Aiseya 61:10 - DAWAN BÎLA AISKA

¹⁰ ¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 61:10 ပူးပေါင်းရင်းမြစ်များ

Blasi Sturka 24:53

Baha ningkara alba ba gul, silbar dukia nani, prâk nani sin saki Rebeca ra yaban. Baku sin lakrika ra bara yaptika ra sin prisantka nani yaban.

2 Kronikas 6:41

“Bus, Dawan Gâd, lâmka auhbaia watla karnakira ba alki, bara anira man ris briaia pliska ba kaiks. Man, Dawan Gâd, man prîskam nani ba swaki sakan prâka dimi kabia, uplikam holikira nani ba lilia kabia kupiam yamnika ra.

Nihimaya 8:10

Ba purkara Esdras naku win: “Man nani was, plun aihwa pis, wain damni sin dis, bara ani uplika plun ridi daukan âpu sa kaka, man nani plun piaia brisma ba wina yas, kan wan Dawanka ra yaia yua bâk sakan bamna. Man nani sari kapara, liliam bas, Dawan liliaka ba wan karnika bamna.”

Job 29:14

Kasakka lâka bara wapni lâka ba yang wîni pîska kum kata, baha nani ba yang prâika kan bara yu bani dimi kapri.

Lawana Nani 132:16

Witin ai prîska nani ra swaki sakan lâka kwalka dingkamni; bara baha uplika kasak nani ba, yarka lilia ni wini kabia.

Lawana Nani 132:9

Prîskam nani ba swaki sakan kwalka ni dingkan kabia; uplikam aihwa nani ba ai lilia wini kabia.

Lawana Nani 28:7

Dawan sika yang karniki, yang kaini kahbaika sin; kupi witin ra luki tniwan, bara witin hilp ai munan. Baku ba ra kupi ba lilia pali sa; aiwanamni bara Dawan ra tingki wimni.

Lawana Nani 35:9

Bâra mika yang na Dawan ra lilia pali kamna, witin bui swaki ai sakan kabia bamna.

Yamni Kulki Lawana 1:10

¡Mamwan lupia nani ba painkira pali sa, kiamam lula nani lilapas ra! Namna ba sin pranakira pali sa, walpa manakira lilurka nani prana nani sakahkan tilara.

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 12:2

Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 17:10

Kan mai swaki mai sakan Gâdka ba man âmya tikram ba mita, man yukuwaikam walpaya ba dukiara kupiam kraukras kapram ba mita. Kiamka painkira mangkram giadin pranakira, bara Gâd tringsar kum ra pain kulkanka yabaia warkka daukram.

Aiseya 25:1

Dawan, man ba sika yang Gâdki sma; purara mai bukamni, ninam mayunamni, kan man lika diara aihkakira nani ba daukram, blasi pali wina man lâ smalkram bîla nani ba, kasakka lâka ban ba mita.

Aiseya 25:9

Bara baha yua ra witin nani wibia: “Kaiks, naha sika yawan wan Gâdka, yawan lika witin ai bîla kaiki kan, nanara witin swaki wan sakan, yawan lilia kap witin swaki wan saki ba mita, yawan lilia daukpi.”

Aiseya 35:10

Dawan mita atki sakan nani ba kli tawi balbia, liliakira witin nani Saion ra kli balbia; lilia baman witin nani iwi kabia. Bara witin nani lilia tara bribia, sari lâka bara mamna lulkanka nani ba âpu tiwbia.

Aiseya 41:16

Witin nani ba pâsa ra bukma, bara pâsa mita witin nani ba brih wabia, prari mita tanis yakabia. Bara man Dawan ra lilia kama, Israel Gâdka Holikira ba dukiara tara damra wali kama.

Aiseya 48:18

¡Bamna man, yang lâika bîla nani ra walram kan kata! Bâra lika man ra kupia lâka ba awala kum baku kaia kan, bara yamnika nani man ra taki ba kabu ripka nani baku kaia kan.

Aiseya 49:18

Namkra nani buki tnamya kir kaiks, bara kaiks, nahki witin sut asla taki, man ra aula ba. “Yang Dawan, rayaki wal swer takisna, witin nani ba kwala baku man ra yamni mai kulki prâk mai dingkan kabia; bara baha ni maisam wilkma tiara marit taki prâka dimi ba baku.

Aiseya 49:4

Bara yang pat luki kaikatna: “Yang bahki ra wark takri, diara sin sakras, yang karniki nani ban tikri diara bahki ra.” Sakuna yang dîa daukri ba lika Dawan mihta ra sa, bara yang maina ba Gâdki ai karnika brisa.

Aiseya 51:11

Kasak pali Dawan mita atki sakan nani ba, baku kli tawi balbia; aiwani kli tawi balbia Saion ra bara ai lal nani purara kaiki, lilia lui waras ba liliaka bâra kabia; lilia aihwa ba bribia, bara sari lâka bara ai mamna lulkanka ba sin lap tiwbia.

