19 Bara baha nani balbia, witin nani sut, twi saura tasbaya, il bîla nani ra takaskbia, walpa untika nani ra dimbia, kiaya dusa nani tilara daiwan lî diaika pliska nani ra sin.
Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.
Dawan bal tasba aiska na sirang ikbia, bara walpa tara baiwanka nani ra upla nani ba dimbia, tasba untika nani ra sin; sibrinkira Dawan mawan wina yukuwbia, ai mawan ingnika ba wina sin.
Witin nani walpa tara baiwanka nani ra dimbia, walpa tara klukia ra, sibrin tara ba mita, Dawan mawan wina yukuwbia, ai mawan ingnika ba wina sin, witin bal tasba na sirang ikbia ba ra.
Yang daukamna ba, lulki swin tasbaya baku kabia; dauhbia apia, inmika sin daikbia apia, kiaya dusa saura nani pâwbia. Kasbrika nani ra adar yamni, lî baha purara auhbia apia dukiara.
“Inska âialkra nani ailal balaia daukamna —yang, Dawan, kasak aisisna— Israel luhpia nani ba miski alkaia. Yang sin daukamna antin uplika nani ailal balaia, il nani ra walpa unta nani ra, kiuhsi nani ra sin antin dimi uplika nani ba sakaia.
¡Witin nani piuta baku tasba pukpuka ra sambia; ai biara lama taya ra kwasi tauki daiwra nani wala baku! ¡Ai watla bilara dimi yukuwi ba wina, tatatwi takbia, kli man ra plapi balbia sibrin tara kira ni, Dawan wan Dawanka!