Aiseya 66:5 - DAWAN BÎLA AISKA

⁵ Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Aiseya 66:5 ပူးပေါင်းရင်းမြစ်များ

1 King Nani 21:29

“¿Man kaikras sma ki, Ahab nahki yang laimara bawan lâka bri ba? Bamna yang laimara bawan ba mita, witin ai yua nani ra pât saura bri balamna apia, raya piua ra ai luhpia nani ra saura lâka ba brih wamna.”

2 King Nani 22:10

Baku sin Safán bui king ra param win prîs Hilquías ba mita lâ ulbanka wauhkataya kumi yaban sa, bara witin naha wauhkataya na king ra aisi kaiki yaban.

2 Kronikas 34:27

bara kupiam ra uya luki yang ra mihti ra aimakram bamna naha pliska ra bara ai uplika nani iwi ba mapara aisari ba walram bamna, bara man lika yang ra bawram bamna, kwalkam nani sin kalkram maiwanra, baha mita sin mai walri. Yang, Dawan, mai wisni.

Esdras 9:4

Baha nani Israel Gâdka klalka sibrinka bri nani ba, upla nani kangbi sakan kan kli tawi balan nani ai saurka daukan ba tâka mita, witin nani ba yang ra balan, sakuna yang kupi wirha ban kan, sakripais daukaia piua ba kat.

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 38:20

Yamni daukri mana, pana saura ni aibapuya; yamni daukaia plikisna ba ra, witin nani ba yang maipara buisa.

Sins Lâka 13:13

Bîla smalkan nani ba wina kum bahki kulkbia uplika ba lika ai bîla saki inbia, sakuna lâ bîla ra sibrin luki uplika ba, ai mana bribia.

Yamni Kulki Lawana 1:6

Aihka ai kaikpara, yang taiya siksa sna bamna, wan yu mita yang taiya ra angkan ba ra sin kaikpara. Yang muihki nani maipara praut takan; wain nasla nani main kaikaia ai mangkan; ¡bara yang wainki nasla ba lika main kaikras kapri!

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 5:19

Man nani wisma: “Gâd ai warkka ba aihni daukbia, bara yang nani kaikamna; Gâd holikira Israel ra bâra ba, ai warkka ba yarka mahka daukbia bara yang nani tânka brimna.”

Aiseya 60:15

Kli misbara mai kaiki, yakan mai lulki mai swibia apia, yang mita daukamna man pramna ba ban kaia lilia ba man wal ban kaia.

Aiseya 65:13

Baha mita, Dawan ba naku aisin: “Kaiks yang duki dadaukra bri kabia ai pata piaia, sakuna man nani lika plun wauhma; witin nani bri kabia dîa diaia, sakuna man nani lika diran mai dauki kabia; witin nani ai lilia takbia, sakuna man nani lika swira lâka ra takaskma.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Jirimaya 36:16

witin nani baha walan ba ra, sibrin taki banhwan bara ai walka ra witin nani pana aisin bara win: —Naha sturka na yang nani king ra wiaia sna.

Oseas 11:10

Witin nani lika Dawan nina blîkbia, bara witin layan kumi baku ihbi kabia. Ihbi kabia, bara ai uplika nani ba tatatwi kira muna tani wina taki balbia.

Matiu 10:22

Upla sut mita yang tâiwan misbara mai kaikbia, sakuna ya ya tnata kat ban bapi bubia ba, baha lika swaki sakan kabia.

Luk 13:17

Jisas naha aisin ba ra, ai waihla nani sut ai swira takan; sakuna upla sut lika lilia pali kata, Jisas diara tara pali dauki kan ai nakra ni kaikan kan ba mita.

Jan 16:2

Ju nani priaska watla nani wina mai kangbi mai sâkbia, bara ban sin piua kum balbia ani uplika mita mai ikbia ba, witin lukbia baha ni Gâd warkka daukisa.

Jan 9:34

Bara witin nani win: —Man lika saurka lâka wina aisubi takram, ¿bamna yang nani ra ai smalkaia lukisma ki? Bamna witin nani Ju nani priaska watla ba wina waitnika ba kangbi sakan.

2 Tesalonaika 1:12

Bara naku mika, wan Dawan Jisas Kraist nina ba man nani mita prana daukbia, bara witin mita sin prana maikbia, wan Gâdka bara Dawan Jisas Kraist yamnika ba mita.

Taitus 2:13

Baha mita sin wan smalkisa, baha yua holikira pramis wan munan ba, yawan bîla kaiki kabia; bara baha sika wan Gâdka tara bara wan Sasakra, Jisas Kraist prana ba latan takbia ba ra.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

1 Jan 3:13

Muihki nani, naha tasba uplika nani mita misbara mai kaikisa kaka, baha dukiara aihka lukpara.