Aiseya 60:22 - DAWAN BÎLA AISKA

²² Sirpi nani ba wina tausin ailal bal takbia, kau sirpi ba wina, upla daknika karna kum bal takbia. Yang sika Dawan, naha daukamna, bara pat pali ai piua kat bal baku aimakbia.”

Aiseya 60:22 ပူးပေါင်းရင်းမြစ်များ

Aiseya 10:22

Uplikam nani Israel ba, kabu auhika baku ailal kabia kra, sakuna dîa kau swin ba baman lika, kli tawi balbia. Sauhki tikaia lâka ba pat daukan sa bara kasakka lâka ba mita pura lui kabia.

Aiseya 5:19

Man nani wisma: “Gâd ai warkka ba aihni daukbia, bara yang nani kaikamna; Gâd holikira Israel ra bâra ba, ai warkka ba yarka mahka daukbia bara yang nani tânka brimna.”

Aiseya 51:2

man nani aisikam Ebraham ra kaiks, bara Zérah ra sin, man nani rayaka maikan ba. Yang bui witin ba paiwri yakan bâra kan bamna, bara witin ra yamniki yâri, bara kiamka ailal daukri.

Aiseya 66:8

¿Ya pat walan baha sât warkka dauki ba upla aisi kan? ¿Ya pat baha sâtka dukia ba kaikan? ¿Nisan kum ba yu kumi bilara sut aisubi takaia? Tawan kum ba minit kum ra aisubi takaia. Saion biara buan luhpia baikaia latwanka brin, bara ai luhpia nani ba baikan.

Daniel 2:35

Wan nakra klipan kum baku baha ayanka, slaubla ba, bras ba, silbar bara gul ba sut yamhpus baku takan, mani piua ra plawar taya pukbi baku, pâsa mita brih wan mina taibanka yawan sip kaikras ba baku daukan. Sakuna baha walpa ni lilka paskan ra prukan walpaya ba lika, il tara kum takan tasba aiska ra.

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Abakuk 2:3

Naha tânka param mariki kaia piua aimakaia ba kau sa, sakuna piua ba aimakras kaia lika apia, piua pali bal aimakaia sa. Bamna man baha piua aimakuya ba bîla kaiki bas, ban kra kau takaski kabia sakuna.

Luk 18:7

¿Ban kra lukisma Gâd bui ai uplika nani bâk saki brin ba, kakna bara tihmia witin ra wini banhwi ba wapnika daukbia apia? ¿Hilp munaia ba wina wihka takaskbia lukisma ki?

Apastil Nani Sturka 2:41

Baku bamna, ai smalkanka bîla alki brin nani ba sut pali tahbi daukan; bara baha yua lika 3,000 lama upla kau lalukra nani wal asla prakan kata.

Apastil Nani Sturka 5:14

Upla Dawan ra kasak lukan ba kau ailal takan, waitna nani bara mairin nani sin.

Hibru Nani 10:36

Man nani ba wihka bîla kaikaia lâka want sma, bara baku mika sip kama Gâd kupia lâka ba kat dauki, witin mita dîa pramis daukan ba briaia.

2 Pita 3:8

Baha purkara, muihki laitwankira nani, naha na âmya tiwbiara: Dawan mapa ra yu kumi ba mani tausin baku sa, bara mani tausin ba yu kumi baku sa.

Param Marikanka 7:9

Baha ningkara yang kaikri, bara bahara upla ailal pali bâra kan, bara ailal kan bamna upla kum mita sin sip kulkras kata. Baha nani ba nisan sât sât wina, taika sât sât wina, bîla aisi sât wina, bara upla nani sât sât wina kan, bara king iwaika ba mawanra bara Sîp Luhpia ba mawanra sin bûi kan. Witin nani kwala pihni dimi kan, ai mihta nani ra sin dus wahia sâtka nani bri kata.