Aiseya 59:4 - DAWAN BÎLA AISKA

⁴ Kasakka lâka dukiara wini ba kumi sin âpu, wapni lâka dauki lâ ba sin âpu sa; bahki lâka ra baman kupiam mangki brisatma, bara kunin lâka ra kau lukisma bara sturi bahki nani ra sin; watawika lâka nani ra, kwihra tiwisma bara saurka lâka luhpia baikisma.

Aiseya 59:4 ပူးပေါင်းရင်းမြစ်များ

Job 15:31

Taniskira baku ai kuninka ra kasak lukisa kaka, kunin munan mana ba witin ai dukia kabia.

Job 15:35

Witin nani saurka lâka ni kwihra tiwan, bara pât saura ni aisubi sakan ai mâ saki ba lika, kunin lâka baman sa.

Lawana Nani 12:3

Dawan, wakia wina, baha nani ba daiks; ai mawan wâl bri nani ba, twisa karna aisi ba,

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Lawana Nani 62:4

Tasba kat ai batakaia baman lukisma, brinkam kau tara ba sika kunin ba. Bîlam wal lika yang ra mayunisma, sakuna lukankam wal lika ai lahtubisma.

Lawana Nani 7:15

Witin liwanhta kum salhki daukan, bara witin baha paknika ra kauhbia, witin bui daukata ba ra.

Sins Lâka 4:16

Witin nani saura daukras kaka, sip kupia kumi lâka ba briras sa; upla kum pan batakras kaka, witin nani sip yapan daukras sa.

Aiseya 10:1

¡Saura pali kabia man nani lâ kasak apia nani marikisma ba; bara upla raitka yabras, lâka nani ni ulbi sakisma ba,

Aiseya 26:18

Yawan kwihra tiwan, luhpia baikaia latwanka brin, yawan pâsa luhpia baikan. Pri lâka sin tasba ra daukras, tasba ra iwbia nani ba sin kau aisubras.

Aiseya 28:15

Man nani lika naku aisisma: “Yang nani prura wal lâ daukri, prura kingka tasbaya wal sin lâ daukri sari lâka klalka balbia ba ra, yang nani ra ai alkbia apia; kumi lâka ra yukuwaia plikisni, kunin ai muni bara yukuwaiki daukri.”

Aiseya 29:20

Upla tataibra nani ba âpu daukan kabia, lawaska kakikra ba sin âpu tikan kabia; bara âpu tiwan kabia saura daukaia luki uplika nani ba.

Aiseya 30:12

Baha ba mita Israel Gâdka Holikira ba naku wisa: “Man nani naha bîli nani mai win ba lulki swiram bamna, bara lâ krikanka ra, watawika lâka ra sin lukankam mangki briram bamna, nahara sin man nani tâm baikram;

Aiseya 30:9

Kan naha uplika nani na, mapara babura nani sa, kuninkira nani luhpia, witin nani na Dawan lâka ba walaia brin daukras.

Aiseya 33:11

Man nani diara daukaia lukram ba, wark nani sin daukaia lukram ba, dus wahia lâwan baku sa, dipasta baku; wingki puhbra kumi mita, pauta ami baku klakbia.

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Aiseya 47:10

Kan man watawikam lâka ra lukankam mangki briram bamna, man wiram: ‘Upla ai kaikras sa.’ Man sinskam lâka ba, man diara tânka kaikaia lâka brisma ba mita kunin mai munan. Bara kupiam ra wiram: ‘Yang baman, kau wala âpu sa yang wina.’

Aiseya 5:18

Man nani ra saura pali kabia kan kunin lâka ni watawika lâka ra raskisma ba, saura lâka ba raski brih auma wagin kum raski ba baku.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Aiseya 59:15

Bara kasakka lâka briaia ba lap tiwan, bara ani uplika saura wina tnaya ra tawan nani dîa bri ba implikisa. Dawan ba ai kupia baikan, kaikan piua ra kasak tânka âpu kan.

Aiseya 59:16

Dawan witin baha kaiki tâ iwan, bara aihka lukan upla kumi sin âpu kan, witin tâwan aimakaia ba; bara Dawan ai karnika ba ni wark daukan, ai kasakka lâka ba dauki pura luan.

Aiseya 59:3

Man nani mihtam nani ba tala ni tâski takan sa, bara mihtam sirpika nani ba upla ikram tasbaika alkan; unam nani ba kunin man aisisa, twisam nani ba watawika lâka man aisisa.

Aiseya 64:7

Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Aiseya 9:15

(Lal ba sika, almuk bara wihta nani ba, prapit nani kunin smalki ba, baha nani sika wâika ba.)

Jirimaya 48:7

“Moab, man karnikam ra diara ailal brisma ba ra kasak luki kapram, sakuna man ra sin bal puram lubia. Man gâdkam Quemós tasba wala brih wabia, prîska nani, uplika tara nani kulkan ba sut.

Jirimaya 5:1

Dawan ba naku aisisa: “Man nani Jerusalem yabalka aiska plapi taws, pulaia pliska nani ba ra pliki pain laki kaiks, upla kasakka lâka kat dauki ba kum man nani wal prawma sapa, witin kunin luha kaia luki ba. Man nani ba witin wal prawma kaka, yang bui Jerusalem pâtka ban swih tikamna.

Jirimaya 7:4

Baha nani kunin mai muni naku aisi ba ra kasak luki banhpara: ¡Dawan tempelka ba nâra sa, Dawan tempelka ba nâra sa!, aisi ba.

Jirimaya 7:8

‘Man nani sika diara bahki upla kunin aisi bîla nani ba kasak lukisma.

Oseas 4:1

Israel luhpia nani, Dawan aisi na man nani wals. Naha kuntrika ra iwi uplika nani mapara witin mita unsaban bukan sa, kan uplika nani na ai tilara wapni lâka daukras sa. Kasakka lâka âpu, Gâd tânka kaikaia tânka sin âpu sa.

Miqueas 2:1

¡Nahki saura kabia baha nani, tihmia aiska ai krikrika ra prawi, nahki saura daukaia ba dukiara baman luki kaiki ba, bara titan yu baiwan wal saurka ba mahka daukuya, witin nani karnika ai mihta ra bri bamna!

Apastil Nani Sturka 24:9

Ju nani bahara kan ba sut bila, baha diara nani aisi ba lika kasak pali sa.

Jems 1:15

Naha brinka saura nani wina sika saura lâka takisa; bara saurka ba tara pâwan ba ra, prura ba aula.