Aiseya 63:9 - DAWAN BÎLA AISKA

⁹ ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Aiseya 63:9 ပူးပေါင်းရင်းမြစ်များ

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

Job 37:23

Sip tânka briras wan munisa, Gâd karnika sut bri ba dukiara, kan witin ba karnikira, kasakkira tara pali sa, witin ba wapni sa, upla kumi ra sin taibras sa.

Lawana Nani 25:22

¡Gâdki, man bui Israel ai trabilka sut wina swaki sâks!

Lawana Nani 78:38

Sakuna Gâd ai kupia swapni bri kan, watawi daukan saurka ba ban swih tikan bara sauhki tikras kata; aima ailal ai kupia sauhkanka ba kli swin, bara ai lawanka tara ba mita yaban bri waras kata.

Impakan Sturka 14:19

Baha pali piua kat, Gâd insalka bara kasbrika playka Israel luhpia nani tâura impaki kata ba, ai watlika ba wina kitwi taki, witin nani nina tani ra tawi aimakan.

Impakan Sturka 15:13

Naha uplika nani swaki sakram na, man lamtwanka lâka ni tapahkisma. Karnikam ni tâ bri auma iwaikam watla holikira ba ra waia.

Impakan Sturka 19:4

‘Yang bui Idsip uplika nani ra dîa daukri ba, man nani pat kaikram bara nahki man nani sin yang nâra sna na kat mai bri balri na, yakal tara kum tnawa ra mai mangki baku mai bri balri.

Impakan Sturka 33:14

Dawan pana witin ra win: —Man wal yang wamna ba ra, maikrika ris brima.

Impakan Sturka 33:15

Sakuna Moses mita pana win: —Man pali ba yang nani wal waras sma kaka, naha wina wan sâkpara.

Aiseya 43:1

Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.

Aiseya 43:4

Kan man ba yang naikra ra pain mai kaikisna, man ba mana tara sma bara latwan mai kaikisna. Yang bui man mai briaia bara rayakam ba sin, swaki sakaia tâwan upla nani nisan nani ba sin waihla ra yabisna.

Aiseya 48:20

Babilon wina man nani bal taks, Caldea uplika nani tila wina plaps, liliakira wal naha sturka nani wis upla sut ra, bara brih was tasba tâ wala pali kat. Wis: “Dawan ba pri sakan ai dukia dadaukra Jekob ra.”

Aiseya 51:10

¿Man apia ki, kabu ba lâkatma ba, tihuka tara laya nani bri kan, tihuka tara pali nani bâk yabal daukram, atki sakan nani lui waia dukiara?

Aiseya 52:9

¡Jerusalem, liliam mita mayunra tara ba aiwans, Jerusalem slingwanka nani Dawan lika ai uplika nani ba umpira kaiki bamna, Jerusalem ba atki sakan bamna!

Daniel 6:22

Yang Gâdki bui ai insalka blikan, bara layan nani bîla ba prakan yang ra dîa kra ai munbia sîa, kan Gâd kaikisa yang na pâtkas sna, bara sin, king, man mampara sin saura kumi sin daukras sna.

Oseas 1:7

Ban sakuna, Juda kingka lâka ba lika umpira kaiki, yang ai Dawanka aimaki, witin nani ba swaki sakamna. Sakuna pantamangka, sord, aras nani, aras âiulra nani brih war aiklabi ni lika apia.”

Joel 2:18

Baha daukan ba kat, Dawan ai tasbaya dukiara latwan kaiki ba marikan; ai uplika nani dukiara ai kupia swapni taki ba tânka sin marikan,

Sakaraya 2:8

Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.

Malaquía 3:1

Dawan karnika sut bri ba, naku aisisa: “Yang blikaisna bîli twatwilkra ba yabalki ba mahka daukaia. Man nani plikisma Dawankam ba, witin pat pali bal ai tempelka ra dimbia. ¡Man nani wal lâ daukaia bîla twatwilkra bîla kaikisma ba pat aula!”

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Matiu 25:45

Bara King ba mita pana wibia: ‘Kasak pali man nani ra mai wisna, dîa dîa naha uplika nani bawikira kumi ra daukras kapram kaka, yang dukiara sika man nani daukras.’

Luk 15:5

Witin sakan ba ra, liliakira ai pahpaya ra sunisa,

Apastil Nani Sturka 12:11

Pita baha kat ai dara walan, bara win: “Nanara daira walisna baha ba kasak pali sa, Dawan mita ai insalka blikan, Herod mihta wina swaki ai sakaia, bara Ju nani dîa ai munaia luki kan ba wina sin.”

Apastil Nani Sturka 7:38

Moses kata sika upla iwras tasbaya ra upla nani tilara kan ba; bara Sainai ilka ra baha insalka witin ra aisin ba, wan damika nani ba wal sin bâra kan. Witin sika raya kaia bîla nani ba brin yawan ra wankaia dukiara.

Apastil Nani Sturka 9:4

Bamna Saulo tasba kat kauhan, bara bîla baikra kumi walan witin ra naku aisi kan: “Saulo, Saulo, ¿dîa kan man rau ai sauhkisma ki?”

1 Korint 10:9

Yawan sin Kraist ra traika kaikaia apia sa, wan damika tila nani daukan ba baku, baha nani ra piuta mita sami iki âpu daukan.

Kli Smalkanka 1:31

bara upla iwras tasbaya ra sin daukan ba. Dawan Gâd ai klahkla ra mai alki mai bri taukan yabalkam aiska ra, naha tasbaya ra balram ba kat, aisa kumi ai luhpia ai klahkla ra alki buki bri ba baku.’

Kli Smalkanka 4:37

Witin bui man nani damikam nani ra latwan kaiki witin nani kiamka ra bâk sakan bara Idsip wina ai karnika tara ni pri sakan.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 2:18

Bara witin pali pât wahwan bara traika kaikan kan ba baku, nanara witin mita sip sa traika kaikan uplika nani ra ban hilp munaia.

Hibru Nani 4:15

Bamna wan prîska tara ba mita yawan wan swapnika nani bri ba dukiara umpira wan kaikaia sip sa, kan witin pali sin yawan baku traika kaikanka sât sât brin, sakuna saurka lika daukras kan.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.