Aiseya 59:8 - DAWAN BÎLA AISKA

⁸ Kupia kumi yabalka witin nani kaikras, ai yabalka nani ra sin kasakka ba âpu sa. Ai yabalka sirpi nani ba, warha man sa; ya ya kabia sin baha nani bâk auya ba kupia kumi lâka ba kaikbia apia.

Aiseya 59:8 ပူးပေါင်းရင်းမြစ်များ

Lawana Nani 125:5

Sakuna baha nani yabal saura ra auya ba, baha nani brih was, saura dadaukra nani aikuki. ¡Kupia kumi lâka Israel ra bâra kabia!

Sins Lâka 2:13

Baha nani yabal yamni ba mahka swi si, bara tihmia yabalka nani ra impaki ba;

Sins Lâka 2:15

baha nani yabal warha ra tauki ba bara ai yabalka wapni ba wina tnaya ra tawan ba.

Sins Lâka 21:8

Upla watawikira nani daukanka ba warha sa, pain apia sa sin; kunin âpu uplika diara dauki ba lika wapni sa.

Sins Lâka 28:18

Upla kasakkira swak takan lâka ra mangkan kabia, sakuna yabal warha ra tauki nani ba lika, trabil kum ra kauhbia.

Sins Lâka 3:17

Man minam taibanka nina blikaia ba painkira pali sa; man yabalkam nani ra taukaia ba sika kupia kumi ra iwaia kaia.

Aiseya 48:22

Saurakira nani ba dukiara kupia kumi lâka ba âpu sa. Dawan baku aisin.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Aiseya 59:11

Yang nani wingku tara nani ini ba baku inisna, bara yang nani maimna lulkisna butku nani sarkira pali ai mamna lulki ba baku; swaki wan sakaia bîla kaiki banhwisna, sakuna balras; swaki sakan lâka baha sin yawan wina laihura taki wan.

Aiseya 59:9

Baha mita sika swak takan lâka ba yawan wina kitwi takan ba, bara pri lâka ba wan lamara balras sa; yawan ingni briaia bîla kaiki kan, sakuna kaiks tihmia tara baman sa; ingni briaia wisi bîla kaiki kan, bara yawan tihmia ra wataukisa.

Aiseya 65:2

Maipara babura uplika nani mawanra, yu aiska yang mihti sakbri, witin nani sika yabal yamni apia bâk impakisa, ai kupia lukanka saura nani ba ninara;

Jirimaya 5:1

Dawan ba naku aisisa: “Man nani Jerusalem yabalka aiska plapi taws, pulaia pliska nani ba ra pliki pain laki kaiks, upla kasakka lâka kat dauki ba kum man nani wal prawma sapa, witin kunin luha kaia luki ba. Man nani ba witin wal prawma kaka, yang bui Jerusalem pâtka ban swih tikamna.

Matiu 23:23

“¡Lâ Smasmalkra nani bara parisi nani, kuninkira nani, man nani mampara saura pali kabia!, diara matawalsip bani wina kumi Gâd ra yabaia ba, man nani baha mint wahia, anis bara kumin wina yabisma, sakuna lâ smalkanka tara nani ba lika bîla walras, baha nani sika umpira kaikaia lâka ba, kasak wapni kaia lâka ba. Baha sika man nani daukaia sma ba, bara wala ba sin swiras ban dauki kaia sma.

Luk 1:79

baha nani tihmia bara prura mununhtara iwi nani ra ingni yaia, bara wan mina nani ba kupia kumi yabalka ra yaka wapaia.”

Roman 3:17

bara witin nani sin kupia kumi yabalka ba kakaira apia sa.