Aiseya 9:6 - DAWAN BÎLA AISKA

⁶ Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Aiseya 9:6 ပူးပေါင်းရင်းမြစ်များ

2 Samuil 7:13

Witin tempel kum mâki aikbia, bara ai kingka lâka ba ban karna kaia daukamni.

2 Samuil 7:16

Yang distiki ra man pali kiamkam ba kingkam lâka ba sin ban kaia ra karna kabia, king iwaikam ba sin ban kaia ra bapi bûi kabia.’ ”

1 King Nani 10:9

¡Dawan Gâdkam ba yamni pali kabia, witin aitani lukan ba man ba Israel king iwaika ra iwaia! Kan Dawan lika piua bani ra Israel ra latwan kaikisa, bara man ba king mai mangkan sa, lâ wapni bara kasak kat daukaia.”

1 King Nani 2:33

Baha nani tâlia ba Joab purara kauhan sa, ai kiamka nani purara sin ban kaia ra; ban sakuna Debit bara ai kiamka nani purara bara ai king iwaika purara sin Dawan wina ban kaia ra kupia kumi lâka bâra kabia.

1 King Nani 2:45

Sakuna king Salaman ba yamni pali kulkan kabia, bara Debit king iwaika ba Dawan mawanra ban bâra kabia.

Nihimaya 9:32

“Baku bamna wan Gâdka, Gâd tara sma ba, karnakira, sibrinkira sin, wal aisi lâ daukram ba alki brisma latwankam lâka tara ba wal, man mamwanra ban lulki swipara pât saura nani ailal pali wahwan ba wan kingka nani, wihtki nani, prîski nani, damiki nani bara man uplikam sut, Asiria kingka nani yua nani ba wina naiwa yua kat.

Lawana Nani 45:3

¡Kupiam karna brih, sordkam maisam ra wilks! Kan witin sika man pramna sakahkan ba.

Lawana Nani 45:6

Dawan, man kingkam lâka ba, ban kaia ra ban sa, man kingkam lâka ba kasakka lâka sa.

Lawana Nani 45:7

Man ba diara yamni nani ba lihkisma, bara diara saura nani ba lika misbara kaikisma. Baha mita sika, Dawan bâk mai saki mai brin, man Dawankam ba mita bara lilia ni mai banhkan sa, uplikam wala nani ba wal.

Lawana Nani 50:1

Dawan ba gâd nani sut Gâdka, witin aisin; tasba ra iwi uplika nani sut ra paiwan lalma wina lui, muna tani kat.

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Lawana Nani 72:3

Unta tara nani bara il sirpi nani ba wal, kupia kumi bara wapni kaia lâka uplikam nani ra yabi banhs.

Lawana Nani 72:7

Kupia kumi lâka bara wapni kaia lâka, king aimaki piua nani ba sut ra, kati ba kasbrika purara âpu takbia ba kat ban kabia.

Lawana Nani 85:10

Latwan lâka bara kasakka lâka wal prawbia, kupia kumi lâka bara wapni lâka ba wal ai mawan kiawalbia,

Lawana Nani 89:5

Man Dawan, kasbrika purara nani ba sut, man kasakkam lâka bara diara aihka daukram ba dukiara mamyuni banhwisa.

Sins Lâka 8:23

Blasi pali wina, yang pas bapi ai bukan kan, diara sut kan kira, wan tasba kau âpu kan ba ra.

Aiseya 10:21

Upla tila nani baman Jekob tawanka wina, karnika wala mita sip pura luras ba Gâdka ra, tawi balbia.

Aiseya 11:5

Kasakka lâka prâka dimi kabia, wapni lâka sin.

Aiseya 16:5

King iwaika ra Debit kiamka wina kum iwbia. Wihta kasak kabia witin bui upla lâka dauki ba ra, lâ kasak daukbia tânka sin pliki, bara kasakka lâka ba daukbia aihni sin lâ nani ba dauki kabia.

Aiseya 26:12

Dawan, man bui yawan ra wan kupia kumi lâka ba wankma; kan man sika yawan wan warkka nani sut daukisma.

Aiseya 26:3

Man mita baha uplika kupia kumi lâka aihwa pali bri ba main kaikma, witin ai kupia lukra man kat piua bani mangki bri ba; kan witin bui man ra kasak luki ba mita.

Aiseya 28:29

Karnika sut bri Dawanka ba sin ai warkka ba baku daukisa. Witin ai warkka daukaia natka nani sut aihkakira nani brisa, sins tânka tara nani ni warkka nani ba sut daukisa.

Aiseya 32:1

Kaiks king kum aimakbia kasak lâka ra ai kingka ba tâ bribia wihta tara nani ba sin lâ wapni kat tâ bribia.

