Aiseya 66:4 - DAWAN BÎLA AISKA

⁴ Yang sin brimni, witin ai trabilka wahwi ba, bara bri balamna, witin nani uba sibrin bri ba; kan yang winri bara upla kumi sin ai aisaras kan, aisari bara kumi sin ai walras kan; witin nani daukan dukia ba, yang mita yamni kaikras kapri. Yang kupi baiwi dukia witin nani brin.”

Aiseya 66:4 ပူးပေါင်းရင်းမြစ်များ

2 King Nani 21:2

Sakuna witin saura daukan Dawan mawanra, kan nisan wala nani saura daukan ba Israel luhpia nani mawanra bara Dawan mita kangbi sakata ba baku witin daukata:

2 King Nani 21:6

Baha purkara, ai luhpia waitna nani pauta ra angkan sakripais daukaia wisi, bara pirit bahki nani ra, smaya kakaira nani ra, pirit saura warkka dauki bara sukia lâka nani sin bukan. Saura pali Dawan nakra ra daukan, baha sât saurka nani dauki kan ba mita Dawan kupia sauhki kan.

Lawana Nani 81:12

Ai kupia karnika ba mita ban swiri nina blikaia, bara dîa want ba yâri daukan.

Sins Lâka 1:24

Yang mita mai winri bara sin mai paiwri balma, sakuna man nani, yang ra walan mai daukras kan.

Sins Lâka 10:24

Upla watawikira sibrin luki ba, sibrinka witin bri ba kat ai purara balbia, kasakkira nani brin dauki ba wina, witin nani ra diara yabia sa.

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Aiseya 59:15

Bara kasakka lâka briaia ba lap tiwan, bara ani uplika saura wina tnaya ra tawan nani dîa bri ba implikisa. Dawan ba ai kupia baikan, kaikan piua ra kasak tânka âpu kan.

Aiseya 59:7

ai mina nani ba saura ra plapisa, aihni taukisa tala pâtkas ba laikaia dukiara. Ai lukanka ba upla ikaia baman lukisa, bara yabal ra lui auya ba, sauhki tikaia, bara kriki tikaia lâka nani man sa.

Aiseya 65:12

Diara saura man nani bîlam kaikisa: Man nani sord ra pruaia mai daukamna. Kan yang mai winri, sakuna man nani pana yang ra aisaras kapram bamna; man nani ra aisari, bara man nani ai walras kapram; yang aitani kulkras sna ba man nani daukram, yang laik apia sna ba man nani bâk saki briram.”

Aiseya 65:2

Maipara babura uplika nani mawanra, yu aiska yang mihti sakbri, witin nani sika yabal yamni apia bâk impakisa, ai kupia lukanka saura nani ba ninara;

Aiseya 65:3

witin nani yu bani yang maiwanra watawi dauki kupi baiki kan; giadin nani ra sakripais dauki kan gâd nani ra, kîa pain nani ba walpa ni altar nani paski purara angki kan;

Aiseya 65:7

Witin nani lâ krikanka nani daukan ba aisika nani sin daukan ba baku. Kîa pain angki kan il nani purara, kiuhsi nani purara swiri dauki kan. Witin nani dîa daukan ba pas kulki kaikamna, witin nani dîa briaia aitani ba yabamna.” Baha Dawan aisin.

Jirimaya 35:17

Baha mita yang, Dawan karnika sut brisna ba bara Israel Gâdka, mai wisna: Yang daukisna Juda bara Jerusalem wal purara, uplika nani ba purara pât nani balaia wîri ba balbia. Kan yang bui man nani ra aisari, sakuna man nani ai walras; man nani ra mai winri, sakuna man nani pana yang ra aisaras.’ ”

Jirimaya 7:13

Bara ban kra yang bui man nani ra kli kli pat kupiam krauki daukankam ba dukiara, sakuna man nani bîli wali daukaia apia wiram, uni kahbaia pan sakuna man nani baha sin daukras. Yang Dawan, baha kasak aisisna.

Jirimaya 7:30

Dawan ba kasak aisisa: “Yang yamni kaikras sna, Juda uplika nani diara daukan ba: yang saura kaikisna aidulka ba witin nani bri yang tempelki ra brih wan bara waitla ba tâski daukan.

Isikiel 11:8

¿War nani ra sîa brisma ki? Yabrika man nani puramra war balbia. Yang, Dawan, baha ba kasak mai wisni.

Isikiel 14:4

Witin nani aikuki aisas bara wis: ‘Dawan naku aisisa: Ya ya uplika, Israel luhpia nani tila wina, aidul nani bri ba ra ai kupia mangki bri ba, ai mina prukaika warkka ai kainara mangki bri yaba, prapit ra ai pura suni walaia balbia ba ra, yang pana witin ra aisamna, witin aidulka ailal bri ba natka kat.’

Isikiel 20:25

Bara lâ yamni apia kat sin, purara mangkaia kapri, bara lâ nani rayaka sip sakaia apia nani sin.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

1 Samuil 8:19

Kupia kraukaia bîla nani sut Samuil aisin ba upla nani aman pali walras kan, sakuna pana win: —¡Wan kupia lukras! Yang nani kingki brin ai daukisa,