Aiseya 64:8 - DAWAN BÎLA AISKA

⁸ Ban sakuna, Dawan, man sika yawan wan Aisika; yang nani na slaubla ba bara man sika wan paski wan daukram ba; ¡baku bamna yang nani sut na, man mihtam warkka nani sna!

Aiseya 64:8 ပူးပေါင်းရင်းမြစ်များ

Job 10:3

Man mita sika baku ai paskram ba, ¿bara baku aitani lukisma ki, swiri dauki baku ban ai sauhkaia bahki ai kulkaia, bara man mita upla saura nani, diara saura daukaia ai lukanka ra paski ba tâ baikram?

Lawana Nani 100:3

Kakaira taks man nani, Dawan ba sika Gâd; witin sika wan paskan bara yang nani witin dukia sna. Yang nani, witin ai uplika sna bara sîp daknika nani sin.

Lawana Nani 119:73

Mihtam ni ai daukram bara sin ai paskram; sins lâka aik, bara man lâmka bîla nani lan takamni.

Lawana Nani 138:8

¡Dawan bui liliakira tnata kat brih wabia, witin ai warkka nani yang hilpki ra dauki ba mita! Dawan, man lamtwanka lâka ba ban kaia ra ban sa; ¡man mihtam daukanka nani ba ban swipara!

Lawana Nani 74:1

Dawan, ¿man dîa kan wan lulki wan swiram ban kaia ra? ¿Dîa kan lawankam tara wan purara blikram, sîpkam dakni nani tilara?

Lawana Nani 95:6

Man nani bal, wan lula ra bawi witin ra mayunpi; Dawan mawanra wan lula krikpi, kan witin wan paskan bamna.

Impakan Sturka 32:12

¿Nahki ban swirka Idsip uplika nani ba aisi wibia: ‘Lukan saura wal Dawan baha uplika nani ba sakan, baha nani ba sut il ra bri si iki tikaia, naha tasba mawan wina diki âpu daukaia?’ Bara kupiam baiwanka ba swis, uplikam nani ra saura munaisma ba takasks.

Impakan Sturka 4:22

Bamna man king fero ra naku wima: ‘Dawan naku wisa: Israel ba sika yang luhpi taiwahkia ba.

Aiseya 19:25

Dawan, karnika sut bri ba witin nani ra ai yamnika yabia wibia: “Idsip ra wibia, yang upliki nani, Asiria ra, man ba yang mihti warkka nani daukri ba, bara Israel ra, man lika yang duki, man nani ra yamni mai munisna.”

Aiseya 29:16

¡Diara daukaia nani ba sut makupisa! Slaubla ni diara papaskra uplika ba baha slaublika wal baku kan sât. Dukia kum ba mita, ai papaskra ra sip wibia apia: “Man bui yang ai paskras”, lî watla kum ba mita sin ai papaskra ra wibia ki: “Man dîa daukisma ba tânka briras sma”.

Aiseya 43:25

“Sakuna yang, man nani Dawankam sna bamna, saura daukram ba diki sakisna bara kli sin man saurkam nani ba dukiara kupi kraukamna apia.

Aiseya 43:7

yang nini bri nani ba sut, witin nani ra yang bui paskri bara daukri ba, yang bui witin nani paskri ba maiyunra ba daukaia.’

Aiseya 44:21

“Naha diara nani dukiara kupiam krauks, Israel man, Jekob tawanka, kan man ba, yang duki dadaukra sma; yang mai daukri, man ba yang duki dadaukra sma; Israel, yang ra âmya ai tikpara.

Aiseya 44:24

Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Aiseya 45:11

Dawan, Israel Gâdka Holikira ba, witin paskan ba aisisa: “¿Man nani bui yang ra makabi walaia sma ki luhpi nani ba dukiara, apia kaka man nani mita ai wiaia sma yang warkki nani ba nahki daukaia dukiara sin? ¿Bara yang mihti warkka nani daukaia dukiara sin?

Aiseya 45:9

Slaubla sumika, sin sumi wala nani ba wal baku sa, ya mita paskan ba mapara slaubla ba sip aisaras: “¿Man dîa daukisma?” Witin mita paskan ba sin sip wiras: “¿Man wark takaia lan âpu?”

Aiseya 57:16

Upliki nani wal yang ban blahwi dahra aisi kamna apia, piu sut sin kupi baiki ban kamna apia; kan yang maiwanra spiritka nani sut ba dringwaia daukamna, bara lukanka sut swapni takbia.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Aiseya 63:8

Witin win: “Witin nani ba yang upliki sa, baha luhpia nani ba waihli mihta ra mangkaia apia kaia sa.” Bara witin swaki sakan,

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Malaquía 2:10

¿Yawan sut Aisa kumi baman brisa, ban apia? ¿Yawan sut Gâd kumi mita wan paskan, ban apia? ¿Bamna dîa kan yawan pana pana kunin muni wan damika nani, Gâd wal lâ daukan lâka ba krikisa?

Jan 8:41

Man nani daukisma dîa aisikam daukan ba. Baha nani pana win: —¡Yang nani lika bastar apia; Aisa kumi baman brisna, baha ba Gâd!

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Galesha 3:29

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

Kli Smalkanka 32:6

¿baku Dawan ra aibapaia sma ki? Tawan saura kum sins lâka âpu sma ba, ¿witin ba man aisikam apia, man mai papaskra sin? ¡Witin mai paski rayakam maikan!

Kli Smalkanka 9:29

Witin nani ba uplikam sa, man dukiam sa, man Idsip wina mihtam karnika ni sakram nani ba.’