Aiseya 51:3

Saion ra yamniki marikamna, baha tawanka tara sauhkan bâra kata ba. Tasba lâwan upla iwras tasbaya ba wina giadin daukamna, Dawan mita Eden giadinka ra mangkan ba baku. Bahara lilia bâra kabia, kikaia sin, mayuni aiwananka nani miusik binka dauki.

Aiseya 52:1

Rawi bus, Saion, rawi bus, karnikam ba prâmka dims, Jerusalem tawan holikira prâmka kau pranakira ba dims, kan gâdkas, upla tâskikira, kli bal man ra dimbia apia.

Aiseya 56:7

yang bui witin nani ba ilki holikira ra brih wamni, yang ra ai pura sunaia watla ra witin nani ba bri balamna lilia kaia daukamni. Altarki ra daiwan aiska angki sakripaiska nani dauki ba sin yang brimna. Kan waitla ba wan pura sunaia watla mâkan kabia upla nani sut ba dukiara.

Aiseya 58:14

Naha daukisma kaka, man bui yang ra liliakam sâkma, yang mai brih wamna, kuntri purara ba purak lui pura luanka briaia. Bara papikam Jekob prapatika ba wina liliakam briaia mai daukamni.” Dawan, naha kasak aisisa.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Aiseya 65:18

Man nani lilia, kupiam lilia man ban bas yang dîa paskaisna ba dukiara, kan Jerusalem ba lilia yang paskaisna, bara upla nani sin bahara ai âuyapah iwaia.

Jirimaya 2:32

¿Mairin kum ba ai prana dauki aiskahki dukia nani ba, marit takan prâka skahkan ba âuya tiwbia ki? Ban sakuna, yang upliki nani lika piua wihka pat ai âuya ai tikan sa.

Isikiel 42:14

Ani taim prîs nani ba tempel ra dimi wark daukuya ba ra, witin ai prâka dimi wark daukan ba daikras ban tempel latka ra upla nani tilara taki wabia apia, kan ai prâka dimi ba sunu daukan bamna witin kwala wala dimi ba ra lika upla nani tilara waia sa.”

Abakuk 3:18

ban sakuna, baha sut purkara lilia lâka ni aibanhwamna yang Dawanki bara yang Sasakriki ba dukiara.

Sakaraya 10:7

Efraín uplika nani ba suldiar kum baku kabia. Ai kupia lilia kabia, wain din liliaka ba baku, ai luhpia nani sin baha kaiki lilia takbia. ¡Witin nani ai kupia ba lilia man kabia Dawan dukiara!

Sakaraya 3:5

Bara insal ba kli ai walka nani ra win, kwala tâski âpu Jasua lal ra wilkaia. Witin nani baha ba daukan, bara kwala pranakira ba sin dingkan. Insal ba lika bâra bûi kan.

Luk 15:22

Sakuna aisa ba ai albika nani ra wisata: ‘Aihni muns bara prâk kau pain pali ba saki bri sal dingks; mihtadingka sin kum ai mihta ra dingks, sûs sin ai mina nani ra.

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

Roman 14:17

Bamna Gâd King aimaki ba lâka lika piaia, diaia wal tânka apia sa, sakuna baha lika wan rayaka wapni briaia lâka sa, bara kupia kumi lâka bara lilia lâka Spirit Holikira bâk yawan bri ba tânka sika.

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

Roman 5:11

Bara naha baman lika apia, kuna wan Dawan Jisas Kraist ba mita yawan lika Gâd ra lilia pali sa, kan Kraist ba mita yawan na Gâd wal kupia kumi wan daukan sa bamna.

Galesha 3:27

Man nani sut Kraist wal asla kaia wisi tahbi mai daukan ba, witinka mita puram prâka baku mai brisa.

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

Param Marikanka 21:2

Yang tawan holi ba kaikri, Jerusalem raya ba, kasbrika purara ba wina bal iwuya kan, Gâd mawan wina. Baha ba pain pali ridi daukan kan, marit takaia mairka kum ai waitnika wal prawaia kwala pain dimi ba baku.

Param Marikanka 21:9

Baha insal 7 kata ba wina kum ba kâp 7 bri balan lâs pât tara 7 ba, bahara banhki bri kan, bara naku ai win: “Bal, tiara Sîp Luhpia maya takaia ba mamrikaia sna.”

Param Marikanka 4:4

Naha kingka iwaika ba kir, king iwaika kau 24 bâra kan kaikri, bara baha nani ra almuk 24 iwi kan, baha nani ba kwala pihni dimi bara ai lal purara gul kraunka nani bri kan.

1 Samuil 2:1

Ana naku ai pura sunan: “Dawan, yang kupi ra man ra lilia tara brisni, kan man karniki raya aikisma. Waihli nani mapara aisaia sip sna, kan man tâi baikram bamna. ¡Âu, yang lilia sni!