Aiseya 66:1 - DAWAN BÎLA AISKA

¹ Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?

Aiseya 66:1 ပူးပေါင်းရင်းမြစ်များ

1 King Nani 8:27

“Ban sakuna, ¿baha ba kasak sa ki, Gâd ba naha tasba purara iwi kaia? Bara kaiks kasbrika pura ba bara yahpika ba sip alki briras sa, bara nahki sip kabia naha tempel yang bui paski maikri na.

1 Kronikas 28:2

Bamna Debit ai mina ra bûi bara win: “Yang ra ai wals, muihki nani bara upliki nani sin: Yang luki kapri Gâd lâka auhbaia watla ba pliska kum paskaia, bara bahara swika ban bâra kaia, bara baha pliska ra sin Dawan ai king iwaika bribia. Baha paskaia dukiara diara sut pat aitani kat wapni daukri kan.

2 Kronikas 2:5

Yang tempel watla mâkaisna ba tara kaia sa, kan wan Gâdka ba tara sa, gâd wala nani ba wal.

2 Kronikas 6:18

“Ban sakuna, ¿baha ba kasak sa ki, Gâd ba upla wal naha tasba purara iwi kaia? Bara kaiks kasbrika purara nani ba, bara yahpika ba sip alki briras ba apia. ¡Bara nahki sip kabia naha tempel, yang bui paski maikri na!

Lawana Nani 11:4

Dawan ai tempelka holikira ra bâra sa. Dawan, witin ai iwaika kasbrika purara bri ba, witin ai nakra nani aman param, kasak aihwaki kaikisa upla nani ra.

Lawana Nani 132:7

¡Kaisa Dawan wal prawaia watla ra waia! ¡Ai mina nani kahbaika ra wan lula krikpi!

Lawana Nani 99:9

Man nani bui Dawan ra mayuns, yawan wan Dawanka ba, ¡nina holikira ra ai mawanra lulam kriki bas! ¡Yawan wan Dawanka, witin ba holi sa!

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 60:13

Dawan ba Jerusalem ra aisisa: “Líbano ra prana ba man ra balbia, awas pauni nani, awas dusa bara saiprus dusa nani ba sut, yang tempelki bilara prana daukaia dukiara, bara yang mini taibaika watla bilara yamni kulkamni. Baku Dawan Jerusalem ra aisisa.

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Matiu 12:6

Bamna yang bui man nani ra mai wisna: nahara diara kum sa, tempel purkara kau tara ba.

Matiu 24:2

Sakuna Jisas witin nani ra win: —¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.

Apastil Nani Sturka 17:24

‘‘Gâd bui tasba paskan ba bara dîa dîa baha bilara ba, witin sika kasbrika pura bara tasba Dawanka. Witin lika upla bui paskan tempelka sâtka nani ra iwras sa,