Aiseya 60:21 - DAWAN BÎLA AISKA

²¹ “Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 60:21 ပူးပေါင်းရင်းမြစ်များ

2 Samuil 7:10

Baha purkara, yang upliki Israel nani dukiara plis kum pat ridi daukri sa, witin nani ba baha ra takaskaia bara ai tasbaya bri iwbia. Bahara upla witin nani ra trabil munbia apia, saura dadaukra nani bara upla tataibra nani sin blasi muni kata ba baku munbia apia.

Lawana Nani 37:11

Sakuna praut âpu nani ba lika tasba na ai dukia brih iwi kabia, diara ailal briaia bara ai âuyapah pali kabia.

Lawana Nani 37:18

Dawan lika, lukanka yamni bri nani ba aihwaki kaikisa; ai yuyaka bri ba ban kaia ra ban bâra kabia.

Lawana Nani 37:22

Dawan mita yamni muni uplika nani ba, tasbaya na brih iwbia, sakuna baha nani witin mita saura win nani ba sauhki tikan kabia.

Lawana Nani 37:29

Kasakkira nani ba lika tasbaya ba bri iwbia, ban kaia ra sin baha tasbaya ra iwi kabia.

Lawana Nani 92:13

Baha nani Dawan tempelka ra mangkan kabia; tempel bilara kutbanka painkira ra, Gâd bui yan pâwi ba baku.

Aiseya 19:25

Dawan, karnika sut bri ba witin nani ra ai yamnika yabia wibia: “Idsip ra wibia, yang upliki nani, Asiria ra, man ba yang mihti warkka nani daukri ba, bara Israel ra, man lika yang duki, man nani ra yamni mai munisna.”

Aiseya 24:16

Tasba tâ wala wina aiwananka nani yawan walan: “¡Kasakkira ba mayunra kabia!” Bara yang wîri: ¡Ay, dîa kan uba umpira uba umpira sa! Upla kuninkira nani ba kunin lâka ra ai uplika ra atkisa.

Aiseya 26:2

Man nani dur ba kwâks, upla kasakkira nani ba dimbia, kasakka lâka ra iwi nani ba.

Aiseya 29:23

Kan ai luhpia nani ba kaikbia yang mihti warkka ba, witin nani ai tilara daukri ba, witin nani bui yang nini ba holikira kulkan kabia, witin nani Israel Gâdka sibrinka bribia.

Aiseya 43:21

Naha uplika nani ba yang mita paskri; yang maiyunra dahra ba aisaia.

Aiseya 43:7

yang nini bri nani ba sut, witin nani ra yang bui paskri bara daukri ba, yang bui witin nani paskri ba maiyunra ba daukaia.’

Aiseya 44:23

¡Kasbrika pura, liliakira wins Dawan daukan ba dukiara! ¡Wins raya sa, tasba tihuka nani pali ba! ¡Il nani bara unta ra dus tara nani sin, liliakira wini banhs; kan Dawan ai prana ba marikan, Israel luhpia nani ba swaki sakan bamna Jekob uplika nani ba!

Aiseya 45:11

Dawan, Israel Gâdka Holikira ba, witin paskan ba aisisa: “¿Man nani bui yang ra makabi walaia sma ki luhpi nani ba dukiara, apia kaka man nani mita ai wiaia sma yang warkki nani ba nahki daukaia dukiara sin? ¿Bara yang mihti warkka nani daukaia dukiara sin?

Aiseya 45:24

Bara witin nani aisabia: ‘Pura luanka ba Dawan ra baman bâra sa, karnika ba sin.’ Misbara sut ai kaiki nani ba sut witin nani swira takan kabia.

Aiseya 45:25

Israel luhpia nani sut yang ra tingki kabia, witin nani pura lalura nani takbia bara yang dukira tara ai dara wali kabia.”

Aiseya 45:8

“Yang pura luaia karnika ba blikamna, diwas laya baku kasbrika pura ba wina, bara lî auhbia kasbrika nani ba wina bara tasba ba bribia; mâ baku bal takbia swak takan lâka ba bara ai tnaya ra urhwi takbia kasakka lâka ba.”

Aiseya 49:3

Bara ai win: “Israel, man ba yang duki dadaukra sma, man ra ni yang praina daukamni.”

Aiseya 51:2

man nani aisikam Ebraham ra kaiks, bara Zérah ra sin, man nani rayaka maikan ba. Yang bui witin ba paiwri yakan bâra kan bamna, bara witin ra yamniki yâri, bara kiamka ailal daukri.

Aiseya 52:1

Rawi bus, Saion, rawi bus, karnikam ba prâmka dims, Jerusalem tawan holikira prâmka kau pranakira ba dims, kan gâdkas, upla tâskikira, kli bal man ra dimbia apia.

Aiseya 54:17

sakuna upla kumi sin kau bin daukras sa, baha mai sauhkaia sip ba; damhra kwahki nani ba sut bîla praki swima. Yang warkki dadaukra nani ra yabisna ba sika naha: pura luaia.” Dawan witin baha kasak aisisa.

Aiseya 57:13

Man hilp want winma aidulkam nani ba mita swaki mai sakaia apia, sakuna witin nani sut ba pâsa mita bri wabia, wingka puhbanka kumi ba mita witin nani ba lap tikbia. Ban sakuna, witin nani yang ra ai lukanka mangki bri ba tasba na ai dukia bribia, bara yang ilki holikira Saion ba alki bribia.”

