Aiseya 9:19 - DAWAN BÎLA AISKA

^19-20 Dawan, karnika sut bri ba kupia baiwanka ba mita tasba ba pauta mukan, bara pauta klauhan mita upla nani ba angkisa; ai luhpia nani pali wîna witin nani pîsa bara ai muihni nani ra umpira kaikras sa. Nâra kum sa langki pi ba, sakuna ban plun daukisa, bamna bukra wala kum sa ai walka ra pi kabia sakuna âuyapah takbia apia.

Aiseya 9:19 ပူးပေါင်းရင်းမြစ်များ

Aiseya 1:31

Karnakira ba, twi lâwan baku takbia, ai daukanka nani ba sin biulwaia dukia kabia, bara wâlsut ambia, baha daskaia sin upla âpu kabia.”

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Aiseya 13:13

Baha ba mita yang kasbrika pura nani ba yabamna, bara tasba ai pliska ba wina kitban kabia, baha yua ra kupia baiwanka brimna ba ra, kupi baiwanka laptikira ba tâwan.

Aiseya 13:18

Wahma, tiara nani ra pantamangka ni sabia, tuktan sirpi nani ra umpira kaikras, baku sin tuktan tara nani ra.

Aiseya 13:9

Kaiks Dawan yua ba pat aula, saura pali, lawanka tara, kupia baiwanka tara wal, saura dadaukra nani ba tasba wina kusbi sakaia, bara tasba na bîla man swiaia.

Aiseya 24:6

Baha tâka sika, lahtubanka kum mita tasba na âpu daukan, iwanka watla nani ba sut bîla man swin, baha tâka mita, upla nani bahara iwi kan ba sin sut âpu daukan. Upla nani ba maura man swin.

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 3:5

Lâ krikanka nani uya daukbia, upla nani, upla wala mapara, witin nani ai uplika nani pali mapara. Wahma nani ba, almuk nani ba mapara bubia, saura kulkan nani ba yamni nani ba mapara bubia.

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Aiseya 4:4

Dawan ba ai karnika ni lâka daukbia bara Saion luhpia nani tâski ra ba sut sikbi sâkbia. Jerusalem ba klin daukbia, witin nani kaiki lâ sahwan ba wina.

Aiseya 42:25

Baha mita, witin yawan wan purara ai kupia baiwanka ba laikan, bara war karnika ba sin; tnaya bani ra pauta klauhan mangkan, sakuna yawan tânka briras, witin âpu wan daukan, sakuna yawan baku sin kau ai bîla walras.

Aiseya 5:24

Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Aiseya 5:30

Nisanka nani ba baha yua ra kabu binka baku, Israel luhpia nani ra lawi kabia; bara upla kum tasba ra tawi kaikbia ba ra, kaiks tihmia tara man kabia, pât tara nani sin, bara kasbrika purara ingnika ba sut tihmia tara man kabia.

Aiseya 60:2

Kaiks tihmia tara ba, tasba aiska ra kabia, bara nisan nani purara sin tihmia tara kabia; sakuna man puramra lika, Dawan wina yu baiwanka ingnika balbia, bara ai prana ba man puramra bal mai kaikbia.

Aiseya 8:22

bara witin nani tasba ra kaikbia; bara kaiks pât tara, tihmia tara baman kaikbia, tihmia tara, pât wahwaia baman. Upla sut tihmia ra kabia. Pât wahwi taibi bri nani ba, swak takaia âpu kabia.

Jirimaya 13:16

Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Isikiel 20:47

bara wis: ‘Dawan naku aisisa: Yang pauta mukuna dus tara nani ba sut ambia, pâwi ba lâwan nani ba sut. Naha pautika klauhan nani dasras ban ami kabia, bara man nani tilamra upla nani ba sut mawan ambia, yahbra wina waupasa kat.

Isikiel 9:5

Ningkara walri upla wala nani ra aisi kan: “Man nani lika witin ninara was tawan aiska ba taukaia, yang tempelki ba wina tâ kriks,

Joel 2:2

tihmia tara bara mukus nani yua, kasbrika nani bara dista yua. Suldiar karnakira daknika tara kum unta nani purara bal iwan sa, lalma kahbi ingnika ba baku sa. Baha sât dukia takan upla kau kaikras kan, kli baku sin takka kaikbia apia, diara kum talika baku sin apia.

Joel 2:3

Witin nani ba pauta klauhan baku sa, diara sut angki âpu daukisa; kau bal lui waras ba ra, kainara diara sut angkisa, bal lui wan ba ningkara, kau ban angkisa. Witin kau balras ba ra, tasba ba insla disang painkira kum baku sa, witin nani bal lui wan ba ra, tasba kum bîla man ba baku dauki swin sa. ¡Bahara diara kumi sin swak takras, sut âpu daukan!

Libait Lâka 26:26

“Yang bui man nani patam ba sauhkamna, bara mairin matawalsip bal brit angkaika kumi ra brit angkbia, plun ba wiria baman kabia bara man nani pi banhma, kuna âmyapah pima apia.

Emus 5:18

¡Sarkam pali ai daukisa, man nani Dawan yua balka kaikan pali mai dauki ba! ¿Tânka brisma ki baha yua ra man nani ra dîa takaia ba? Baha yua ra yu ingnika ba lika lap tiwbia, tihmia tara baman kabia.

Abdías 1:18

Jekob bara Josep kiamka nani ba pauta aswan bâra lakwi ba yabia. Bara Isau kiamka nani ba twi lâwan baku takbia, bara baku baha pauta aswan buki klauhi ba mita twi lâwan nani ba angki âpu daukbia. ¡Isau kiamka wina, kumi sin swak takbia apia! Yang, Dawan, baku aisisna.”

Miqueas 7:2

Naha tasba ra upla kasakkira nani, Gâd wal wapni ba âpu takan sa, sakuna kumi bani ba, upla tâlia laikaia baman aihwaki kaikisa; kumi bani ai muihni mina ra alki batakaia kiwka nani mangkisa.

Miqueas 7:6

Kan luhpia nani bui ai aisika nani ba bahki kulkisa, luhpia mairin ba sin ai yaptika mapara buisa, mula yaptika ba sin ai dapna mairin mapara buisa; bamna upla ai watla bilara aikuki iwi nani ba sika ai waihla nani sa.

Sakaraya 11:6

Bamna baha natka ra, yang sin naha kuntrika ra iwi uplika nani mapara kupi swapni daukamna apia, sakuna uplika nani kumi bani ba, ai uplika nani mihta ra, ai kingka mihta ra mangkamni. Baha nani mita tasbaya na sauhkbia, bara yang lika upla kumi sin witin nani mihta wina swaki sakamna apia. Yang, Dawan, kasak aisisna.”

Sakaraya 11:9

Bara sîpka nani ra wîri: “¡Yang kli man nani sepadkam aimaki kamna apia! ¡Ya pruaia kaka, prubia si! ¡Âu, upla kum mita ikan kaka, ikbia si! ¡Bara kau pruras nani ba, pana pana ai walka wîna pi kabia!”

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Matiu 27:45

Bara tasba aiska ba tihmu tara takan, yu wan lal kat wina tutni 3 aklak kat.

Apastil Nani Sturka 2:20

Lapta ba tihmia takbia, kati ba lika tala baku pauni takbia, Dawan yua tara pranakira kau balras ba ra.

2 Pita 2:4

Gâd mita insal nani saura daukan ba saurka swih tikras, kuna baha nani ba sut hil pauta ra lulki tihmu pali ra swin sa, sîn ni priski lâ tara yua ba kat lâka daukaia.