Aiseya 60:9 - DAWAN BÎLA AISKA

⁹ Baha duri tara nani Tarsis dwarka tara nani ba mita tâura aimaki aikuki asla taki aula ba, laih wina luhpiam nani ba dukia brih aula, silbar bara gul sin, Israel Gâdka Holikira, Dawankam ba, kulkanka yabaia, witin mita sika pranakira mai paskan ba.

Aiseya 60:9 ပူးပေါင်းရင်းမြစ်များ

Blasi Sturka 9:27

Jafet ra sin Gâd mita tara daukbia, bara witin Sem tintka watla nani ra iwi kabia, bara Kenan ai albika kabia.”

1 King Nani 10:1

Sabá kwinka ba walan nahki Salaman nina ba ban tara pali kulkan ba Dawan mawanra mayunra tara pali sa, bara kwin ba Jerusalem ra balan, makabanka karna nani brih balan, Salaman ra makabi wali traika kaikaia dukiara.

1 King Nani 10:22

Kan sîp tara nani king bri kan ba Tarsis wina bali kan, mani yumhpa bani aima kum, Hiram sîpka nani ba wal. Bara brih bali kan gul, elepant napa, ruskika nani bara pikak nani sin.

1 King Nani 22:48

Josafat sin duri tara nani paskan, Tarsis bara Ofir wina gul nani brih balaia dukiara; ban sakuna sip waras kan, Esión-guéber ra pîs ra baman takan bamna.

1 King Nani 8:41

“Baku sin tringsar nani man uplikam, Israel wina apia ba, man ninam dukiara tasba laihura ba wina balbia.

Lawana Nani 48:7

lalma payaska baku, Tarsis dwarka tara nani wipi baiki tiki ba baku.

Lawana Nani 72:10

¡Prisant nani bara lal mana nani bri balbia, Tarsis kingka nani, kî dakura kingka nani wina, Sabá bara Sebá kingka nani sin!

Lawana Nani 97:1

¡Tasba aiska ba, liliam bas! ¡Kî dakura nani ailal ba sin lilia bas! ¡Dawan ba king sa!

Impakan Sturka 33:19

Sakuna Dawan pana tawi win: —Kaiki bas yang yamniki nani sut ba man mamwanku yarka bal lubia. Bara yang nina mâki sin winamni man mawan kat. Yaura umpira kaikisna ba, yang mita umpira kaikamna; yaura kupi swapni lâka brisna ba, yang bui witin ra kupi swapni brimni.

Sins Lâka 18:20

Upla sturi ailal aisi ba ni ai biara banhwan takbia; ai un nani wina taki sahwan ba ni, witin aibanhbia.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 2:16

Tarsis durka tara nani baku sa, apia kaka duri tara painkira nani baku.

Aiseya 24:15

Baku sin lalma tani ra bara kabu un ra iwi kuntrika Dawan ra mayunra pranakira yabia, Israel Gâdka ra.

Aiseya 42:10

Aiwananka raya kum Dawan ra aiwani banhs; tasba tâ wala wina aiwans witin ai mayunra ba; man nani kabu ra bâra taukisma ba sin, kabu un nani ra iwisma ba sin, daiwan nani ba sin.

Aiseya 42:4

Witin ris bribia apia, dring sin swapbia apia, tasba ra kasakka lâka ba bapbia ba kat; kabu un ra iwi nani ba, man lâmka ba bîla kaiki kabia.”

Aiseya 43:4

Kan man ba yang naikra ra pain mai kaikisna, man ba mana tara sma bara latwan mai kaikisna. Yang bui man mai briaia bara rayakam ba sin, swaki sakaia tâwan upla nani nisan nani ba sin waihla ra yabisna.

Aiseya 43:6

Yahbra ra wimna: ‘Upla nani ba nâra laki yas’, bara waupasa ra wimna: ‘Man alki takaskpara.’ Luhpi waitna nani ba laih wina bri bal, bara luhpi mairin nani sin, tasba tâ wala ba wina bri bal,

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 49:1

Kabu un ra iwi nani sma ba, man nani laihura iwisma ba sin sut, aman yang ra wals: Dawan ai paiwan, kau yang aisubi takras kapri piua wina; kau yang yaptiki biara ra kapri nini mâkaia ba ai kupia lukra ra brin.

Aiseya 49:22

Dawan ba naku wisa: “Nisan nani ra yang adar yamni; bara upla nani ra yang sain kum bukamni bara ai klahkla ra buki luhpiam waitna nani ba bri balbia, bara luhpiam mairin nani ba sin ai pahpaya ra bri balbia.

