Aiseya 60:18 - DAWAN BÎLA AISKA

¹⁸ Saura munaia daukanka ba man nani tasbayam ra kli walan kabia apia, sauhki tikan lâka, lâ krikanka nani sin walbia apia, sakuna kanra mika walbia, man tawankam kutbanka nina ba ‘Swaki Sakan Tawanka’, man getkam nani ba ‘Mayunra Getka nani’ mâkan kabia.

Aiseya 60:18 ပူးပေါင်းရင်းမြစ်များ

2 Samuil 7:10

Baha purkara, yang upliki Israel nani dukiara plis kum pat ridi daukri sa, witin nani ba baha ra takaskaia bara ai tasbaya bri iwbia. Bahara upla witin nani ra trabil munbia apia, saura dadaukra nani bara upla tataibra nani sin blasi muni kata ba baku munbia apia.

Aiseya 11:9

Yang ilki holikira aiska ra saura munbia apia, sauhki sin tikbia apia; tasba ba Dawan tânka kaikaia lâka ni banhwan kabia, kabu pura aiska lî nani praki brin ba baku.

Aiseya 2:4

Dawan mita nisan bani tilara lâ daukbia, upla ailal aiklabanka ba wapni daukbia. Aiklabaia sordka ba tasba tukbaika daukbia, ai langsika nani ba, plawar mâ klakaia sord buhla daukbia. Nisan kum, nisan wala mapara kli war aiklabaia lukbia apia, war aiklabaia lâka nani sin kli smalkbia apia.

Aiseya 26:1

Baha yua ra naha aiwananka na, Juda tasbaya ra aiwanbia: “Tawan tara karna yang nani brisna; bahara swak takaia, Gâd mita wan swaki sakaia kutbanka karna nani buki wankan.

Aiseya 26:2

Man nani dur ba kwâks, upla kasakkira nani ba dimbia, kasakka lâka ra iwi nani ba.

Aiseya 51:19

Naha saurka wâl na puramra balan sa: man kuntrikam sauhki tikan ba bara impliki âpu daukan, bara man uplikam nani prui tiwan plun bla, war takan mita. ¿Ya man ra umpira mai kaikbia? ¿Ya man ra maisam nihkbia?

Aiseya 54:14

Kasakka lâka, wapni lâka ni karna mai daukan kabia. Taiban lâka wina laihura kama; sibrin mai daukbia apia, si briras kama, kan sibrin mai dingki ba, lamamra âpu kabia.

Aiseya 56:5

witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Aiseya 60:11

Durkam nani ba piu bani param ban kabia; kakna ra, tihmia ra sin prakan kabia apia, baha ba man ra nisan nani dukia kukanka nani ba bri balan kaia dukiara, bara kingka nani ba, ai uplika nani sin man ra bri balbia.

Aiseya 60:17

“Bara bras watlika ra gul maikamna, ayan watlika ra silbar, dus watlika ra bras, bara walpa nani watlika ra ayan.

Aiseya 61:11

Âu, tasba wina inma nani urhwi taki pâwi ba baku, giadin ba sin, mâ nani yan urhwi taki ba baku, Dawan ba sin baku daukbia kasak lâka ba, mayunra lâka ba sin yaka urhwi takbia nisan nani sut mawanra, bara lawana kum aiwanbia.

Aiseya 62:10

Taki was, taki was tawan latara get nani bâk, upliki nani yabalka ba pahbi sâks. Tasba unta nani yabal tara ra bâra ba, lasbi praks; walpa nani ba sin sâks, bara upla nani ra sain kum mariks.

Aiseya 62:4

Witin nani kli wibia apia man ba mai “Lulki Mai Swin Sa”, tasbayam ra sin kli wibia apia: “Sauhkan Sa”, Sakuna man ninam ba “Yang laikki”, bara tasbayam ba nina “Yang Mayi Mairin”. Kan man ra sika Dawan laikka ba, bara witin ba man tasbayam ra maya waitna kum baku kabia.

Aiseya 62:7

man nani ris yapara, Jerusalem ba kli mâkbia ba kat bara yarka tasba aiska ba mita mayunbia.”

Isikiel 42:20

Tnaya walhwal ba sut kulki kaikan. Bara kaikan tempel ba 840 pît skwir kutban kan. Baha kutbanka ba mita holi bara holi apia ba wal aihka dakbi saki kata.

Miqueas 4:3

Dawan mita nisan bani tilara lâ daukbia, upla ailal aiklabanka ba wapni daukbia, kau plis wihka ra iwi nani ba lâka sin. Aiklabaia sordka nani bri ba, baha ni witin nani tasba tukbaika nani paskbia, ai langsika nani ba ni sin ispara nani paskbia. Nisan kum bui nisan wala mapara kli war aiklabaia lukbia apia, war aiklabaia lâka nani sin kli smalkbia apia.

Sofonías 3:19

Baha piua mai taibi bri nani sut ba mapara buamni. Sîpki prutwi nani ba tâ baikamni, bara aimawahki nani ba sin asla kukamni; tasba aiska ra witin nani ai nina ra yamni kulki mayuni aisaia daukamni bahki kulkan kan lâka ba wina.

Sakaraya 2:5

Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”

Sakaraya 9:8

Upliki nani ba kan kahbaia dukiara, ya nahak bal lubia ba kainara yang bûi kaisna. Tataibra ba kli witin nani ra rausauhki kabia apia, kan nanara yang pali aihwaki kaikisna bamna.”