Aiseya 62:2 - DAWAN BÎLA AISKA

² Nisan nani ba kaikbia man swak takan lâka sma ba, king nani ba sin sut man pramna ba kaikbia. Bara man ninam raya kum, Dawan wina mâki maikbia.

Aiseya 62:2 ပူးပေါင်းရင်းမြစ်များ

Blasi Sturka 17:15

Bara Gâd kau ban aisi, Ebraham ra win: —Man mayam Sarai nina ba sin kau ban Sarai mâki kabia apia, sakuna nanara wina ai nina ba Sara mâki kabia.

Blasi Sturka 17:5

bamna nanara ninam ba ban Ebram mâki kabia apia, sakuna nanara wina man ninam ba Ebraham mâkan kabia. Kan nanara yang bui man ba nisan nani ailal pali aisika mai daukamni.

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Lawana Nani 98:2

Dawan, witin pura luan, ba upla ra maisa pakan sa; ai kasakka lâka ba sin marikan sa nisan nani nakra kat;

Aiseya 1:26

Yang daukamna man nani blasi wihta nani bri katma ba kli brima, lâ mai smalki nani kata ba sin. Yang baha sut daukamna ba ningkara, ninam ba kli mâkamna ‘Tawan kasakkira’, ‘Kasakka lâka tawanka’.

Aiseya 26:2

Man nani dur ba kwâks, upla kasakkira nani ba dimbia, kasakka lâka ra iwi nani ba.

Aiseya 43:7

yang nini bri nani ba sut, witin nani ra yang bui paskri bara daukri ba, yang bui witin nani paskri ba maiyunra ba daukaia.’

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 52:10

Dawan ai karnika ba param ra sakan, nisan nani sut nakra ra. Bara tasba aiska ra sin yawan wan Gâdka swaki wan sakanka lâka ba kaikbia.

Aiseya 56:5

witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Aiseya 60:11

Durkam nani ba piu bani param ban kabia; kakna ra, tihmia ra sin prakan kabia apia, baha ba man ra nisan nani dukia kukanka nani ba bri balan kaia dukiara, bara kingka nani ba, ai uplika nani sin man ra bri balbia.

Aiseya 60:16

Plun kau pain ba nisan nani wina man ra maikbia, king nani ba diara kukan manis man ra brih balbia; bara man ai kakaira takma Dawan ba, yang, yang na man mai swaki mai sasakra.

Aiseya 61:11

Âu, tasba wina inma nani urhwi taki pâwi ba baku, giadin ba sin, mâ nani yan urhwi taki ba baku, Dawan ba sin baku daukbia kasak lâka ba, mayunra lâka ba sin yaka urhwi takbia nisan nani sut mawanra, bara lawana kum aiwanbia.

Aiseya 61:9

Man nani masrakam ba, nisan nani tilara tara kulkanka bri kabia; upla sut kaikbia ba ra, pat tânka kaikbia baha uplika nani ba, Dawan mita yamni pali munan sa.

Aiseya 62:12

Israel luhpia nani ra nina “Upla holikira nani” mâkbia, “Dawan mita pri sakan nani ba”, bara Jerusalem ra mai wibia, “Brin dauki tawanka ba”, “Lulki swiras tawanka ba”.

Aiseya 62:4

Witin nani kli wibia apia man ba mai “Lulki Mai Swin Sa”, tasbayam ra sin kli wibia apia: “Sauhkan Sa”, Sakuna man ninam ba “Yang laikki”, bara tasbayam ba nina “Yang Mayi Mairin”. Kan man ra sika Dawan laikka ba, bara witin ba man tasbayam ra maya waitna kum baku kabia.

Aiseya 65:15

Bara man nani ninam ba mâki, yang upliki nani ba upla wala nani ra lahtubi kabia, bara Dawan mita ai dukia dadaukra nani ra nina wala ni mâki kabia.

Aiseya 66:11

bara witin, yapti baku, ai lama bilara, maisa nihkra tialka laya bri ba wina laya dih, man nani âmyapah takma ba kat.

Aiseya 66:12

Kan yang Dawan sna ba, naku wisni: Yang bui witin ai purara kupia kumi lâka durka ba sakamna, awala kum baku, bara nisan nani dukia kukan ba, lî kârma nani iswi taki ba baku takbia. Bara man nani baha tialka laya ba dima, witin ai klahkla nani ra mai twilkbia, ai kuhma purara sin mai klâkan kabia.

Aiseya 66:19

Bara witin nani ai tilara sain kum mangkamni: witin nani ai tila wina, tila nani ba plapi swak takan kabia, bara baha nani ba nisan wala nani ra blikamni, Tarsis ra, Libia ra, Lidia ra, witin nani trisba lulki ba kuntrika ra, Tubal ra bara Grik tasbaya ra sin. Kabu un ra laihura iwi nani, yang sturki kau walras nani ra, yang praina ba sin kaikras nani ba baha nani nisanka nani tilara, yang praina ba dahra witin nani aisabia.

Jirimaya 33:16

Baha piua ra Juda bara Jerusalem sin pât nani âpu pri sakan iwi kabia. Nina ba sin naku mâki kabia: ‘Yawan pura lui ba Dawan hilpka mita sika.’

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Miqueas 5:8

Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

Apastil Nani Sturka 11:26

Witin nani bahara serts uplika nani ba wal takaskan mani kum, ban upla nani ra sin smalki kan. Bamna Antíoco ra sika pas lalukra nani nina kristian nani mâkan ba.

Apastil Nani Sturka 26:23

Baha tânka ba lika: Misaya ba pât wahwaia kan, bara sin prubia ningkara, witin sika pruan nani wina pas upla buan kabia ba, bara swaki sakan sturka yamni ingnika ba Ju nani ra smalkbia, bara Ju apia nani ra sin.”

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Param Marikanka 2:17

¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ yukukan ba wina yang mita yârika pibia; bara walpa pihni kum yabamna, bara baha walpaya ra nina raya kum ulban sa baha ba upla kumi sin kakaira apia, uplika brisa ba baman.’

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.