Aiseya 37:32

Kan Jerusalem ra takaskan yaba sin takbia, bara Saion ilka ra sin pruras swakwan nani ba bâra kabia. Naha ba Dawan karnika sut pali bri ba latwanka lâka ba mita daukbia.

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Aiseya 53:5

Sakuna witin ba rausauhkan kan yawan lika Dawan mapara babura nani takan tâka mita, wipan, ai taya klungwan yawan wan saurka nani ba tâwan; yawan ra wan kupia kumi lâka ba wankaia klalka ba witin purara sunan, witin ai wîna sukwanka nani ba mita yawan nani wan rakan.

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Aiseya 66:12

Kan yang Dawan sna ba, naku wisni: Yang bui witin ai purara kupia kumi lâka durka ba sakamna, awala kum baku, bara nisan nani dukia kukan ba, lî kârma nani iswi taki ba baku takbia. Bara man nani baha tialka laya ba dima, witin ai klahkla nani ra mai twilkbia, ai kuhma purara sin mai klâkan kabia.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Aiseya 8:18

Yang, yang luhpi nani sin Dawan wina aikan ba, Israel luhpia nani ra sain aihkakira kaia ba dukiara sa, Dawan, karnika sut bri ba mita ai mangkan sa witin Saion ilka ra iwi ba.

Jirimaya 31:22

¿Ahkia kat tnaya kum wina wala ra waia luhpia mairin kum tiwan baku? Yang, Dawan ba, diara raya daukri naha tasba ra: mairin kum waitna kum ra triswi ba baku.”

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Daniel 7:14

Bara witin ra yan karnika, prana ba bara king lâka ba sin, bara upla sâtka bani ba sut, bîla sât sât aisi ba sut ra sin yan dukia dauki kan. Ai karnika ba ban kaia ra sa, ai kingka lâka ba sauhki tikan kabia apia.

Hageo 2:9

Tempel raya na kau pranakira kabia, almuk kata ba wal. Bara naha tasbaya ra kupia kumi lâka briaia daukamni. Karnika sut brisna Dawanka, yang kasak aisisna.”

Matiu 1:1

Naha sika Jisas Kraist damika sturka ulban ba, witin ba Debit bara Ebraham kiamka ba.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Luk 1:35

Pana insal ba bila: —Spirit Holikira ba man puramra balbia, bara Gâd Laih Purara ba karnika kasbrika baku mamdiskbia. Baha mita, man wina tukta holikira aisubi takaia ba lika Gâd Luhpia mâkan kabia.

Luk 2:11

Man nani ra naiwa Debit Tawanka ra Sasakra kum aisubi takan sa, witin sika Kraist, wan Dawan.

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 1:16

Yang nani sut witin ai yuyaka tara nani ba wina, yamnika sât sât nani bri banhri sa.

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Apastil Nani Sturka 10:36

Bamna Gâd bui Israel kiamka nani ra win, Jisas Kraist bâk kupia kumi lâka ba maisa pakan, witinka yawan sut wan Dawanka ba.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

Roman 9:5

Ju nani sut ba lika pas wan damika nani kata ba kiamka nani sa; bara ai kiamka bâk, wan wîna lâka ba kat Kraist balan, witinka diara sut Gâdka ba, bamna mayunan kabia ban kaia ra. Baku kabia.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 15:25

Kan Kraist ba king kaia sa, Gâd mita ai waihla nani sut ai mina nani munhtara mangkbia ba kat.

2 Korint 5:19

Baha tânka ba lika, Gâd lika Kraist bâk tasba ra iwi uplika nani ba witin wal kupia kumi daukuya, upla nani saurka ba kulkras pali; bara yang nani ra adar aikan sa naha kupia kumi lâka na tânka smalkaia.

Kli Smalkanka 10:17

kan Dawan man nani Gâdkam ba, Gâd nani gâdka sa, bara Dawan nani dawanka sa. Witin lika Gâd kum ai karnika ba silp brisa, karnakira, sibrinkira pali sa, upla mawanka kulkras, prisant mana sin sip atki briras;

Kolosi 2:3

bamna Kraist ra sika sins lâka bara diara tânka briaia nani yuyaka aiska sut kuki swin ba.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Taitus 2:13

Baha mita sin wan smalkisa, baha yua holikira pramis wan munan ba, yawan bîla kaiki kabia; bara baha sika wan Gâdka tara bara wan Sasakra, Jisas Kraist prana ba latan takbia ba ra.

Hibru Nani 1:8

Sakuna Luhpia ba dukiara lika naku wisa: “Gâd, man king iwaikam ba lika ban kaia ra ban kabia. Man lika kingkam lâka purara, wapni lâka kat king aimakisma.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”

Wihta Nani 13:18

Sakuna insal ba kli witin ra win: —¿Man dîa kan nini ba walisma? Yang nini tânka ba sika dahra prakan tânka kum sa, aihkakira sin.