Aiseya 63:18 - DAWAN BÎLA AISKA

¹⁸ ¡Man uplikam holikira nani ba, piua prahni baman ai kuntrika dawanka takan! Yawan wan waihla nani ba tempelkam ba ai mina ra taiban.

Aiseya 63:18 ပူးပေါင်းရင်းမြစ်များ

Lawana Nani 79:1

¡Man Gâd, diara nani bri katma sut idan nani dakbi brin! Tempelkam holi ba tâski dauki banhwan bara Jerusalem sut sauhki tikan.

Aiseya 62:12

Israel luhpia nani ra nina “Upla holikira nani” mâkbia, “Dawan mita pri sakan nani ba”, bara Jerusalem ra mai wibia, “Brin dauki tawanka ba”, “Lulki swiras tawanka ba”.

Aiseya 63:19

Yang nani na, man mita wan tâ briras baku banhwisna, ninam ba, yang nani aima kumi sin briras kan baku banhwisna.

Aiseya 64:10

Man tawankam holikira nani ba, upla iwras tasbaya daukan sa, Jerusalem ba sauhkan bîla baman swin sa.

Aiseya 64:9

Dawan, ban pali karna kupiam baiki kapara, yang nani upla ikri nani ba sin piu bani ra kupiam yarka krawbiara. ¡Kaiks yang nani uplikam sna!

Jirimaya 12:10

Waihla nani ailal wihtka nani ba mita wainki awa nani ba sauhkan, naisla ba ai mina ni uli taiban. Yang want pali kapri tasbaya ba witin nani mita upla iwras tasbaya dauki bîla man swin.

Inanka Nani 1:10

Waihla nani dawanka takan sa Jerusalem yuyaka bara prana nani kata ba sin. Upla nani ba kaikan idan uplika nani, Dawan wal prawaia watla holikira ra ai karnika wal diman ba, ¡Dawan, man baha nani uplika ra adar yabatma man wal asla prawaia pliska ra dimbia apia, baha uplika nani sika diman ba!

Inanka Nani 4:1

¡Gul ba nahki muni mapla tiwan! ¡Gul ingnika lipni ba nahki muni tikan! ¡Tempel walpaya nani ba yabal un nani ra yakaban sa!

Daniel 8:13

“Baha ningkara walri insal kum aisi kan, bara insal wala kan ba ra makabi walan: ‘¿Ahkia kat tnata alkan kabia ki, naha yu bani sakripais daukaia altar ra daukri ba, yawan kaiki na? ¿Naha saurka na ahkia kat kabia, Gâd wal aisaia watla bara kristian nani sin mihta ra mangkan ai mina ni taibi ba?’

Daniel 8:24

Karnakira pali takbia, sakuna witin pali ai karnika ni lika apia, uya pali sauhki tikan kabia, bara diara sut daukbia ba yamni takbia. Waitna karnakira nani ba âpu daukbia, baku sin Gâd uplika nani ailal ra.

Libait Lâka 26:31

tawankam ba slingbi swimna, aidulka tempelka nani ba yuyaka baman, kîa pain nani bri balma ba kiawalamna apia.

Emus 7:9

Dawan ra mayunaia watla Aisak dukia nani ba sut slingban kabia, bara Israel tempelka nani ba sin sauhki tikan kabia. ¡Jeroboam taika nani mapara war aiklabaia sordka ba bukamna!

Matiu 24:2

Sakuna Jisas witin nani ra win: —¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Kli Smalkanka 26:19

Witin mita man wina nisan kum purara mai daukbia, mamyunra sin brima. Nisan wala nani purara sturkam ba tara kabia bara kulkanka sin maikbia, bara witin mai win ba baku kama, tawan kum yamni munan Dawan Gâdkam dukiara.”

Kli Smalkanka 7:6

Man nani ba tawan kum aihka mai sakan sa, Dawan Gâd dukiara. Tawan nani tasba ra ba wina Dawan bui bâk mai sakan, man nani ba tawan kum bâk sakan kaia.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

Param Marikanka 11:2

Sakuna tempel kutbanka painkira latka ba tani lika kulkpara, kan baha ba upla tringsar nani mihta ra mangkan sa, bara witin nani tawan holikira ai mina ni taibi bribia kati 42 prais.