Aiseya 8:19 - DAWAN BÎLA AISKA

¹⁹ Âu, upla nani bui man nani ra mai wibia sika: “Sukia nani ra wals, yapi kakaira nani ra sin makabi wals, pusbi aisi nani ra bâra aisi ba. ¿Upla nani ba ai gâdka nani ra makabi walaia apia sa ki, pruan nani bara walaia raya nani ba dukiara dîa aisabia ba,

Aiseya 8:19 ပူးပေါင်းရင်းမြစ်များ

Blasi Sturka 41:24

Bara baha plawar mâ lâwan sirpi lupia ba mita mâ 7 tilwan painkira kat ba langki pin. Naha sturka na yang diara tânka kakaira nani ra wîri, sakuna witin nani kumi sin tânka ba param saki ai wiras sa.

2 King Nani 1:3

Sakuna Dawan insalka ba, Ilayas Tisbé wina ba ra win: “Bus, bara Sameria kingka bîla twatwilkra aula ba wal prawaia was, bara makabi wals: ‘¿Israel ra Gâd âpu kan ki, Ecrón gâdka Baal-zebub ra kaina kaikaia auma ba?’

2 King Nani 21:6

Baha purkara, ai luhpia waitna nani pauta ra angkan sakripais daukaia wisi, bara pirit bahki nani ra, smaya kakaira nani ra, pirit saura warkka dauki bara sukia lâka nani sin bukan. Saura pali Dawan nakra ra daukan, baha sât saurka nani dauki kan ba mita Dawan kupia sauhki kan.

2 King Nani 23:24

Baku sin Josías ba sukia nani, diara wan kanra takaia nani ba nu wan munisa wisi kunin aisi nani ba, upla nani ai tila kat aidul nani bri kan ba, bara aidul wala saura nani Jerusalem bara Juda wal ai tilara bri kan nani ba sut âpu daukan, baha bîla lâka nani prîs Hilquías mita Dawan watla ra kan sakan ba wauhkataya ra ulban kan ba tânka kat.

1 Kronikas 10:13

Bamna baku Saúl ai saurka ba mita pruan, kan witin saura daukan bara Dawan lâ yan ba kulkras, sukia kumi ra ni wih wal aisin,

2 Kronikas 33:6

Bara ai luhpia nani sakripais angkan Ben-hinom langnika ra, pirit nani ra wih ai pura sunan, yapi kaiki nani ra wan, diara kaiki nani ra wan pirit saura ra winaia, ai pura sunaia lâka bukan, sukia lâka nani daukan. Ai daukanka Dawan saura pali ba Dawan nakra ra daukan, Dawan kupia baikaia dukiara.

Lawana Nani 106:28

Witin nani Baal-peor albika takan, bara ailal nani sakripaiska daukan, pata ba sin pin.

Aiseya 19:3

Idsip uplika nani lukanka ba lap tiwaia daukamna, dîa daukaia luki dauki ba sut sauhkamni. Bara witin nani aidul nani ra makabi walbia, sukia nani ra sin, pruan nani piritka ra sin, smaya kakaira nani ra sin.

Aiseya 26:14

Witin nani ba pruan sa, kli sin rawbia apia; witin nani ba rayaka âpu, kli raiti wina bubia apia; man bui witin nani ra klala yaram, witin nani ra lukaia lukra nani ba sin sut man mita sauhkram;

Aiseya 29:4

Bara man ba mâyara mai ikan kabia, tasba kat mai batakbia; bara man bîlam baikra ba lasa kum aisi ba baku kabia, aisinkam ba yuya ba wina pusbi aisi baku kabia.

Aiseya 30:2

Witin nani istikira Idsip ra auya, sakuna witin nani ba yang bîli wina lika makabi walras; king fero karnika wal ai tâ baikaia dukiara, Idsip tnaya distika ra dimi bîla kaikanka brisa.

Aiseya 45:11

Dawan, Israel Gâdka Holikira ba, witin paskan ba aisisa: “¿Man nani bui yang ra makabi walaia sma ki luhpi nani ba dukiara, apia kaka man nani mita ai wiaia sma yang warkki nani ba nahki daukaia dukiara sin? ¿Bara yang mihti warkka nani daukaia dukiara sin?

