Aiseya 65:23 - DAWAN BÎLA AISKA

²³ Witin nani bahki ra wark takan kabia apia, ai luhpia nani sin piua kau aimakras prubia apia, kan witin nani ba, Dawan wina ai yamnika yan kiamka nani bamna, bara witin nani ai kiamka ba sut baku kabia.

Aiseya 65:23 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Job 21:8

Ai luhpia nani bara ai mula nani sin pain pâwi ba kaikisa; ai tnaya ra pât âpu, lilia sa.

Aiseya 44:3

kan upla iwras tasbaya ra yarka lî plapbia, awala nani daukamni, tasba lâwan diara pâwras pliska nani ra. Kiamkam nani purara, yang rayaka raya yabamni, bara yang yamniki nani blikamni.

Aiseya 49:4

Bara yang pat luki kaikatna: “Yang bahki ra wark takri, diara sin sakras, yang karniki nani ban tikri diara bahki ra.” Sakuna yang dîa daukri ba lika Dawan mihta ra sa, bara yang maina ba Gâdki ai karnika brisa.

Aiseya 55:2

¿Plun apia ba dukiara dîa muni lalah yabaia? ¿Dîa kan wark taki lalahkam sakisma ba âmyapah mai daukras ba mana yabaia? Man nani, yang ra aman wals, bara plun pain nani ba pima, plun auhni nani ba pima.

Aiseya 61:9

Man nani masrakam ba, nisan nani tilara tara kulkanka bri kabia; upla sut kaikbia ba ra, pat tânka kaikbia baha uplika nani ba, Dawan mita yamni pali munan sa.

Aiseya 66:22

Baku sin Dawan kasak aisin: Kasbrika purara raya bara tasba raya ba baku yang paskaisna baha nani bâra ban kabia, baku sin man nani kiamkam nani ba bâra ban kabia, bara ninam ba sin.

Isikiel 36:29

Ya tâski dauki ba sut wina swaki sakamna. Yabrika plawar mâ ba ailal takbia, bara kli plun wahwan blikamna apia.

Libait Lâka 26:20

Karnikam bahki pali tikma, kan tasba ba mâ nani maikras bara dus nani sin mâ alkras kabia bamna.

Libait Lâka 26:22

Daiwan wail nani man nani tilamra blikamni, luhpiam nani âpu daukbia, daiwram nani ba pibia, upla maura mai daukbia, yabal nani ba bîla baman kabia.

Libait Lâka 26:29

Bara man nani lika luhpiam waitna bara luhpiam mairin nani ba pima.

Hageo 1:6

Saumuk ailal tasba ra mangkisma, sakuna mâ wiria man dâkisma; plun pisma, sakuna aitani pisma baku damra walras sma; diara laya disma, sakuna diran mai dauki ban sma; kwala dimisma, sakuna kauhla mai dauki ba ban sma; lal mana wark taki uplika ba, ai warkka mana ba lalah watla kalwan ra auhbi baku sa.

Hageo 2:19

Aitani, sakuna naiwa yua wina man nani kaiki bas, plun mâ auhbaika ra kli plun âpu kabia apia. Wain kiwka ba kau ai mâ sakras sa sakuna, kwah damni dusa sin apia; drap tara sin apia, oliv dusa sin kau pawras sa; sakuna naiwa yua wina yamniki man nani wal ban kabia.’ ”

Malaquía 3:10

Man nani diara 10 bani wina kumi, yang duki ba tempel ra lalahki watla ra brih bal, baku yang waitla ra plun ailal bâra kabia. Man nani baku dauki tâinka kaiks, man nani kaikma kasbrika purara windarka nani ba bukutbi, yamnika ailal man sut puramra yakabras kamna sapa.

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Roman 4:16

Baku bamna, pramis ba yan kasak lukan tâka ba mita, bara baku mika Ebraham kiamka nani ba mapa ra baha ba prisant kabia bara diara kasak pali aihwa sin kabia. Baha tânka ba lika, Gâd mita pramis munan ba lâ bîla wali dauki nani ba baman dukia apia sa, sakuna Ebraham baku kasak luki nani ba sut dukiara. Baku mika witin ba lika yawan sut wan aisika takisa.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

Galesha 3:29

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.