Aiseya 61:11

Âu, tasba wina inma nani urhwi taki pâwi ba baku, giadin ba sin, mâ nani yan urhwi taki ba baku, Dawan ba sin baku daukbia kasak lâka ba, mayunra lâka ba sin yaka urhwi takbia nisan nani sut mawanra, bara lawana kum aiwanbia.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Aiseya 61:7

Baku yang upliki nani pât wahwaia kan, aima wâl praiska kulkan kan bara saura win, baha mita ai kuntrika ra ai dukia kukan nani, aima wâl praiska bribia bara ban kaia ra lilia bri kabia.

Aiseya 62:4

Witin nani kli wibia apia man ba mai “Lulki Mai Swin Sa”, tasbayam ra sin kli wibia apia: “Sauhkan Sa”, Sakuna man ninam ba “Yang laikki”, bara tasbayam ba nina “Yang Mayi Mairin”. Kan man ra sika Dawan laikka ba, bara witin ba man tasbayam ra maya waitna kum baku kabia.

Aiseya 64:8

Ban sakuna, Dawan, man sika yawan wan Aisika; yang nani na slaubla ba bara man sika wan paski wan daukram ba; ¡baku bamna yang nani sut na, man mihtam warkka nani sna!

Aiseya 65:9

Yang daukamna Jekob ai kiamka nani briaia bara Juda ra upla bâra kabia yang ilki nani ra iwaia, bara yang mita bâk sakri nani ba tasba ba ai dukia bribia, yang duki dadaukra nani ba bahara iwbia.

Jirimaya 24:6

yang bui witin nani ba main kaiki kamna, bara kli ai kuntrika tani ra waia daukamni, witin nani diara ailal briaia daukamna tawi waia daukamni, witin nani ba kli slingbamna apia; mangkamna, sakuna kli daikamna apia.

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Isikiel 11:17

Baku sin wis: ‘Dawan ba naku wisa: Yang mita yabrika kli tawi balbia, baha kuntrika bara nisanka nani anira yakabi kir lakri ba wina, bara asla daukamni bara Israel kuntrika ba maikamni.

Isikiel 34:29

Insla mangkan mâ ailal yabamna, bara witin nani kli plun wauhbia apia; nisan wala nani ba sin, witin nani lawaska kikbia apia.

Isikiel 37:25

Duki dadaukra Jekob ra yabatna kuntrika ra iwbia, bahara ai almukka nani iwata ba. Bahara witin nani iwbia ban kaia ra bara ai luhpia bara ai kiamka nani sut; bara duki dadaukra Debit ba ai tâ brabrira kabia.

Isikiel 47:7

bara kaikri un wâlsut ra dus ailal pali pâwi kata.

Emus 9:15

Witin nani ai tasbaya kat kli bri sal swimna, baha tasbaya wina, upla wala mita kli witin nani ra kangbi sâkbia apia, yang bui witin nani ra yabamna ba.” Dawan, man nani Gâdkam ba, baku kasak aisisa.

Abdías 1:17

Sakuna Saion ilka holi ra swakwaia pliska kumi bâra kabia, bara tila upla bahara dimi swak takbia. Jekob kiamka nani ai tasbaya nani ba kli bribia.

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”

Matiu 15:13

Sakuna witin bila: —Ani dusa Aisiki kasbrika purara ba mita mangkras ba, ai plamaika wina daikan kabia.

Matiu 5:5

“Lilia pali sa kupia bawikira nani ba, Gâd bui witin nani tasba yabaia pramis munan ba bribia bamna.

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Epesus 1:12

Witin baku daukan, baha mita yang nani pas tâura Kraist ra luki kainira diara briaia lukri ba, raya banhwi kamna Gâd ai prana tara ba tâwan mayunan kabia dukiara.

Epesus 1:6

Baha mita yawan piua bani Gâd ra mayunisa ai latwanka tara ba dukiara, baha sim latwanka ni yamni wan munan sa, yawan ai Luhpia latwan pali wal asla sa bamna.

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

Epesus 2:7

Naha daukan ba ni wan marikisa, witin naika piua ra latwan tara wan kaiki kabia ba, bara yawan ra ai kupia pihni lâka ba lika Kraist Jisas ba mita baman.

2 Tesalonaika 1:10

Dawan baha yua balbia ba ra, ai uplika nani mita mayunra yaban kabia dukiara, bara lalukra nani sut bui sin prana yabi mayunbia dukiara. Baku bamna, man nani sin sturi yamni yang nani mita mai wîri ba, kasak lukram bamna.

2 Pita 3:13

kuna yawan lika, Gâd pramis taki win ba kat, kasbrika raya bara wan tasba raya ba bîla kaikisa, bara bahara lika diara sut ba kasakkira bara pain baman kabia.

Param Marikanka 21:27

Sakuna tâski dukia kumi sin, upla diara saura pali bara kunin sin aisi ba, bahara sip dimbia apia. Baha nani ai nina ba raya kaia wauhkataya Sîp Luhpia bri ba ra ulbi mangkan ba baman, tawanka ba ra dimbia.

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.

Param Marikanka 5:10

Witin nani ba wal king tasbaya kum prîs nani daukram, wan Gâdka warkka daukaia dukiara, witin nani tasba ra karnika alki bri kaia.”