Aiseya 60:2 - DAWAN BÎLA AISKA

² Kaiks tihmia tara ba, tasba aiska ra kabia, bara nisan nani purara sin tihmia tara kabia; sakuna man puramra lika, Dawan wina yu baiwanka ingnika balbia, bara ai prana ba man puramra bal mai kaikbia.

Aiseya 60:2 ပူးပေါင်းရင်းမြစ်များ

1 King Nani 8:11

Prîs nani takaski ai pura sunaia sin sip apia kan, kasbrika nani ba mita, kan utla ba Dawan prana ni banhwan kan ba mita.

Lawana Nani 102:16

Saion ba kli raya paskbia, bara witin ai prana ra latan bal takbia.

Lawana Nani 80:1

Israel sepadka, Josep ra, sîpkam daknika baku tâ brih was, man kirubin purara iwaikam brisma ba, ¡wan wals! Man namkra yamni wal Efraín ra kaiks,

Aiseya 2:5

¡Jekob watla uplika, man nani bal, bara Dawan yabalka ingnika ra yawan wapi kap!

Aiseya 4:5

Bara Dawan naku daukbia, Saion ilka aiska ba purara witin nani bahara asla taki nani ba purara sin, Dawan ba daukbia kakna ra kasbrika tihmu tara kum, tihmia ra pauta lakni ingnika ba bara pauta buki klauhanka ba wal. Baha sut purkika ra Dawan prana ba bâra kabia,

Aiseya 58:10

bara patam ba plun dauki nani ba ra yama kaka, upla sarka paskan ba swima kaka, bâra mika tihmia tara ra, ingnikam ba baiwi bal takbia, man distikam ba yu wan lal kat ingnika baku kabia.

Aiseya 58:8

Bâra mika ingnikam ba bal takbia yu baiwi uluya ingnika ba baku, bara man insauhkankam ba, isti pali pain takma; bara kasakkam lâka ba kainamra wabia, bara yang praina ba man wal kabia.

Aiseya 62:1

Saion ra latwan kaikisna bamna, bîli prakamna apia; Jerusalem, latwan mai kaikisna bamna, ris brimna apia pura luram ingnika bal takbia ba kat, swaki mai sakan lâka ba lamp ami ingnika baku ambia ba kat.

Aiseya 66:11

bara witin, yapti baku, ai lama bilara, maisa nihkra tialka laya bri ba wina laya dih, man nani âmyapah takma ba kat.

Aiseya 8:22

bara witin nani tasba ra kaikbia; bara kaiks pât tara, tihmia tara baman kaikbia, tihmia tara, pât wahwaia baman. Upla sut tihmia ra kabia. Pât wahwi taibi bri nani ba, swak takaia âpu kabia.

Jirimaya 13:16

Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Isikiel 10:4

Bara Dawan prana ba, kirubin lilka nani ba lal wina ingnika ba purara ulan bara tempel dimaia ba tani ra wan; bara kasbrika pura nani ni tempel ba banhwan, bara watla kutbanka ba Dawan prana ingnika ni aibanhwan kan.

Libait Lâka 9:23

Yamnika yan ba ningkara, Moses bara Eran wal, Dawan ra aisaia tintka watla ra diman, bara kli takan. Israel lupia nani ra Dawan Gâd ingnika tara upla nani purara ingwan:

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

Kulki Kaikanka 16:19

Bara Coré mita Moses bara Eran wal mapara buaia wisi, pat upla nani ba paiwi, Dawan wal aisaia tintka watla latka ra wih banhwan bûi banhwi kan. Bamna Dawan prana ba latan takan upla nani sut kaiki kan,

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Matiu 23:19

¡Diara kaikras sinskas tara nani! ¿Dîa ba kau tara sa: prisant ba, apia kaka altar ba, baha mita prisant ba holikira dauki ba?

Matiu 23:24

¡Man nani, tâ uplika diara kaikras nani, brabra lupia diaikam wina singbi sakisma, sakuna kiamil tara kum langkisma!

Jan 1:1

Tasba na kau paskras kan ba ra, Bîla ba pat bâra kan. Bîla ba Gâd wal kan, bara witin sika Gâd kan ba.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 1:18

Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.

Jan 8:55

Ban sakuna, man nani bui witin ba kakaira apia sma. Yang lika witin ra kakaira sni; bara witinka ba kaikras wimna kaka, yang sin man nani wal baku kuninkira sna. Sakuna kasak pali mai wisna, witin ba yang kakaira sna, bara ai bîla sin wali daukisni.

Apastil Nani Sturka 14:16

Piua luan nani ra Gâd mita ban swin upla nani sut ba ai yabalka kat man tauki kaia,

Apastil Nani Sturka 17:23

Kan yang naha tawanka ra wapi tauki kapri, man nani puram sunisma ba pliska nani ra sin, bara altar kum kaikri; bahara bîla nani ulban kan ba lika naku kata: ‘Gâd kum ra kaikras ba.’ Bamna pain sa, baha Gâdka man nani kaikras kuna puram suni mayunisma ba, baha pali Gâdka dukiara sika yang aisisna ba.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

2 Korint 3:18

Baha mita yawan sut, wan mawan kwala ni praki briras ba mita, Dawan prana ba param marikisa sim lukinglas ra kaiki ba baku; bara baku yawan pali na sin kau Kraist wal baku takisa, kan piua bani witin prana ba kau yawan brisa. Naku sika Dawan dauki ba, witinka lika Spirit ba.

Kolosi 1:13

Gâd mita tihmia karnika wina dakbi wan saki, ai Luhpia latwankira king aimaki ba pliska ra wan mangkan,

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.