Aiseya 47:12

Nanara ban bâra kupiam yabaki bas, sukika lâka ailal pali ba sin ban dauki bas, baha nani tilara, man lan takram ba wahma kapram ba yua wina; ban kra baha nani tâm baikbia, waihlam nani ra sirang ikbia.

Aiseya 47:13

Lâ smalki, kupiam krauki nani ailal bri katma tilara, ban swapni takram. ¡Witin nani nanara bal bubia bara tâmwan aisabia, kasbrika pura tânka plaplikra nani ba mawanra, diara nani puramra aula ba kaikan dahra mai wiaia dukiara!

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 27:9

“Bahamna, man nani baha prapitka aisi ba ra walpara, diara kaikisa wi ba bara yapi kaiki aisi ba, sukia nani ra sin walpara naika diara takaisa wisi aisi ba, bara upla nani ra smalki ba Babilon kingka munhtara bawaia apia.

Libait Lâka 19:31

“Pirit saura wal aisi, yapi kaiki uplika ra man nani wapara, witin wal aisi tâski takmara sîa. Yang sika man nani Dawan Gâdkam.

Libait Lâka 20:6

Upla kum pirit saura wal aisi yapi kaiki uplika nina bliki saura taki ba, yang baha uplika ba mapara kamna, bamna tawan wina bara ai uplika nani tila wina sakamna.

Miqueas 5:12

Yang bui sukia lâka nani ba sut, tilam wina kangbi sakamna, bara tilamra smaya kakaira kumi sin âpu kabia.

Apastil Nani Sturka 16:16

Yu kumi yang nani pura sunaia pliska ra taki auna kan ba ra, tukta mairin kum wal prawi banhri; witin sukia, diara kaikaia piritka bri kata. Witin alba kan, bara diara kaikaia warkka dauki ba wina ai dawanka nani ba lalah uya pali saki yabi kan.

Kli Smalkanka 18:10

Man nani wina kumi sin luhpiam pauta ra bri si sakripais dauki yapara, dahra pliki saki warkka sin daukpara, kainara dîa takaia ba aisi wipara, sukia warkka sin daukpara,

Kli Smalkanka 18:11

yabaki kaiki uplika wal, dahra saki aisi uplika, bara yapi kaiki piritka uplika wal sin tânkam pliki kaikpara, pruan nani piritka aikuki sin apia.

1 Tesalonaika 1:9

Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.

2 Pita 2:1

Bamna Israel nisanka tilara, gâd prapitka kuninkira nani sin bâra kan; baku sin man nani tilamra smasmalkra kuninkira nani bâra kabia. Witin nani ai lukanka ra wan sauhki nani ba, yukuwan lâka ra wan smalkbia, bara witin nani ra swaki sakata Dawanka pali ra sin kulkaia apia wibia; naha na lika witin nani ra pat pali âpu daukaia tânka sa.

1 Samuil 28:11

Mairin ba pana win: —¿Ya winrika balbia want sma? Saúl win: —Samuil ra wins.

1 Samuil 28:16

Samuil pana win: —¿Dîa muni yang ra makabi walisma, Dawan pat lulki mai swin, nanara witin lika man waihlam takan ba?

1 Samuil 28:7

Baha mita Saúl wihta tara nani ra adar yan: —Upla pruan wal aisi ba mairka kum pliki was, bara yang wih witin wal aisi diara tânka kum plikaia sna. Wihta tara nani ba win: —Endor ra mairin kumi bâra sa, witin lika upla pruan nani wal aisisa.

1 Samuil 28:8

Saúl kwala sât wala dimi, sât aihka taki ai yula kahbaika waitna wâl bri, tihmia ra mairka ba kaikaia taki wan. Bara witin ra win: —Yang bui man ra puri sunisni dîa yang ra takaia ba kaiki ai wis, ya piritka wal aisaia wimna ba, paiws balbia.