Aiseya 63:3 - DAWAN BÎLA AISKA

³ —Âu, yang yakan wain taibaia watla ra wain taibri, upla kumi sin hilp ai munras; bara witin nani ba yang lawanki tara ni mini ra taibri; ba mita sika ai tâlia ba yang kwailka nani ra srikwi alkan, bara kwailka nani sut tâski takan.

Aiseya 63:3 ပူးပေါင်းရင်းမြစ်များ

Blasi Sturka 49:11

Witin ulaia daiwra lupia ba wain kiwka nani ra wilki swisa, witin ai prâka nani ba sin, wain laya ra tuskisa, wain laya pali ba ni.

2 King Nani 9:33

Bara Jehú adar yan: —¡Mairka ba tasba ra bataks! Bara witin nani bui witin ba tasba ra batakan, bara tâlia ba srikwi utla kutbanka ra alkan, aras nani ba sin, bara baha nani ba ni Jezabel purak taibi luan.

Job 40:12

Âu, namkra ni slingbi bataks, saurakira nani ba, ani anira kaikma ba ra âpu taibi dauks.

Lawana Nani 60:12

Yang nani Gâd hilpka ba wal lika, sip kabia diara tara nani daukaia; ¡witin bui sin wan waihla nani ba âpu sauhki tikbia!

Aiseya 22:5

Kan Dawan karnika sut bri ba pat aisin kan, yu kum upla ra sirangki tara ikaia yua ba balbia, slingbaia bara munka plapaia lilika kaiki ba ilka langnika ra. Tawan kutbanka ba witin nani krikisa; upla nani kisbi ba il nani tila kat walisa.

Aiseya 25:10

Dawan mita Saion ilka ba kaina kahbi kabia, sakuna Moab lika ai mina ra taiban kabia, dipasta lulkan wan mina ra taiban ba baku.

Aiseya 28:3

Bara ai mina ra taibia, praut lâka nani ra bara kraun ra, baha Efraín tawanka dadira nani ba.

Aiseya 59:17

Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Aiseya 63:6

Bara yang kupi baiwanka ni upla nani ba mini ra taibri, witin nani ba yang lawanki ni sauhki tikri, bara ai tâlia ba tasba ra laikri, yabal ra sin yâri laiwi kan.

Inanka Nani 1:15

Waitna karnakira nani tâiwan aiklabaia bri kapri ba sut, Dawan mita munan, yang wina laihura plapi banhwan. Witin aiklaklabra daknika kum asla dauki, yang maipara aiklabaia blikan, upliki karnakira nani brisna ba sut âpu daukaia mata. ¡Dawan bui Juda sunukira kan taibi tanhta daukan, wain mâ nani ra taibi âpu laya saki baku!

Joel 3:13

Witin nani ba watawikira pali aihwa sa bamna, plawar mâ pihwan klaki baku, witin nani ba klaks. Kan dâkaia piua ba pat aimakan sa, witin nani ba minam ra tais wain mâ ra taibi ba baku; kan pat ridi pali sa wain laya ba paskaia.

Miqueas 7:10

Yang waihli baha ba kaikbia bara ai swira lukbia; witin bui yang ra ai wi kata ba: “¿Dawan Gâdkam ba anira sa?” Sakuna yang naikra ni witin nani ba kaikamna, nahki yabal ra, slaubla wan mina ni taibi ba baku taiban kabia ba ra.

Sakaraya 10:5

Suldiar baku kabia, kan war aiklabi taim slaubla ai mina ra taibi ba baku witin nani ai waihla nani ra taibia; aiklabi banhwi kabia, kan Dawan ba witin nani wal sa bamna. Bara aras ra uli aiklabi nani ba swira daukbia.

Malaquía 4:3

Baha piua ra yang ridi daukisna ba ra, man nani mita watawikira nani ba, tasba yuya baku minam ra taima.