Aiseya 6:2 - DAWAN BÎLA AISKA

² Aiawi dukia nani tila ba ra kan witin bâra ba purara, pauta klauhi baku kan. Kumi ba ai tnawa nani matlalkahbi bri kan. Ai tnawa wâl ba ni mawan ba biki kan, wala wâl ba ni ai wîna aiska ba biki kan, bara kau wala wâl ba ni pâli kan.

Aiseya 6:2 ပူးပေါင်းရင်းမြစ်များ

Blasi Sturka 17:3

Bara Ebram ai mawan ra tasba kat prawan, bara Dawan bui witin ra kau ban aisi, win:

1 King Nani 19:13

Ilayas baha walan ba ra, ai kwalka ni ai mawan prakan; bara taki wih tasba unta pura ba kat buan, bara bîla baikra kum witin ra bal win: “Ilayas, ¿man nahara dîa daukisma ki?”

1 King Nani 22:19

Bara Micaías kau aisin: —Baku aisaram ba mita, Dawan bîla na wals: Yang kaikri Dawan ba ai king iwaika ra iwi kan, bara kasbrika ra insal nani sut ba lika witin ai tnaya kir bûi banhwi kata, ai mihta aihkika tani bara ai mihta smihka tani ra sin.

1 King Nani 6:24

Bara tnawa kumi bani ba 7 pît hap bri kan, bara tnawa wala ba sin 7 pît hap bri kata. Baku bamna tnawa ba tâ kumi wina tâ wala ba kat 7 pît hap bri kan.

1 King Nani 6:27

Bara Salaman bui holikira Pliska ba kat swin. Bara rayaka bri nani ba, ai tnawa nani ba ilingki bri kan, bara tnawa kumi ba utla tnaya kumi ra kangbi kata, bara tnawa wala ba lika utla un tnaya wala ra kangbi kata; bara tnawa wala wâl ba, pana pana kangbi kan Plis holikira lilapas ba kat.

1 King Nani 8:7

Baha nani ba bui ai tnawa mununhtara bri kan lâ auhbaia watla ba, ai dusa yari kan ba sin.

Nihimaya 9:6

Bara Esdras aisin: “Man lika Dawan sma, bara kau wala âpu. Man kasbrika pura ba daukram, bara kasbrika nani kau purkara ba sin, slilma nani ba, tasba ba, baha bilara dîa dîa bâra ba sin man daukram, bara kabu nani ba, kabu bilara dîa dîa bri ba sin man daukram. Baha mita sika, slilma nani ba kasbrika pura wina mamyuni ba.

Job 1:6

Yu kumi, laih pura tasbaya uplika nani ba Dawan mawanra wih buaia wan, bara witin nani wal sin dahra kwakwahkra insalka ba wan.

Job 15:15

Insal nani ra sin kasakkira kulkras sa, kasbrika pura bahara ba ra sin sunu kulkras sa.

Job 4:18

Witin ai lamara, ai mawanra, ai dukia dadaukra nani ba kat sin, sunukira kulkras sa. Gâd ai insalka nani ba kat sin pâtka sakisa,

Lawana Nani 103:20

¡Dawan ba yamni pali sa, insal karnakira nani, mayuns! Man nani ai adarka kat daukisma ba, ai bîla wali daukisma nani ba.

Lawana Nani 104:4

Pâsa nani ba man bîlam twatwilkra nani sa, bara pauta klauhan nani ba, man dukiam dadaukra nani sa.

Lawana Nani 18:10

Bara witin kirubin kum ra ulan bara pâlan; pâsa tnawa nani bâk, witin impaki kata.

Lawana Nani 89:7

Dawan tara bara sibrinkira kasbrika purara ba insalka nani, kutbi kir mai bri ba.

Impakan Sturka 25:20

bara insalka nani ba ai mawan kat kaia sa, sakuna ai nakra nani ba naha pura bikaika ba kat kaiki kaia. Ai tnawa nani ba ni, baha pura bikaika aiska ba pura biki kabia.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Impakan Sturka 37:9

Baku insal nani ba, ai mawan kat, ai nakra ba mâyara kaiki kan, ai tnawa ni pura praki bri kan. Insal nani mawan ba, kumi wala tani ra kata, bara witin nani aiska angkaia watla ra kaiki kata.

