Aiseya 9:14 - DAWAN BÎLA AISKA

¹⁴ Bahamna, Dawan ba, Israel kingka lâka ra daukan kabia, upla kum daiwan ra wâika bara lal klaki ba baku, kûku dusa talika nani bara yauhrus dusa ba wal ra, sim sât baku klaki ba. ¡Naha sut ba yu kumi bilara baman!

Aiseya 9:14 ပူးပေါင်းရင်းမြစ်များ

Aiseya 10:17

Gâd Holikira, Israel ingnika ba, pauta klauhan takbia, bara yu kumi bilara kuntrika ra rahra nani ba sut angki âpu daukbia.

Aiseya 19:15

Upla âpu, lal kabia, wâika kabia, wahia kabia, klisang kabia sapa, Idsip ra tâ baikaia.

Aiseya 30:13

baha mita, man nani pâtkira sma. Man nani ba tawan kutbanka baiwan, slingwi tiwaia man swin ba baku sma.

Jirimaya 6:21

Baha mita, Dawan aisisa; “Naha uplika nani na ai mina pruki kauhaia daukaisna. Aisika nani, luhpia nani, lamara uplika prui nani ba sut, aikuki baku prui banhbia.”

Jirimaya 8:12

¡Witin nani ai swira briaia kan baha dukia nani witin nani dauki ba, yang kau sip kupi alki takaskras sna ba dukiara! Sakuna apia, witin nani ai swira lukras. ¡Witin nani ai swira ba dîa sapa tânka sin briras takan! Baha mita, yang bui witin nani ra klala yabamna ba ra, witin nani ai mina pruki kauhbia wala nani kauhan ba baku. Yang, Dawan ba, aisisna.’ ”

Inanka Nani 4:16

Dawan, witin pali mita witin nani na yakaban sa, bara kli sin tawi kaikbia apia; prîs nani ra kulkanka yaras kan, upla almuk nani ra sin umpira kaikras.

Oseas 1:4

Bara Dawan bui Oseas ra win: “Luhpia waitna baikan ba nina Jezreel mâks, yang tisku pali king Jehú kiamka nani sut klala yabamna, witin Jezreel ra wih upla nani iki tikan bamna, bara Israel kingka lâka ba kat takaskamna.

Oseas 1:6

Bara Gómer kli kwihra tiwan, ai luhpia mairin baikan. Dawan kli Oseas ra win: “Luhpiam mairin nina Lo-ruhama mâks, Israel kingka lâka ba, ban umpira kaiki kamna apia, witin nani pâtka ba swih tikamna apia bamna.

Oseas 1:9

Bara Dawan Oseas ra win: “Baha tuktika nina ba Lo-amí mâks, kan man nani ba nanara yang upliki apia sma, yang sin man Dawankam apia sna.”

Oseas 10:15

Baha nani ra takan ba baku, Betel uplika nani, man nani ra sin takbia, watawika lâka tara daukram ba tâwan. ¡Israel kingka ba yu nan baiwbia ra pat ikan kabia!

Oseas 13:3

Baha mita, witin nani titan mukuska baku kabia, lalma kahbi diwaska laya baku sin, titan pali pat lap tiwi ba, rais kapan taya pâsa brih pâli ba baku, kiasma kubus wina taki ba baku sin.

Oseas 4:5

Man lika kakna pali kauhma, prapit ba sin, man ninamra; witin lika tihmia ra kauhbia, bara man ra aiska pali mai sauhkamna.

Oseas 8:8

¡Israel ba nisan wala mita aiska langkan! Baha nani mita witin nani ra diara kum bahki kulkisa,

Emus 3:12

Dawan naku aisisa: “Sepad kum, layan bîla wina sîp kuhma wâl pan, apia kaka kiama tâ lupia pan aiklabi dakbi bri ba, baku sim natka ra, Israel luhpia nani Sameria tawanka ra ba, swakwan kabia; baha nani ai iwaika swapni tara purara aitniki ba, Damaskus ra.”

Emus 6:11

Kan Dawan lâ daukbia utla tara bara sirpi nani ba sin sut slingbi tikaia.

Emus 7:17

Man baku wisma bamna, Dawan naku man ra aisisa: ‘Man mayam ba tawan yabalka bilara wapi ur taki tauki kabia, luhpiam nani ba aiklabaia sordka ni ikan kabia, tasbayam na sin idan nani bal ai tasbaya kulki bribia, man wînam tara sin upla wala nani tâski kulkan nani ba tasbaya ra pruma, bara Israel luhpia nani ai tasbaya ba wina laihura priski brih wan kabia.’

Param Marikanka 18:10

Witin nani Babilon rausauhkanka ba sîa laihura takaski, naku aisi kabia: “¡Alai, alai, Babilon, tawan tara, tawan karnikira! Wan nakra klipan kum ra klalkam balan sa.”

Param Marikanka 18:17

¡Bara nakra klipan lupia kumi bilara yuyaka ailal kan ba sut âpu takan!” Duri tara kiaptinka nani sut, impapakra nani, selar nani bara kabu ra wark taki kan nani ba sin, sut laihura takaskan,

Param Marikanka 18:8

Baha tâwan, yu kumi bilara ai pâtka tara nani ba balbia: prura, sari, bara plun wahwan; witin ba pauta ni angkan kabia. Kan Dawan Gâd, witinka ra lâka dauki ba, karnakira sa.”