Aiseya 7:13 - DAWAN BÎLA AISKA

¹³ Bara Aiseya bui win: “Nanara man nani wals, Debit king watla bilara sma uplika nani. Man nani mampara diara saura sa, upla ra trabil muni swapni sakaia ba, ¿ban sakuna man nani, yang Gâdki ra sin baku munaia lukisma ki?

Aiseya 7:13 ပူးပေါင်းရင်းမြစ်များ

Blasi Sturka 30:15

Bara Lea pana witin ra win: —¿Man pat mayi ai dakbi brisma, bara witin wal aitani sma apia? ¿Bara nanara luhpi dus mâ sal aikan ba sin man kli ai dakbi briaia lukisma? Bara Raquel kli aisin: —Baha luhpa baikaia saika mâ nani luhpiam bri balan ba, yang ra sin aik bara baha mana man naha tihmia Jekob wal yaps.

2 Kronikas 21:7

Sakuna Dawan bui witin ra sauhki tikras kata, kan Debit kiamka wal lâ kum daukan, bara baha pramiska ba ai luhpia nani ra ingni kum kabia, lamp ami ba baku.

Lawana Nani 45:5

Upla ailalka ba minam mununhtara kauhisa; king, trisbaikam ba tatwa pali sa, upla kupia kat sabisa, man waihlam nani kupia kat.

Aiseya 1:14

Kati raya bara asla aidrubaia yua nani liliaka daukisma ba, saura kaikisni; ¡baha trabil ai munisa, yang kau sip kupi alki takaskras!

Aiseya 1:24

Baha mita, karnika sut ba Dawanka, Dawan karnakira Israel ra bâra ba, witin aisisa: “¡Baha kat aitani! Yang waihli nani lâka ba daukamni. Yang bui witin nani ra pana munamna.

Aiseya 22:22

Bara Debit watla kîka ba, witin ai pahpaya ra kahbamni; witin dur kwâkbia ba, upla kumi mita sin prakbia apia; witin dur prakbia ba, upla kumi mita sin kwâkbia apia.

Aiseya 25:1

Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Aiseya 43:24

Man nani yauhrus kîa yamnikira ba yang duki atkras katma prisantka baku sal aikaia, sakripais ra wîna batanka nani ni banhkras katma, ban sakuna, man nani saurkam wirhika yang purira kahbram, watawikam lâka ni ai swapkram.

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Aiseya 7:12

Bara Ahaz pana win: “Sain kum kaikaia makabamna apia, Dawan ra traika kaikamna apia.”

Aiseya 7:2

Baha piua ra naha bîla na blikan, king Ahaz ra bara ai taya nani ra sin wih win: “Siria uplika nani ba, Efraín aikuki asla takan.” King ba ai uplika nani sin baha walan, tatatwi banhwan pâsa krawan unta ra dus nani wauhi ba baku.

Jirimaya 44:22

Man nani daukankam saura nani daukisma ba mita, Dawan lilia apia kan witin kau sip ai kupia alki takaskras kan. Baha mita naiwa man nani kuntrikam ba sauhki swin sa, upla bahara iwras; lahtuban nani, upla sirang ikaika takan.

Jirimaya 6:11

Dawan, yang na man lawankam ni ai banhkram ba mita puri luan sa, kau alki takaskaia sip apia sni.” Dawan bui ai win: “Wahma nani yabal ra tauki ba purara laiks, tiara daknika nani ba purara laiks. Maya waitna nani bara maya mairin nani ba silak ra brih wabia, dama pali nani ba sin brih wabia.

Isikiel 16:20

‘Bara luhpa mairin kum, bara waitna sin kum man wal brisatna ba briram, bara sakripais daukram aidul nani pata kaia. ¿Man mampara wiria kapram, yabal mairka kaia ba,

Isikiel 16:47

Witin nani nina bliki, dîa daukan saurka kata ba daukram; âmyapah apia, man daukankam ba kau saura kan, witin nani daukanka wal.

Isikiel 34:18

¿Aitani apia sa, twi kura yamni nani pisma ba wal, kuna minam ra taibisma dîa kau takaskan nani ba? Lî sangni ba disma, bara kau dîa ba minam ni buhutni daukisma.

Isikiel 6:9

Baha nisanka nani tilara pruras swak takbia nani ba, yang ra ai kupia kraukbia; yang nahki witin nani ba yabri pât wahwaia ba ai kupia kraukbia, witin nani ba yang wal wapni apia bara tnaya ra tawan, aidul nani ra mayunan bamna. Watawika lâka nani daukan ba lukbia bara aikaban daukbia, diara saura nani kaikan wan daukras kan daukan bamna.

Emus 3:13

Dawan karnika sut pali bri ba, naku kasak aisisa: “Man nani wals bara Jekob watla uplika nani mapara witnis aisas;

Malaquía 2:17

Man nani aisisma ba Dawan mai wali swapan; sakuna man nani kau ban makabi walisma: “¿Yawan na dîa aisin sa bara ban wan wali swapaia?” Man nani aisaram Dawan upla nani saura dauki ba yamni kaikisa, witin baha nani wal lilia pali sa. ¡Gâd ba kasakkira sapa man nani tânka briras!

Kulki Kaikanka 16:13

¿Aitani apia sa ki, tasba kum tialka laya nasma wal lî laiwi baku sakram ba bara nanara upla iwras tasbaya ra wan ikaia daukisma, baha purkara man nani wan tâ uplika aimakaisma?

Kulki Kaikanka 16:9

¿Man nani ra baha ba diara apia sa ki, Israel Gâdka mita bâk mai sakan ba Israel uplika wala nani ba tila wina, bara man nani bui witin ai lamara Dawan watla ra warkka nani ba dauki kaia, bara upla nani wal sin baha warkka dauki kaia ba?

Luk 1:69

Witin Sasakra karnakira kum wankan, ai napakanka Debit kiamka ba tila wina.

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Hibru Nani 3:10

Baha mita yang baha uplika kiamka nani mapara lawi, naku aisari: ‘Witin nani ai kupia ra piu sut aimawahki taukisa, bara yabalki nani ba kakaira takan daukras sa.’