Aiseya 6:6

Bara insal baku nani wina, kumika ba pâli yang ra balan. Altar ba wina masku kum aswi ba, alkaika ba ni alki ai mihta ra bri,

Isikiel 1:11

Tnawa nani ba pura tani ra uli wan kan. Tnawa wâl ba pana pana prawisa, bara tnawa wala wâl nani ba, ai wîna tara ba praki kata.

Isikiel 1:24

Witin nani ai kanra auya bara tnawa nani binka dauki kan ba sin awala lisamra tara aubi ba binka baku kan. Karnika sut bri ba bîla baikra baku, aiklaklabra nani ailal aula binka ba baku. Witin nani takaskuya ba ra, ai tnawa nani ba sin mâyara iki kan.

Isikiel 1:4

Baha ningkara kaikri, yahbra wina prari, pâsa karnakira kum aula kan; bara kasbrika tara kum wina pauta klauhan kum taki kan imyula baku. Bara ai kaina kir ba ingni tara dingki bri kata. Pauta klauhi ba lilapas ra bras ingni tara bri ba bâk klauhi kata,

Isikiel 1:6

Kumi bani ba mawan walhwal bara tnawa walhwal bri kan;

Isikiel 10:16

witin nani ai kanra auya ba ra, wilwaika nani ba witin nani aikuki ai kanra wan; bara rayaka bri nani ba ai tnawa nani ba buki luya bara wilwaika ba sin witin nani wina dakwi takras kan;

Isikiel 10:21

Kumi bani mawan walhwal bri kata, kumi bani tnawa walhwal, bara tnawa mununhtara, upla mihta talika bri kata.

Daniel 7:10

bara ai mawan ba wina pauta klauhan awalka baku bal taki kan, tausin nani ailal bui ai dukia dauki kan, milian nani ailal ba, witin mawanra bûi banhwi kan, lâ iwaika ra iwi ba aidrubanka ba mahka tâ krikan, bara wauhkataya nani ba kwâkan.

Daniel 9:21

Yang kau puri suni kapri piua ra, Gabriel, witinka kainara yang diara aihka kaikatna ba, sakripais Dawan ra yaia awarka lama pali kata tutnika.

Sakaraya 3:4

Bamna insal ba ai walka nani ra win, Jasua kwalka tâski ba daikbia. Daikan, bara Jasua ra win: “Kaiks naha tânka sika saurkam ba man wina sakri, ¡nanara kwala pranakira maikaia sna!”

Luk 1:10

Sîka kîa yamni ba angki kan ba ra, upla sut latara ai pura suni kata.

Hibru Nani 1:7

Insal nani dukiara lika Gâd naku aisan: “Gâd ai insalka nani ba pâsa nani baku daukisa, bara ai napakanka nani ba lika pauta lakni baku.”

Param Marikanka 14:6

Bara yang insal wala kum kasbrika pura ba lilapas kat pâli tauki kan kaikri. Naha lika ban kaia ra smalkanka kum bri kan, tasba ra iwi uplika nani ra smalkaia, nisan sât bani ra, taika bani ra, bîla sât bani ra, upla nani sut ra sin.

Param Marikanka 4:8

Diara rayakira walhwal ba kumi bani ai tnawa 6 bri kan, bara nakra pali baman banhki kan pura tani ra bara bîla tani ra sin; kakna bara tihmia naku aisi takaskras kan: “¡Holi, holi, holi, Dawan, Gâd karnika sut bri ba, witinka kaina wina bâra kata ba, bâra ban ba, bara naika balaia ba!”

Param Marikanka 7:11

Bara insal nani ba sut king iwaika ba kir, almuk nani ba, bara diara rayakira walhwal ba sin kir bûi kan; bara king iwaika ba mawanra ai mawan nani ra kauhi, Gâd ra mayuni,

Param Marikanka 8:13

Baha ningkara yang kaikri, bara yakal kum kasbrika pura ba lilapas ra pâli tauki kan walri; witinka ai bîla baikra tara ni aisi kan: “¡Alai, alai, alai kabia, tasba ra iwi uplika nani ba mapara, trumpit nani na insal wala yumhpa ba puhbia ba ra!”