan ba kat. Ai apastilka nani wahbi saki Spirit Holikira bâk smalkan, dîa pali sika witin nani daukaia kan ba.

Apastil Nani Sturka 1:22

Jan tahbi daukata ba wina ban Jisas kasbrika purara uli wan piua ba kat. Bara aitani kabia witin nani ba wina kum wan tilara briaia, Jisas raiti wina buan ba dukiara witniska kaia.”

Apastil Nani Sturka 1:9

Diara nani aisaia bri kan ba sut aisan ba ra, apastil nani mawan wina Jisas ba mahka kasbrika purara uli wan; kasbrika kum bâk brih dimi tiwan, bara witin nani bui Jisas ba kli sip kaikras kata.

Apastil Nani Sturka 13:31

Ningkara, yu ailal Jisas latan takan, witin wal Galili wina Jerusalem ra wan nani ra, bara nanara baha nani sika witin dukiara upla nani ra witnis aisi ba.

Apastil Nani Sturka 2:7

Witin nani tâ iwi, aihka sin lukan, bara pana pana ai walka ra tawi aisin: —Naha uplika nani aisi na, ¿sut ba Galili wina apia?

Apastil Nani Sturka 3:12

Pita naha diara kaikan, bara upla nani ra naku win: “Israel luhpia nani, ¿dîa kan tâ iwan taki, yang nani kat ai kaiki banhwisma? ¿Man nani lukisma naha waitnika witin nanara wapi tauki na, yang nani karniki ni, apia kaka dîa yang nani yamni daukri ba tâka mita rakri?

Apastil Nani Sturka 3:21

Ban kra nanara Jisas Kraist ba kasbrika purara takaskaia sa, diara nani sut Gâd mita raya daukbia kat, witin ai prapitka nani bâk piua luan nani ra aisin ba baku.

1 Tesalonaika 1:10

Bara baha nani sin aisisa, nahki man nani lika Gâd Luhpia Jisas kasbrika pura wina balbia ba bîla kaikisma ba, witinka ba sika Gâd mita pruan nani tila wina kli bukan ba. Witin mita sika pât saura aula ba wina swaki wan saki ba.

1 Tesalonaika 4:16

Kan Dawan pali ba sika bîla baikra karnakira ba wal kasbrika pura ba wina bal iwbia arkinsal bîla baikra wal bara Gâd trumpitka wal sin. Bâra mika, Kraist ra kasak luki pruan nani ba, pas tâura bubia;

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.