Aiseya 6:5 - DAWAN BÎLA AISKA

⁵ Bara yang wîri: “¡Alakai yang umpira, yang pruamna! Yang na upla kum uni nani tâski, upla una tâski nani tilara iwisna; bara yang naikra nani karnika sut bri, Dawanka ba kaikri bamna.”

Aiseya 6:5 ပူးပေါင်းရင်းမြစ်များ

Blasi Sturka 32:31

Yu kalwi ulan ba ra, Jekob Penuel wina taki wan; sakuna ai kilka dusa latwan bri kan bamna, prutwi wan.

Lawana Nani 24:10

¿Kingka pranakira na ya? ¡Baha sika karnika sut bri Dawanka ba! ¡Witin sika King pranakira ba!

Impakan Sturka 24:10

Bahara witin nani Israel Gâdka ba kaikan, bara ai mina tani ra diara ingni kum bûi kan, sapair walpaya ni paski palkan baku kan, bara ingni kan kasbrika ingnika baku.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Impakan Sturka 33:20

Sakuna param mai wisna, yang maiwan sip kaikma apia. Kan upla kum yang ai kaikbia ba, sip raya ban kabia apia.

Impakan Sturka 4:10

Sakuna Moses pana win: —¡Ay, Dawan! Yang sip bîli pain aisaras sna, yang trabilki na lika nahwala bara naiwa wina lika apia sika, sakuna patitara wina yang sip pain aisaras ban sna, sturi aisisna bani twisi ba alkisa.

Impakan Sturka 6:12

Ban sakuna, Moses pana Dawan ra win: —Israel luhpia nani pali sin yang bîli walras sa; ¿bara nahki king fero lika yang bîli walbia, yang aisaia kat sin sip pain aisaras sna na?

Impakan Sturka 6:30

Sakuna Moses pana aisin: —Dawan, yang bîli skalwi aisisna na, ¿bara nahki king fero yang bîli walbia?

Aiseya 24:16

Tasba tâ wala wina aiwananka nani yawan walan: “¡Kasakkira ba mayunra kabia!” Bara yang wîri: ¡Ay, dîa kan uba umpira uba umpira sa! Upla kuninkira nani ba kunin lâka ra ai uplika ra atkisa.

Aiseya 29:13

Dawan bui ai win: “Dîa muni naha uplika nani ai aisinka ni baman laimara balisa, ai un nani ni, yamni kulkan lâka aikisa, sakuna witin nani ai kupia ba yang wina laihura sa, mayunra dauki ba waitna nani ai lâka kum kulkaia smalki yan ba kulki ba baku daukisa, ai sinska kat lan taki muni.

Aiseya 33:17

Man namkra nani king ba kaikbia, witin ai prana ra iwi ba; namkra nani baha tasbaya laihura ba kaikbia.

Aiseya 59:3

Man nani mihtam nani ba tala ni tâski takan sa, bara mihtam sirpika nani ba upla ikram tasbaika alkan; unam nani ba kunin man aisisa, twisam nani ba watawika lâka man aisisa.

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Jirimaya 1:6

Yang pana wîri: “¡Ay, Dawan! ¡Yang sika wahma pali sna, sturi aisaia sin lan âpu sna!”

Jirimaya 51:57

King, Dawan karnika sut bri ba, kasak aisisa: “Babilon wihta nani ba yarka bla takbia, sinskira nani bâra ba, wihta tara nani ba, suldiar wihtka nani ba, suldiarka nani ba sin. Baku witin nani yapbia ba kli bubia apia bara kli sin kupia krawbia apia.

Isikiel 12:2

“Upla luhpia, man upla mapara babura tilara iwisma; baha nani ai nakra nani brisa kaikaia kuna kaikras, bara ai kiama bri banhwisa walaia kuna walras, kan mapara babura uplika sa bamna.

Isikiel 33:31

Baku bamna, upliki ba aula Dawan lamara, bara bal iwbia, ai natka ba baku, bîlam ba walaia. Kuna walan daukras. Kli kli aisisa latwan lâka lawana ba baku, kuna ai kupia ba lika lalah ninara auya sa.

Daniel 9:20

“Yang ban puri suni kapri bara saurki nani dukiara aisi katna, upliki Israel luhpia nani dukiara sin, Dawan Gâdki ilka holikira ba dukiara makabi katna.

Abakuk 3:16

Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.

Kulki Kaikanka 17:12

sakuna Israel luhpia nani Moses ra win: “¡Yang nani na tiwri pali sna! ¡Sut prui banhwamna sa!

Wihta Nani 13:22

bara Manoa ai maya ra win: —Nanara lika yawan prubia, kan yawan wan nakra ni Dawan ba kaikan bamna.

Wihta Nani 6:22

Bara Gedeón ai tânka brin witin Dawan insalka wal aisi kan ba, bara witin naku aisin: —¡Ay Dawan, Dawan! ¡Dawan insalka ba yang wal maiwan kat bûi, ai mawan ba kaikri!