Aiseya 63:17 - DAWAN BÎLA AISKA

¹⁷ ¿Dîa muni, Dawan, man yabalkam nani wina yang nani maiwahki kaia ai daukram, kupi nani karna daukram yang nani na mai kulkaia apia? Man albikam nani ra latwan sma ba luki lukanki na kli laks, baha kiamka nani uplikam nani ba ra luki.

Aiseya 63:17 ပူးပေါင်းရင်းမြစ်များ

Lawana Nani 119:10

Yang kupi aiska ni mai plikri; aikrika lâmka bîla nani ba wina tnaya ra tawamnara.

Lawana Nani 119:36

Kupi ba yas tiwbia bîlam aisinka nani ra, brinka karna lâka ra lika, apia.

Lawana Nani 141:4

Kupi ba lukan lâka saura wina dakbi sâks; daukanka saura nani, lâ watawikira aikrika daukamna apia, bahki lâka dauki waitnika nani wal aikuki, bara baha saura dadaukra nani, pata tara dauki aikuki sin apia.

Lawana Nani 80:14

Gâd karnika sut bri ba, kli tawi bal, pliskam; kasbrika purara ba wina wan kaiks, bara naha wainka kiwka dukiara, man nani luki kaiks,

Lawana Nani 90:13

¡Dawan, yang nani ra kli tawi bal! ¿Nahki kau piua wihka tiwaisma? ¡Naha nampakan nani ra kupiam swapni ni kaiks!

Impakan Sturka 11:10

Bamna Moses bara Eran wal naha warkka aihkakira nani sut pali king fero mawanra daukan, sakuna Dawan aisin ba baku, witin bui Israel luhpia nani ba swin taki waras kan Idsip wina.

Impakan Sturka 4:21

Baha ningkara, Dawan bui Moses ra win: —Man Idsip ra wama ba ra, kasak damra wals, king fero mawanra wark aihkakira nani daukaia karnika maikri ba sut pali daukaia. Yang tani lika, yang munamna king fero kupia ba kau karna taki kaia, bara Israel luhpia nani ba swika taki wabia apia.

Aiseya 19:25

Dawan, karnika sut bri ba witin nani ra ai yamnika yabia wibia: “Idsip ra wibia, yang upliki nani, Asiria ra, man ba yang mihti warkka nani daukri ba, bara Israel ra, man lika yang duki, man nani ra yamni mai munisna.”

Aiseya 29:13

Dawan bui ai win: “Dîa muni naha uplika nani ai aisinka ni baman laimara balisa, ai un nani ni, yamni kulkan lâka aikisa, sakuna witin nani ai kupia ba yang wina laihura sa, mayunra dauki ba waitna nani ai lâka kum kulkaia smalki yan ba kulki ba baku daukisa, ai sinska kat lan taki muni.

Aiseya 29:14

Baha ba mita, kaiks naha uplika nani kli munrika sirang iwi mita taki wabia, kli diara aihka tara dauki sirang ikamni, baha sinskirka nani sinska lâka ba lap tiwbia, bara diara tânka kaikaia sinska lâka bri ba âpu takbia.”

Aiseya 30:28

ai wingka puhbra ba, lî kârma lisamra tara dingki ba baku sa; wan nana kat wan rungki ba; witin aula nisan nani purara wirhika kahbaia, sauhki tikaia ra dukiara sin, un mangkaika un ra mangki yabal wala ra brih waia.

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Inanka Nani 3:9

wapi luaiki ba walpa tara ni kutbi prakan, ¡yabalki nani ba tnaya walak waia lakan!

Isikiel 20:26

Sans yabri tâski takaia, prisantka aidul nani ra yabi, bara pauta ra ai luhpia tawahkia sakripais dauki. Naha daukri sibrin daukbia wisi, bara baku ai tânka bribia yang sika Dawan sna ba.’

Sakaraya 1:12

Bamna Dawan insalka naku win: “Dawan, man karnika sut alki brisma ba, pat mani 70 Jerusalem bara Juda tawanka nani mapara kupiam baiwanka brisma. ¿Ahkia kat man bui kli witin nani ra umpira kaikma ki?”

Kulki Kaikanka 10:36

Sakuna lâ watla ba takaskuya ba ra, naku aisin: “¡Dawanki, nanara kli taws, Israel aiklaklabra daknika ailal nani ba tilara!”

Jan 12:40

“Gâd mita baha uplika nani ba nakras bara kupia karna daukan, ai nakra nani ni kaikbiara sîa, bara ai sinska ni tânka bribiara, bara witin nani tawi yang ra balka rakamnara sîa.”

Kli Smalkanka 2:30

“Sakuna king Sihón ba baku brin daukras sa yawan ai tasbaya lila bâk lui wabia, Dawan, man nani Gâdkam mita, witin ba apia mai wiaia, lal karna daukan, man nani mihtam ra mangkaia, naiwa yua param taki ba.

Jasua 11:20

kan Dawan mita ai waihla nani ba kupia karna daukan, Israel luhpia nani mapara buaia, baku ba ra, Israel luhpia nani mita sut sauhki tikaia, umpira kaikan luha, Moses ra Dawan mita adar yabata ba baku.