Aiseya 65:4 - DAWAN BÎLA AISKA

⁴ witin nani raiti nani ra takaskisa, bahara yukuwaia watla untika nani ra, tihmia ba luisa; kwirku wîna pîsa, ai dakawa nani ra pilalka ba sin, baha saura pali kulkan ba dukia nani ba brisa.

Aiseya 65:4 ပူးပေါင်းရင်းမြစ်များ

Impakan Sturka 23:19

“Patam mâ tawahkia kanra yamni nani ba, Dawan tempelka watla ra brih waia sma. “Guts lupia ba, ai yaptika tialka laya ra mangki piakpara.

Impakan Sturka 34:26

“Man nani plun mangkram ba wina tawahkia mâ kau pain ba, Dawan Gâdkam watla ra brih waia sma. “Guts lupia nani ba, yaptika tialka laya ra piaki banhpara.”

Aiseya 66:17

Dawan aisin: “Baha nani dus mâ giadinka ra, aidul ra witin nani ra suni klin takisa, tila tâura auya was ai ninara, baha nani kwirku wîna pîsa, baha diara saura pali ba, matis wîna sin pi ba, tâski kulkan pata nani ba sut, aiska klaki sakan kabia.

Aiseya 66:3

Sakuna upla bâra sa bîp wainhka iki sakripais dauki ba, bara waitna kum iki ba sin; sîp mairin kum nana klaki dakbi ba, yul kum nana dusa kriki ba, plun laya prisantka yabi ba sin, bara kwirku tâlia prisantka yabi ba sin; kîa pain angki sakripaiska dauki ba sin, aidul kum ra mayuni ba sin. Bahara misbara kaikaia pura sunra nani ba witin nani dauki ba, witin nani baha dukia nani sut daukaia ba lihkisa.

Isikiel 4:14

Bara yang bui witin ra wîri: “Sakuna, Dawan, yang rayaki aiska ra plun tâski nani piras katna. Aima kumi sin daiwan yakan pruan nani wîna piras katna, apia kaka daiwan wail nani mita ikan sin piras katna. Aima kumi sin wîna tâski nani pih kaikras sna.”

Libait Lâka 11:7

“Kwirku ba asmala baikanka brisa, bara wâl ra baiki brisa, kuna kli wakabi piras. Daiwan kum tâski baku kulkan kabia.

Sakaraya 9:7

Witin nani bîla wina, wîna tala wal pi ba sakamna, piaia win pata nani pi ba, napa nani wina sakamna. Ban sakuna, baha uplika nani ba tila wina, yang upliki nani kaia takaskbia; baha nani ba, Juda kiamka tilara kulkan kabia, bara Ecrón ba sin, upliki nani tilara kulkbia, Jebús uplika nani upliki nani takan ba baku.

Kulki Kaikanka 19:11

“Ani uplika upla pruan kum ra alkbia kaka, yu matlalkahbi pura kumi tâski kulkan kabia.

Matiu 8:28

Jisas lakun baila wala ra wan Gadara tasbaya ra. Bahara waitna wâl raiti nani wina taki, ai lamara balan. Wâlsut pirit saura nani bri kan, bara uba kras banhwi kan bamna, upla kumi sin baha yabalkak impakras kan.

Luk 8:27

Jisas sauhka ra nan ulan ba ra, tawan ba wina waitna kum ai lamara balan. Naha waitna lika piua wihka pali pirit saura nani bri kata. Witin kwala dimras, utla kumi ra sin dimi iwras kan, sakuna raiti ra baman takaski kata.

Kli Smalkanka 14:21

“Man nani ba tawan uplika kum, yamni mai kulkan sa Dawan Gâd dukiara; daiwan pruan kaka, kumi sin man nani pipara, sakuna upla tringsar nani man tawankam ra iwi nani ba ra yabaia sip sma, witin lika piaia sip sa. Bara tringsar nani impaki ba ra sin atkaia sip sma. “Guts luhpia ai yapti tialka laya ra ba pipara.

Kli Smalkanka 14:3

“Tâski kulkan dukia kumi sin man nani pipara.

Kli Smalkanka 14:8

“Kwirku ba tâski kulkaia, asmala baikan brisa kuna wakabras. Baha ba tâski kulki banhwaia sma. Naha daiwra wînka pipara, wîna pruan ba sin kangpara.

Kli Smalkanka 18:11

yabaki kaiki uplika wal, dahra saki aisi uplika, bara yapi kaiki piritka uplika wal sin tânkam pliki kaikpara, pruan nani piritka aikuki sin apia.