Aiseya 6:8 - DAWAN BÎLA AISKA

⁸ Baha ningkara Dawan bîla baikra ba walri, naku win: “¿Ya pali ba blikrika wabia? ¿Ya yawan wan dukiara wabia ki?” Bara yang pana aisari: “Yang nâra sni, yang ai blîks.”

Aiseya 6:8 ပူးပေါင်းရင်းမြစ်များ

Blasi Sturka 1:26

Baha ningkara Gâd bila win: “Kaisa nanara yawan upla ba paskaia wan lilka pali ba talia kat. Bara witin karnika bri kabia inska nani purara, tnawira nani, daiwan tim nani bara wail nani bara tasba ra kwasi tauki nani ba sut purara sin.”

Blasi Sturka 11:7

Yamni sa yawan iwi wih witin nani ai bîla aisi ba tanis turbaia, bara baku lika witin nani ai uplika nani wal pana pana dîa aisi ai tânka bri ba yabrika tânka bribia apia.”

Blasi Sturka 22:1

Baha diara nani taki luan ba ningkara, Dawan ba Ebraham kasakka lukanka lâka ba kaikaia mata, traika kaikanka kum daukan. Witin ai nina mâki winan, bara Ebraham pana witin ra win: —Yang nâra sna.

Blasi Sturka 22:11

Dawan insalka ba kasbrika pura wina witin ra winan: —¡Ebraham! ¡Ebraham! Witin pana win: —Yang nâra sna.

Blasi Sturka 3:22

Bara Gâd win: “Nâra kaiks, nanara upla ba yawan nani kumika baku takan sa, yamni bara saura ba wal tânka kaikisa. Nanara kaiks, witin ai mihta sâkbia raya kaia dusa ba wina sin brih pibia, bara witin pruras ban kabia ba sîa.”

2 Samuil 1:7

Baha kat witin ai ninara tawi ai kaiki ai winan, bara yang dîa ai wibia ba kat aitani luki kapri.

1 King Nani 22:20

Bara Dawan makabi walan ya bui king Ahab ra munka Ramot Galaad tasbaya ra uli wih, bahara prubia. Bara kum kum b, diara kum aisi kan, bara wala nani ba diara wala aisi kan.

Aiseya 65:1

Dawan aisisa: “Yang ra diara makabras uplika nani kata yang ra ai pliki balan; yang ra ai plikras kan uplika nani ba ai pliki ai sakan. Yang ra ai pura sunras kan uplika nani ba ra wîri: ‘Kaiks yang nâra sni.’

Isikiel 1:24

Witin nani ai kanra auya bara tnawa nani binka dauki kan ba sin awala lisamra tara aubi ba binka baku kan. Karnika sut bri ba bîla baikra baku, aiklaklabra nani ailal aula binka ba baku. Witin nani takaskuya ba ra, ai tnawa nani ba sin mâyara iki kan.

Isikiel 10:5

Baha rayaka bri nani tnawa binka ba, baha kutbanka lila ba kat wali kata, Gâd, karnika sut bri ba aisi ba binka baku kan.

Isikiel 9:1

Baha ningkara, bîla baikra tara wal kiaima ra ai winan: “¡Tawan tara ra klala yaia ba pat balan sa, kumi bani ai mihta ra sauhki tikaia dukia kum brih aula!”

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

Apastil Nani Sturka 22:21

Sakuna Dawan bui ai win: ‘Man mahka was, yang bui man ba laihura mai blikaisna, Ju apia nani tilara.’ ”

Apastil Nani Sturka 26:19

“Baku bamna, king Agripa, yang kasbrika purara ba wina diara aihka kaikri ba, bîla wali daukras kaia sip apia kapri.

Apastil Nani Sturka 9:4

Bamna Saulo tasba kat kauhan, bara bîla baikra kumi walan witin ra naku aisi kan: “Saulo, Saulo, ¿dîa kan man rau ai sauhkisma ki?”

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

1 Samuil 3:4

Bamna Dawan Samuil ra winan: —¡Samuil! Witin pana aisin: —¡Nâra sna!