Aiseya 65:2 - DAWAN BÎLA AISKA

² Maipara babura uplika nani mawanra, yu aiska yang mihti sakbri, witin nani sika yabal yamni apia bâk impakisa, ai kupia lukanka saura nani ba ninara;

Aiseya 65:2 ပူးပေါင်းရင်းမြစ်များ

Blasi Sturka 6:5

Bara Dawan kaikan upla nani watawika lâka ba tara pali kan tasba ra, upla nani ai kupia lukanka ra diara daukaia luki ba lika, kau saura dauki kaia ba baman luki kan.

Lawana Nani 36:4

Ai krikrika ra aitniki, saura daukaia dukiara luki kaikisa; saurka lâka yabalka ra karna pali alkan ba mita, watawika lâka ba lulki swin daukras sa.

Lawana Nani 36:5

Sakuna, Dawan, man lamtwanka lâka ba, kasbrika pura ba kat uli auya. Man kasak lukankam ba kasbrika purara sangnika ba kat alkisa.

Sins Lâka 1:24

Yang mita mai winri bara sin mai paiwri balma, sakuna man nani, yang ra walan mai daukras kan.

Sins Lâka 16:29

Rausasauhkra ba, ai walka ba ra kunin munisa, bara yabal yamni apia bâk sin brih auya.

Aiseya 1:2

Kasbrika pura bara tasba, man nani aman wali bas, Dawan aisi ba: “Luhpa nani pakri, witin nani sut tara sakri, bara witin nani ba yang maipara buan.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Aiseya 30:1

Dawan kasak aisisa: “¡Alai pali kabia baha luhpa nani maipara babura nani ba diara dukaia kulki bara ai tilara ai briras ba ai warkka daukaia lâka dauki ba yang bui witin nani daukaia wiras sna, warkka nani ba daukisa, bahamna saurka kum purara saurka wala prakisa!

Aiseya 30:9

Kan naha uplika nani na, mapara babura nani sa, kuninkira nani luhpia, witin nani na Dawan lâka ba walaia brin daukras.

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Aiseya 55:8

Kan yang kupi lukanka nani ba, man nani kupiam lukra nani ba baku apia sa; bara yang wark daukisna ba sin man nani warkkam baku apia sa. Baku sin kasbrika purara nani ba, kau purara sa tasba ra ba wal, baku sin yang lukanki bara daukanki sin, man nani puramra sa.” Dawan baku win.

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Aiseya 66:18

Kan yang kaikisna, witin nani ai warkka ba; bara ai kupia lukanka nani ba sin. “Bara baha piua ra, yang balamna upla nani sut, twisa sâtka nani aisi ba, nisan nani ba asla daukaia; witin nani balbia, bara yang praina ba witin nani kaikbia.

Aiseya 66:3

Sakuna upla bâra sa bîp wainhka iki sakripais dauki ba, bara waitna kum iki ba sin; sîp mairin kum nana klaki dakbi ba, yul kum nana dusa kriki ba, plun laya prisantka yabi ba sin, bara kwirku tâlia prisantka yabi ba sin; kîa pain angki sakripaiska dauki ba sin, aidul kum ra mayuni ba sin. Bahara misbara kaikaia pura sunra nani ba witin nani dauki ba, witin nani baha dukia nani sut daukaia ba lihkisa.

Aiseya 66:4

Yang sin brimni, witin ai trabilka wahwi ba, bara bri balamna, witin nani uba sibrin bri ba; kan yang winri bara upla kumi sin ai aisaras kan, aisari bara kumi sin ai walras kan; witin nani daukan dukia ba, yang mita yamni kaikras kapri. Yang kupi baiwi dukia witin nani brin.”

Jirimaya 18:12

Bara witin nani man ra mai wibia: ‘¡Man taimkam bahki tikpara! Yang nani nahki iwaia brin ai dauki ba baku iwaia brin ai daukisa, laila karna kupi lukanka saura ra luki tniwi kaia.’ ”

Jirimaya 3:17

Baha yua ra Jerusalem ba Dawan iwaika tawanka mâkan kabia; nisan nani sut ba bahara aidrubi kabia yang ra tara ai kulkaia, witin nani kau ban ai lukanka kat ai brinka karna nani ba kat luki tniwi kabia apia.

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Jirimaya 5:23

Man nani sika kupiam karna brisma bara maipara babura sma; ai briras ai swi si mahka waram.

Jirimaya 7:24

Sakuna witin nani bîli wali daukras, uni sin kahban daukras witin nani ba kiama karna takan, kupia lukanka ai saura brinka ra baman tniwan, bara baha mita brih wan. Yang ra kli tawi balaia watlika ra tawi ai kaikras mahka wan.

Kulki Kaikanka 15:39

Bara baku man nani prâmka mahta ra pîska praki sipi banhwisma ba ra kupiam krauki kama, baha lâka nani sut maikri ba dukiara, bara man nani baha lâka nani ba kat sin dauki kama. Bara baku mika man nani kupiam brinka ba mita mai raski mai brih wabia apia, kan man nani ba yang maipara kasak kaia katma lâka ba swiram sa.

Matiu 15:19

Kan wan kupia wina aula ba lika naha nani: lukanka saura nani, upla ikaia lâka, marit lâka sauhkaia, tâski lâka nani, implikan lâka nani, kunin lâka nani, upla nina ra kunin aisaia lâka nani sin.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Luk 13:34

“¡Jerusalem, Jerusalem, man mita Gâd prapitka nani ikisma, bara Gâd mita ai bîla twatwilkra nani blikan ba ra walpa ni sabisma! ¡Aima an yang bui man luhpiam nani ba asla brin ai daukan, sim kalila mairin ai luhpia nani ai tnawa mununhtara bri ba baku, sakuna man mita apia wiram!

Roman 10:21

Sakuna Israel luhpia nani dukiara Aiseya naku wisa: “Yu aiska mihti nani ba sakbri, kiama karna bara bîla kat sin wali daukras uplika nani ra.”

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

Kli Smalkanka 29:19

“Bara naha swer taki aisin bîla na walan ba ningkara, man nani tilamra lukisa witin ba uba yamni sa, bara lukbia: ‘Diara sut yang ra pain takbia, yang dîa brin ai dauki ba kat luki daukamna ba.’ Bara diara saura taki aisawbia ba, baha uplika ba tâka kabia.

Kli Smalkanka 31:27

Kan yang lika man nani kiamam karnika bara kupiam karnika ba sin kaikisni; naiwa bâra ban man nani tilamra raya sni, bara Dawan mapara buram, ¿nahki banhwi kama yang pruamna ningkara?

Kli Smalkanka 9:7

“Âmya tiwbiara man nani upla iwras tasbaya ra, nahki Dawan kupia sauhkram ba. Idsip wina taki naha pliska kat balram ba, man nani lika kiamam karna kapram.