Aiseya 61:8 - DAWAN BÎLA AISKA

⁸ Kan Dawan ba wapni lâka ra latwan kaikisa, bara impliki upla iki ba misbara kaikisa. Witin mita baha nani ra kasak lâka ra mana yabia bara witin nani wal lâ kum daukbia ban kaia ra.

Aiseya 61:8 ပူးပေါင်းရင်းမြစ်များ

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

2 Samuil 23:5

Baha mita yang kiamki ba kitras Gâd wal bâra sa, witin ba yang wal lâ kum ban kaia lâka ba daukan sa, lâka aiska daukaia pat ulban sa, sip luras. Pura luaia lâka aiska ba witin bui yang ra aikisa bara yang brinki ba sin sut aikisa.

Lawana Nani 105:10

Bara Jekob ra lâ mangki yan ba, baha ba Israel ra ban kaia lâka mangki yan sa,

Lawana Nani 11:7

Dawan ba kasakkira sa, witin kasakka lâka ba latwan sa; baha mita wapni nani ba ai mawan kaikbia.

Lawana Nani 32:8

Dawan ba naku aisisa: “Man kat yang mai kaikisni. Yang mai smalki mai wimna, yabal ba mamrikamna man anik waia sma ba.

Lawana Nani 33:5

Witin kasakka lâka bara wapni lâka ba, witin latwan kaikisa; ¡ai latwanka lâka ba ni tasba na banhkisa!

Lawana Nani 37:28

Dawan kasakka lâka ba latwan kaikisa, ai uplika kasak nani ba sin lulki swiras; sakuna watawikira nani ba sauhki tikisa, bara ai masraka nani sin sut âpu daukisa.

Lawana Nani 45:7

Man ba diara yamni nani ba lihkisma, bara diara saura nani ba lika misbara kaikisma. Baha mita sika, Dawan bâk mai saki mai brin, man Dawankam ba mita bara lilia ni mai banhkan sa, uplikam wala nani ba wal.

Lawana Nani 50:5

“Baha nani, yang ra kasak ba asla dauks, baha nani yang wal lâ kum daukan ba, yang ra sakripais dauki aiki ba wal sin.”

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Lawana Nani 99:4

Man ba king kum karnakira sma, man sin kasakka lâka ra latwan kaikisma man bui bapram, wal baku kaia lâka ba; Jekob luhpia nani ra, kasakka lâka ba bara wapni kaia lâka ba sin.

Sins Lâka 3:6

Diara daukisma nani sut ra, Dawan ba tâmra bri bas, bara witin mai brih wabia yabal wapni bâk.

Sins Lâka 8:20

Yang yabal wapni bâk auna kasak lâka yabalka bâk.

Aiseya 28:17

Baha watla mâkaia lâka ba ni kulki kaikaia kiwka daukamni, watla mâkaia ba wapni mâkaia sakaia dukiara.” Kunin aisaia lâka ra, man nani yukuwaika wantka briram ba baha slingbamni, lî klaswan awi ba bara lî aubra mita yukuwaika watla ba aubi brih wabia.

Aiseya 30:18

Sakuna Dawan lika man nani bîlam kaikisa, man nani dukiamra ai kupia swapni brisa; witin bîlam kaiki latwan mai kaiki ba mamrikisa, kan Dawan Gâd ba kasakkira sa. ¡Lilia pali sa baha nani witin kat ai lukanka mangki bri ba!

Aiseya 5:16

Karnika sut bri Dawanka ba, lâ dauki bara ai karnika tara ba tânka marikbia; Gâd holikira ba, witin kasak kat lâ dauki ai holika ba marikbia.

Aiseya 54:10

Ban kra il nani ba, ai pliska wala ra tawbia kra bara kiuhsi nani ba tasba ra kauhbia kra, yang latwanki ba lika man dukiamra aihka lakamna apia, baku sin tasba ra kauhbia apia sa, yang lâ daukri kupia kumi lâka ba.” Dawan umpira mai kaiki ba baku wisa.

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Aiseya 56:1

Dawan naku win sa: “Wapni lâka ba alki dauks, bara man nani kasakka lâka ba dauks, kan swaki mai sakaia lâka ba pat lamamra aula sa, yang kasakki lâka sin param mamrikaia.

Aiseya 66:22

Baku sin Dawan kasak aisin: Kasbrika purara raya bara tasba raya ba baku yang paskaisna baha nani bâra ban kabia, baku sin man nani kiamkam nani ba bâra ban kabia, bara ninam ba sin.

Jirimaya 32:40

Witin nani wal upliki ban kaia lâka kum daukamna: yang bui witin nani ra yamni munisna ba takaskras ban dauki kaia pramiska daukamni; yang ra yamni ai kulki ban kaia kli ai swi waia apia brinka ni banhkamni.

Jirimaya 9:24

Upla kum aimayunaia brin daukisa kaka, yang ai kakaira taki bara witin aimayunbia, witin tânka bribia yang sika Dawan sna ba, yang latwan kaiki tasba ra diara daukisna, kasakka lâka, wapni kaka ni, yang baha daukaia sika yamni kaikisna. Yang, Dawan, kasak aisisna.”

Isikiel 16:60

Kuna yang lika kupi kraukamna, man wal lâ daukri ba, tiara katma piua ra; bara lâ raya ban kaia daukamni man wal.

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Malaquía 1:13

Man nani aisisma: ‘¡Naha warkka daukan man swapri!’ Baku bahki ai kulkisma. Ba sut dauki man nani ban lukisma, yang lilia kamna daiwan kum impliki, apia kra bîp skahwa, apia kaka siknis ba yang ra aikaia.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

2 Tesalonaika 3:5

Dawan mita tâm baikbia latwan kaikaia, Gâd latwan kaiki baku, bara Kraist bapi buanka lâka bri kaia pât wahwanka ra.