Aiseya 66:20 - DAWAN BÎLA AISKA

²⁰ Nisan nani sut tila wina yaka balbia man nani tawankam uplika nani ba, aras ra, wagin nani ra, ai pahpaya ra twilki, muyul nani ra, kiamil nani ra uli, prisantka nani bri balbia, Jerusalem yang ilki holikira ra, Israel luhpia nani Dawan watla ra prisantka nani yaia watla klin ra diara mangki bri bal ba baku. Witin nani sin bri balbia, yang, Dawan, baku aisari.

Aiseya 66:20 ပူးပေါင်းရင်းမြစ်များ

Aiseya 11:9

Yang ilki holikira aiska ra saura munbia apia, sauhki sin tikbia apia; tasba ba Dawan tânka kaikaia lâka ni banhwan kabia, kabu pura aiska lî nani praki brin ba baku.

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 43:6

Yahbra ra wimna: ‘Upla nani ba nâra laki yas’, bara waupasa ra wimna: ‘Man alki takaskpara.’ Luhpi waitna nani ba laih wina bri bal, bara luhpi mairin nani sin, tasba tâ wala ba wina bri bal,

Aiseya 52:11

¡Bal taks, bal taks man nani Babilon wina baha nani tila wina bal taks, diara tâski ba kangpara, man nani Babilon wina taks! ¡Sunu taks man nani bui Dawan ra sakripais dauki yaia watlika nani twilkisma ba!

Aiseya 54:3

kan man pliskam ba kau drabaisma, aihkikam ra bara smihkam tani ra; man kiamkam nani ba nisan ailal pura lubia, tawan nani bîla man swin, upla iwras tawanka nani ba ra iwbia.

Aiseya 56:5

witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Aiseya 56:7

yang bui witin nani ba ilki holikira ra brih wamni, yang ra ai pura sunaia watla ra witin nani ba bri balamna lilia kaia daukamni. Altarki ra daiwan aiska angki sakripaiska nani dauki ba sin yang brimna. Kan waitla ba wan pura sunaia watla mâkan kabia upla nani sut ba dukiara.

Aiseya 65:11

Sakuna Dawan wina man nani laihura dakwi takisma ba, yang ilki holikira âmya tikisma ba, Gad bara Mení ra man nani plun bara wain laya sin bri sal mayunisma, yuyaka nani dawanka ra.

Aiseya 65:25

Yul wail ba sîp luhpia ba wal aikuki twi pi kabia, bara layan ba bîp wainhka ba wal asla twi pi kabia; piuta ba tasba yuya ba ai pata kabia. Yang ilki holikira ba, witin nani mita sarka paskbia apia, saura sin munbia apia.” Dawan baku aisin.

Daniel 11:45

Ai tintka watla ba bapan kabia kabu ba wina Tasba Pranakira ilka holikira ba kat. Sakuna baha pali kat, witin pruaia awarka ba aimakbia, upla âpu kabia witin ra hilp munaia.

Sofonías 3:10

Upliki nani Etiopía awala baila wala ra yakaban nani ba, baha wina prisantka nani brih, ai pura suni bri sal aikbia.

Kulki Kaikanka 7:3

witin nani sin Dawan ra ai prisantka nani brih balan, wagin matlalkahbi bara bîp wainhka sin 12, wagin kumi bani ra lalka nani wâl ulaia, wibia kaka wagin kumi bani ra bîp wâl wilkaia, bara lalka kumi bani ba kum bribia. Bara baha prisantka yan ba sut tint watla lamara swin.

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.

Pilipai 2:17

Man nani kasakkam lâka mita Gâd ra prisant yabisma ba tnata alkaia dukiara, rayaki pali na sin sakripais dauki yabia kaka, yang lilia sni bara baha liliaka ba man nani sut aikuki brisni.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.