Aiseya 65:6 - DAWAN BÎLA AISKA

⁶ Sakuna naha nani sut ba pat ulban bâra sa yang kaikisna, bara yang klaihkla kruski takaskamna apia; witin nani dîa briaia aitani ba yabaisna.

Aiseya 65:6 ပူးပေါင်းရင်းမြစ်များ

Lawana Nani 107:17

Witin nani ai watawanka bara ai saurka nani tâwan siknis takan bara sari man banhwi kan,

Lawana Nani 109:14

Ai aisika nani watawanka ba, Dawan ai kupia kraukbia, bara ai yaptika saurka ba sin, diki tikan kabia apia;

Lawana Nani 50:21

Man nani naha sut daukram, sakuna yang sâp kapri; ba mita kupiam ra lukram yang lika man wal baku sna. Sakuna yang bui man mamwan kat damhra kwahkaisna, dîa daukram klala maiki wapni daukaisna.

Lawana Nani 50:3

Wan Gâdka ba aula, sakuna sâp lika balras sa; witin aula ba, ai kainara pauta klauhi, skwal baku diara sauhki tiki balbia.

Lawana Nani 56:8

Man bui yang ra ai munan, plapi baman taukisna ba sut kulki brisma, baku sin naikra laya nani ba sut ulbi brisma. ¿Man baha nani ba wauhtaya ra ulbras katma ki?

Lawana Nani 79:12

Man, Dawan, aima 7 pana saura muns, laimara uplika nani ra, witin nani man kupiam sauhkan bamna;

Impakan Sturka 17:14

Bara Dawan bila Moses ra win: —Naha mai wisna na wauhkamtaya ra ulbi bris, kli kupia kraukaia ba dukiara; bara Jasua ra wis yang bui Amalec uplika nani ba sut pali tasba wina diki sakaisna.

Aiseya 26:21

Kan nanara Dawan ai watla tara wina taki aula, tasba ra iwi uplika nani ra ai saurka mana klala yabaia, watawika lâka witin ai mapara daukan ba tâwan; tasba ra pruan nani ba witin kau yukuki bri kabia apia, sut param marikbia.

Aiseya 3:11

¡Saura pali kabia watawikira ba dukiara, witin nani saura ra wabia! Ai mihta warkka nani mana ba praiska kat, Gâd bui witin nani ra aibapan kabia.

Aiseya 42:14

Dawan ba aisisa: “Piu wihka pali bîli praki sâp pali katna, bin daukras katna; sakuna nanara wina bin daukaisna mairin luhpa baikaia ra ini ba baku.

Aiseya 59:18

Dawan mita upla kumi bani ra dîa daukan ba praiska kat mana aibapbia; ai waihla nani ra klala yabia; witin ra misbara kaiki nani ba mana dîa briaia ba kat yabia; kabu un ra iwi kuntrika nani ba ra sin.

Aiseya 64:12

Bara baha sut daukan ba kaiki si, ¿Dawan, man ban sâp kama ki? ¿Man sâp kaisma, bara yang nani na mâya pali kat ai batakaisma ki?

Aiseya 66:6

Tawan wina unsaban bîla baikra aula ba mita, tempel wina bîla baikra taki ba mita, Dawan wina bîla baikra nani taki ba mita ai waihla nani ra mana aibapi yabia.

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Isikiel 11:21

Sakuna baha nani saurka ra iwi nani ba, bara upla yamni kaikras nani ba, yang mita makabamni ai daukanka saura nani mana aibapaia. Yang, Dawan ba, kasak mai wisni.’ ”

Isikiel 22:31

Baku bamna, yang klalki witin nani purara bri balri, bara yang sauhki tikri kupi baiwanka ba wal, yabrika ai daukanka dukiara aisabia. Yang, Dawan, kasak aisisna.’ ”

Isikiel 9:10

Baku bamna, yang bui witin nani ra umpira kaikamna apia, ai daukanka tâwan yang yabrika aibapan kabia.”

Joel 3:4

“Tiro, Sidón bara Filistea, ¿man nani ba yang wina dîa brin mai daukisa ki? ¿Man nani pana diara ai munaia lukisma ki? ¿Diara kum mana, yang wina sakaia lukisma ki? Man nani pana ai munaia lukisma kaka, ¡man nani dîa daukram ba nanara pali lamla purara blikamna!

Malaquía 3:16

Gâd ra tara kulki nani kan ba, ai tilara naku aisi banhwan, bara witin nani aisi kan ba Dawan aman pali wali kan. Witin nani Dawan ai mawan kat bâra kan bara wauhkataya kum ulban, bahara ai kupia krauki kan, baha nani Dawan ra kulki mayuni nani ra, bara kulki saki brisa.

Luk 6:38

Yas upla wala nani ra, bara Gâd bui pana man nani ra maikbia. Pakitkam ra aitani pali maikbia, lasbi, singbi, bara banhki pali. Gâd bui man nani ra mai kulkan kabia, dîa kulkanka wal pana upla wala ra kulkma ba.”

Kli Smalkanka 32:34

“Naha sut na main kaiki brisni; manakira dukia baku main kaikisni,

Param Marikanka 20:12

Bara pruan nani ba kaikri, tara nani bara sirpi nani, Gâd mawanra ai mina ra bûi kan. Wauhkataya nani ba kwâkan kan, bara wauhkataya wala sin kum, baha sika raya kaia wauhkataya ba. Pruan nani ba dîa dauki kan ba kat lâka daukan kata, dîa baha wauhkataya nani ra ulban ba kat.