Aiseya 51:5

Yang pura luaia ba pat baila pali sa, swaki mai sakaia lâka ba aula sa, yang klaihkla nani ba upla nani lâka daukbia; kabu un ra iwi nani ba sut yang bîli kaikisa, yang karniki ra bîla kaikanka brisa.

Aiseya 55:5

Man kakaira apia sma uplika nani ba man paiwma; upla nani mai kakaira apia kan ba man ra plapbia, yang Dawan, man Gâdkam, Israel ra Holikira ba, yamni mai kulkan ba mita.

Aiseya 57:17

Israel saurka tâwan, piua kum yang kupi baikri, bara witin ra klala yabri bara yang lika witin nani tila wina tnaya ra takri; sakuna witin maipara babura taki, ai kupia prautka ra kau tniwbia.

Aiseya 60:4

Namkra ba tnamya kir ra buki kaiks; baha nani sut asla takan ba, witin nani man ra aula; luhpiam waitna nani, laih wina balbia, bara luhpiam mairin ba, ai klahkla ra buki twilki brih balbia.

Aiseya 60:6

Kiamil daknika tara nani Madián wina Efá wina man ra aula ba kaikma; Sabá wina nani ba sin sut balbia; witin nani gul bara kîa pain angkaia dukia nani brih balbia, bara Dawan mayunra sturka nani ba dahra aisi kabia.

Aiseya 66:12

Kan yang Dawan sna ba, naku wisni: Yang bui witin ai purara kupia kumi lâka durka ba sakamna, awala kum baku, bara nisan nani dukia kukan ba, lî kârma nani iswi taki ba baku takbia. Bara man nani baha tialka laya ba dima, witin ai klahkla nani ra mai twilkbia, ai kuhma purara sin mai klâkan kabia.

Jirimaya 3:17

Baha yua ra Jerusalem ba Dawan iwaika tawanka mâkan kabia; nisan nani sut ba bahara aidrubi kabia yang ra tara ai kulkaia, witin nani kau ban ai lukanka kat ai brinka karna nani ba kat luki tniwi kabia apia.

Jirimaya 30:19

Witin nani lilia lawana tâ bri aiwanbia lilia kikanka ba sin. Kau wiria takbia apia, witin nani kau ailal daukamna. Bahki kulki kabia apia, kan yang mita witin nani ba yamni kulkamna.

Isikiel 39:7

Yang yabrika nini holikira ba upliki Israel kakaira takbia, bara yabrika ban tâski dauki kabia apia. Bara nisan tringsar nani ba kaikbia, yang, Dawan, holikira lâka marikisna ba Israel ra.

Miqueas 4:13

Dawan aisisa: “¡Saion uplika, man nani mahka bus, waihlam nani ba rausauhks! Bîp wainhka ayan aringka nani bri, bras sûska nani sin bri ba karnika baku, karnikam maikamna. Bara upla kiamka ailal sauhki tikma; witin nani bui upla dukia kukan nani sut mihta dakbi brin kan ba, baha kli witin nani wina dakbi yang ra aikma, tasba aiska Dawanka sna bamna.”

Miqueas 7:12

Baha yua ra Asiria tasbaya wina ban Idsip tasbaya kat, Nilo awala wina Éufrates awala kat, kabu kum wina kabu wala kat, il nani wina il wala nani kat, baha uplika nani sut ba, Jerusalem tawanka ba kat balbia.

Sofonías 2:11

Dawan ai lawanka ba witin nani ra marikbia. Ai tasbaya aiska ra gâd bahki nani bri ba sut slingbi tikbia, bara tasba bani ra, kî nani ra iwi uplika nani ba sin sut, Dawan ra baman mayunbia.

Sakaraya 14:14

Baha Juda uplika nani sin Jerusalem ra aiklabia, bara ai lamara iwi nisanka nani tasbaya wina dukia kukanka nani ba mihta dakbi bribia, silbar, gul bara kwala sin.

Luk 2:32

Ingni kum nisan nani ra ingni yabi ba, bara man uplikam Israel luhpia nani ra mayunra lâka yaia.”

Jan 17:26

Yang bui witin nani ba man wal kakaira daukri, bara kau sin baku dauki kamna, bara baku mika latwan ai kaikisma lâka ba witin nani kupia ra kabia, bara yang pali sin witin nani wal asla kumi kamna.”

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Galesha 4:26

Sakuna kasbrika purara Jerusalemka ba lika pri sa, bara yawan lika baha luhpia nani sa.

Jasua 9:9

Witin nani pana Jasua ra win: —Yang nani laih pali wina aulma, man nani Dawan Gâdkam sturka nani ba walri tâka. Witin Idsip ra dîa daukan ba yang nani baha sut walri,